Najə̄ kə́ Majə yā Jeju ń Luk ndang ní 23:43 - Bibəl ta Sar̄

⁴³ Anī Jeju tél tūr̄ ədan na: Ādə̄ m-ə́daī najə̄ kə́ bo ngá̰ý, ɓōólaā nəkɔ́ ń toō, ḭ̄ i seḿ loo kə́ majə yā Nə́ɓā tə́.

Bible sar

⁴³ Anī Jeju tél tūr̄ ədan na: Ādə̄ m-ə́daī najə̄ kə́ bo ngá̰ý, ɓōólaā nəkɔ́ ń toō, ḭ̄ i seḿ loo kə́ majə yā Nə́ɓā tə́.

Najə̄ kə́ Majə yā Jeju ń Luk ndang ní 23:43 Referans Kwoze

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

JA̰A̰ 14:3

Loo ń ré m-āw̄ m̄-rāā loo tām̄ yāsí tə́ oy anī, m-ā m̄-tél yā kɔysí kə̄ rɔ̄ḿ tə́, yā kadə̄ loo ń mā i tū tə́ ní, sḭḭ̄ i tū tə́ ō.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

PILIPƏ 1:23

Dɔḿ tɔ̄ɔ̄ jōó: Ngur kadə̄ m-óy m-āw̄ m̄-ndi kə Kərist rāām̄, i nge ń noō n m̄-gḛy ngá̰ý ní.

2 KORḚNTƏ 5:8

Rɔ̄kum, j-ənī kemjí mámák jə-ndiń kanjə̄ sōl̄ yá̰á̰ kógə̄ḿ ō, yá̰á̰ kə́ nel̄jí ngá̰ý i kadə̄ j-əya̰ rɔ̄jí ń toō kɔ̄ɔ́ ba j-aw̄ jə-ndi rɔ̄ Kɔ́ɔ̄ɓē tə́ ō.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

Najə̄ kə́ Majə yā Jeju ń Luk ndang ní 23:42

Tá ni-əda Jeju na: Jeju, ādə̄ əga kemií dɔḿ tə́ dan ń ā ūgə̄ kem Ɓē ko̰o̰ yāí tə́ ní.