Najə̄ kə́ Majə yā Jeju ń Luk ndang ní 23:4 - Bibəl ta Sar̄

⁴ Anī Pilatə tél əda ngol gə̄ kə́ dɔ ngé tun̄ yá̰a̰ gə̄ tə́ ō, kósə de gə̄ ō na: Mā m-ə́ngé yá̰á̰ kógə̄ḿ dɔ dəngam ń toō tə́ kə́ yā kadə̄ sarya rāānneé alé.

Bible sar

⁴ Anī Pilatə tél əda ngol gə̄ kə́ dɔ *ngé tun̄ yá̰a̰ gə̄ tə́ ō, kósə de gə̄ ō na: Mā m-ə́ngé yá̰á̰ kógə̄ḿ dɔ dəngam ń toō tə́ kə́ yā kadə̄ sarya rāānneé alé.

Najə̄ kə́ Majə yā Jeju ń Luk ndang ní 23:4 Referans Kwoze

JA̰A̰ 18:38

Pilatə dəjen na ké najə̄ kə́ rɔ̄kum i rí wa. Dan ń ni-əda najə̄ ń noō oy anī, teē aw̄ rɔ̄ Jipə gə̄ tə́ ndágá ɓáý to̰, ba ədadə́ na: Mā m-ə́nge najə̄ kə́ yā kadə̄ deē gāngəń sarya dɔn tə́ alé.

1 PIYER 2:22

Ni-rāā yá̰á̰ kógə̄ḿ kə́ majaĺ aĺ ō, deē oō najə̄ kə́ to gól̄ loo sḛ́ý tan tə́ aĺ ō.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

Najə̄ kə́ Majə yā Jeju ń Luk ndang ní 23:22

Pilatə ədadə́ ɓáý to̰ nja kə́ nge ko̰ mətá na: Yá̰a̰ nəkɔ́ kə́ majaĺ ń deē ń toō rāā ní i rí? Mā m-ə́nge yá̰á̰ kógə̄ḿ dɔn tə́ kə́ əɓa kum kadə̄ oyń alé, ní i beé ɓáa, m-ādə̄ a əndanən̄, ba gō tə́ a m-ā m-ə́ya̰n dɔɔ́.

MARK 15:14

Pilatə tél ədadə́ na: Yá̰a̰ nəkɔ́ kə́ majaĺ ń ni-rāā ní i rí? Ba nin̄-əgan̄ kɔŕ tɔȳ kə́ kété ɓáý ədan̄ na: Ə́ndan kə máyá̰ tū kāgə̄ kə́ dēsə́ tə́!

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

MATIYE 27:19

Dan ń Pilatə ndi loo gān̄g sarya tə́ ní, nə̄yá̰n əla ədan na kə lōō kəla rɔ̄n dan najə̄ yā de kə́ súmūú ń noō tə́. Tɔdɔ̄ na n-nī nī kə́ majaĺ ngá̰ý dɔn tə́ ndɔ̄ɔ́ laā.

KƏLA RĀĀ 3:13

Nə́ɓā yā Abəraham ō Isaak ō Jakob ō ń i Nə́ɓā yā kaají gə̄ ní, ɔsə gɔn Jeju nge kəla yān ń sḭḭ̄ ə́laniī jī de gə̄ tə́ ō, ī-mbātə́niī ta kum Pilatə tə́ dan ń Pilatə gḛy kəya̰n dɔɔ́ ní ō.

KƏLA RĀĀ 25:25

Mā tā a m-á̰a̰ kadə̄ ni-rāā yá̰á̰ kógə̄ḿ kə́ asə kadə̄ oyń alé. Ba dan ń nəkɔ́ gḛy kaw̄ kə sarya yānneé rɔ̄ Sejar tə́ ní, m̄-ndigə kəla seneé rɔ̄n tə́.