Najə̄ kə́ Majə yā Jeju ń Luk ndang ní 23:34 - Bibəl ta Sar̄

³⁴ Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

Bible sar

³⁴ Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

Najə̄ kə́ Majə yā Jeju ń Luk ndang ní 23:34 Referans Kwoze

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

Makətūbə̄ ń Pol ndang adə̄ Rom gə̄ ní 12:14

Ī-dəjeī Nə́ɓā kadə̄ rāā majə kə ngé gə̄ ń rāān̄sí ndoō tə́ ní. Ī-tɔ́rī tasí dɔdə́ tə́ ba ī-lōōī ndɔ̄ĺdə́.

1 KORḚNTƏ 2:8

Deē kógə̄ḿ kə́ dan ngār gə̄ kə́ dɔ nang tə́ laā kə́ ger̄ kum kedə̄ ngeé ń toō gətóo. Ré nin̄-gerə̄n̄ i mbée anī, Kɔ́ɔ̄ɓē ń kɔsə gɔn i yān ní, a əndanən̄ kə máyá̰ tū kāgə̄ kə́ dēsə́ tə́ alé.

PĀ GƏ̄ 22:18

Deē asə tə́da kə̄ngāḿ gə̄ malang. De gə̄ a̰a̰mə̄n̄, nin̄ əndān̄ kumdə́ dɔḿ tə́.

TA KƏLA 50:17

kə ədan̄ Jəjep najə̄ ń toō kə adə̄nən̄, kə ədanən̄ na n-rāān ɓɔ́ ba kə mā̰ȳ rɔ̄n dɔ majaĺ yā ngákó̰o̰n gə̄ tə́, tɔdɔ̄ nin̄ na rāānən̄ yá̰á̰ kə́ majaĺ. Ní, na n-rāānən̄ ɓɔ́ ba kə mā̰ȳ rɔ̄n dɔ majaĺ yādə́ tə́ tām̄ nin̄ na i ngé ndɔ̄ȳ Nə́ɓā yā bɔbə̄n gə̄ ō. Dan ń reē ədan̄ Jəjep najə̄ ní anī Jəjep nōō.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

1 TIMOTE 1:13

Mā ń kété m̄-ndájə̄ najə̄ dɔn tə́ ō, m̄-rāā kumən ndoō tə́ ō, m̄-rāān majaĺ ngá̰ý ō ní. Banī Nə́ɓā a̰a̰ kum tō ndoō yāḿ, tām̄ dan ń noō tə́ ní, m̄-taā kem Kərist alé. Tɔdɔ̄ m̄-rāā yá̰a̰ i kə́ de kə́ ger̄ yá̰a̰ aĺ tə́.

KƏLA RĀĀ 3:17

Ba ngɔlaā ní ngákó̰ó̰ḿ gə̄, m̄-ger̄ kadə̄ i gō ger̄ aĺ tə́ n sḭḭ̄ gə̄gē, ngār yāsí gə̄ gə̄gē ī-rāāīneé yá̰á̰ ń toō ní.

1 KORḚNTƏ 4:12

j-a̰a̰ tápə̄ loo rāā kəla tə́ kə jījí ō. Ré de gə̄ tájə̄n̄jí anī, jə-tɔ́r̄ i tají tá dɔdə́ tə́. Ré rāān̄jí yá̰á̰ kə́ tōr̄ anī, jə-tə́gā tají.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

MARK 15:24

Əndanən̄ kə máyá̰ tū kāgə̄ kə́ dēsə́ tə́ ba túgə̄n̄ wə̄lā dɔ kūbə̄ yān gə̄ tə́ yā gerə̄ń dɔ deē ń wə̄lā əhɔ adə̄n ní, ba gō tə́ anī nin̄-nə̄ɓōn̄ naā kūbə̄ gə̄ ní.

MATIYE 11:26

A̰á̰ā̰, Bɔbə́ḿ, i tītə̄ ń noō tɔdɔ̄ i nge ń noō n á̰a̰ kadə̄ i yá̰á̰ kə́ nel̄ kemií ní.

Najə̄ kə́ Majə yā Jeju ń Luk ndang ní 22:42

Bɔbə́ḿ, ḭ̄ kɔ́ ndigə anī, úń kópə́ ń toō rɔ̄ḿ tə́ kɔ̄ɔ́, banī kadə̄ i gō kem ndigə yāḿ mā n kə yā rāā ní alé, ba kadə̄ i gō kem ndigə yāí ḭ̄ kɔ́ tá.

JA̰A̰ 17:9

m̄-ndɔ̄yī tām̄ yādə́ tə́. m̄-ndɔ̄ȳ i tām̄ yā de kə́ dɔ nang tə́ gə̄ tə́ alé, banī i tām̄ yā ngé gə̄ ń ḭ̄ adə̄m̄ sedə́ ní tə́, tɔdɔ̄ nin̄ i yāí gə̄.

KƏLA RĀĀ 16:28

Banī Pol əga kɔŕ ngá̰ý əda na: Ī-lōō rāā yá̰á̰ kə́ majaĺ kə rɔ̄í, na jḭḭ malang jə-ndi laā!