Najə̄ kə́ Majə yā Jeju ń Luk ndang ní 23:35 - Bibəl ta Sar̄

³⁵ De kə́ kem ɓē gə̄ ra a̰a̰n̄ loo sikəm. Ba ngār gə̄ tá a kəgōn̄ naā dɔ Jeju tə́. Nin̄-ədan̄ na: Ni ń ajə de kə́ rang gə̄ ní, ré ni i Kərist anī, ādə̄ ajə rɔ̄n yā ka̰a̰ tā.

Bible sar

³⁵ De kə́ kem ɓē gə̄ ra a̰a̰n̄ loo sikəm. Ba ngār gə̄ tá a kəgōn̄ naā dɔ Jeju tə́. Nin̄-ədan̄ na: Ni ń ajə de kə́ rang gə̄ ní, ré ni i *Kərist anī, ādə̄ ajə rɔ̄n yā ka̰a̰ tā.

Najə̄ kə́ Majə yā Jeju ń Luk ndang ní 23:35 Referans Kwoze

PĀ GƏ̄ 22:17

Bísə gə̄ ḭḭn̄ seḿ, ɓūtə̄ ngé rāā majaĺ gə̄ gīrə̄n̄ gidəḿ. Nin̄ mbútə̄n̄ jīḿ gē njaḿ gē.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

Najə̄ kə́ Majə yā Jeju ń Luk ndang ní 16:14

Parijiyḛ gə̄ nel̄də́ nar ngá̰ý, adə̄ dan ń nin̄-oōn̄ najə̄ gə̄ ń toō anī, lurən̄ Jeju.

MATIYE 12:18

Nge kəla yāḿ ń m̄-gə̄rān ní n toó, kó tár yāḿ ń nelə̄m̄ seneé adə̄ m̄-gə̄rān ní. M-ā m̄-rāā kadə̄ Ndílə́ḿ a ndi dɔn tə́, adə̄ a ɔjə nápar de gə̄ yá̰á̰ kə́ gōtə́ kə́ yā rāā.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

NŌŌ RƆ̄ 3:14

m̄-tél kur̄ kəgō yā de gə̄ malang ō, yá̰a̰ kənī pā yādə́ kə dɔ ndɔ̄ gə̄ malang ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

PĀ GƏ̄ 71:11

Nin̄ ədan̄ na: Nə́ɓā əya̰n kɔ̄ɔ́, ādə̄ njasí ra gōn tə́, ə́hɔniī. De kə́ yā taān jīsí tə́ gətóo!

PĀ GƏ̄ 69:26

Ādə̄ nujən̄ gérger yādə́ sák sák ō, ādə̄ deē gətóo kem kújə tandā yādə́ tə́ ō.

PĀ GƏ̄ 35:15

Ba dan ń m-ā m̄-bibə́rī ní, nin̄ ɔsən̄ dɔdə́ naā tə́ ba əgōmə̄n̄ ō, əndān̄ rɔ̄də́ naā tə́ yā rɔ̄ɔ̄m̄ ō. Tə̄rā gə̄ ń i de kə́ m̄-ger̄də́ aĺ gə̄ ní, əgan̄ naā dɔḿ tə́ ō, əgan̄ kɔŕ ō.

PĀ GƏ̄ 4:2

Nə́ɓā, ḭ̄ ń i de kə́ sew yāḿ ní, loo ń ré m̄-ɓāríī anī ī-ndigəm̄ tə́! Dan ń wur kɔl əsō dɔḿ tə́ ní ḭ̄ ī-rāā seḿ adə̄ loo tóom̄ néĺ tə́. Ādə̄ kumií o̰o̰ī ba ōō ndɔ̄ȳ yāḿ.

Najə̄ kə́ Majə yā Jeju ń Luk ndang ní 23:13

Anī Pilatə ɓāŕ ngol gə̄ kə́ dɔ ngé tun̄ yá̰a̰ gə̄ tə́ ō, ngār gə̄ ō, de kə́ kem ɓē gə̄ ō, adə̄ kánə̄n̄ naā,

Najə̄ kə́ Majə yā Jeju ń Luk ndang ní 23:39

Nge rāā majaĺ kə́ kógə̄ḿ ń əndan̄də́ kə máyá̰ tū kāgə̄ kə́ dēsə́ tə́ ní əda najə̄ kə́ to ngonjə̄ na: Ḭ̄ i Kərist aĺ a? Ájə rɔ̄í īkɔ́, ba ájə́jí seí ō tā!