Najə̄ kə́ Majə yā Jeju ń Luk ndang ní 23:33 - Bibəl ta Sar̄

³³ Dan ń ugə̄n̄ loo ń a ɓāŕnən̄ na i Kār̄ dɔ tə́ ní anī, əndanən̄ kə máyá̰ tū kāgə̄ kə́ dēsə́ tə́ tū tə́ naā tə́ kə ngé rāā majaĺ gə̄ ní. Kógə̄ḿ i dɔ jī ko̰n tə́ ō, kógə̄ḿ i dɔ jī gelən tə́ ō.

Bible sar

³³ Dan ń ugə̄n̄ loo ń a ɓāŕnən̄ na i Kār̄ dɔ tə́ ní anī, əndanən̄ kə máyá̰ tū kāgə̄ kə́ dēsə́ tə́ tū tə́ naā tə́ kə ngé rāā majaĺ gə̄ ní. Kógə̄ḿ i dɔ jī ko̰n tə́ ō, kógə̄ḿ i dɔ jī gelən tə́ ō.

Najə̄ kə́ Majə yā Jeju ń Luk ndang ní 23:33 Referans Kwoze

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

JA̰A̰ 18:32

I tītə̄ ń noō n najə̄ ń Jeju əda ɔjəń loo koy ń a rāā yā koy ní a udəń gírí ní.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

NDŪ NAJƏ̄ 21:23

loo a tíbə dɔ nīnə́n tə́ alé. I gáŕ kadə̄ ī-dubə̄ kɔ̄ɔ́ ndɔ̄ nəkɔ́ ń noō tə́. Tɔdɔ̄ nīń kə́ beé i yá̰á̰ kə́ a ɔr ndɔ̄ĺ yā Nə́ɓā yā reēń dɔ ɓē tə́. Ī-lōō reē kə majaĺ dɔ ɓē ń Kɔ́ɔ̄ɓē Nə́ɓā yāí adī tə́ ní.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

KƏLA RĀĀ 13:29

Dan ń nin̄-rāān̄ adə̄ najə̄ gə̄ malang ń ndangən̄ dɔn tə́ ní reē udən̄ gírí oy anī, ɔr̄nən̄ kɔ̄ɔ́ tū kāgə̄ kə́ dēsə́ tə́, ba aw̄ ənīnən̄ kem bəlo yo tə́.

KƏLA RĀĀ 5:30

Jeju ń ə́ndaniī kə máyá̰ tū kāgə̄ kə́ dēsə́ tə́ ī-tɔ̄liīneé ní, Nə́ɓā yā kaají gə̄ ndólə̄n.

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

JA̰A̰ 3:14

Tītə̄ ń Moijə əlań lī dɔɔ́ kem dəla loo tə́ ní, i gáŕ kadə̄ a əlan̄ Ngōn̄ Deē dɔɔ́ tītə̄ ń noō ō,

Najə̄ kə́ Majə yā Jeju ń Luk ndang ní 24:7

Ni-əda na i gáŕ kadə̄ əlan̄ Ngōn̄ Deē jī ngé rāā majaĺ gə̄ tə́ ō, kadə̄ a əndanən̄ kə máyá̰ tū kāgə̄ kə́ dēsə́ tə́ ō, i gáŕ kadə̄ a ndól̄ ndɔ̄ kə́ nge ko̰ mətá tə́ ō.

MATIYE 26:2

Ba a əlan̄ Ngōn̄ deē jī de gə̄ tə́ kadə̄ a əndanən̄ kə máyá̰ tū kāgə̄ kə́ dēsə́ tə́.

MATIYE 20:19

a əlanən̄ jī de gə̄ kə́ nin̄ i Jipə aĺ gə̄ tə́ kadə̄ a mbóon̄ seneé ō, a əndanən̄ kə ndéy mərawaá ō, a əndanən̄ kə máyá̰ tū kāgə̄ kə́ dēsə́ tə́ ō, kadə̄ oy. Ba ndɔ̄ kə nge ko̰o̰ mətá anī, ni a ndól̄.

PĀ GƏ̄ 22:16

Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.