Najə̄ kə́ Majə yā Jeju ń Luk ndang ní 23:32 - Bibəl ta Sar̄

³² Aw̄n̄ kə de kə́ rang gə̄ jōó seneé yā tɔ̄l̄də́ ō, i de kə́ ngé rāā majaĺ gə̄.

Bible sar

³² Aw̄n̄ kə de kə́ rang gə̄ jōó seneé yā tɔ̄l̄də́ ō, i de kə́ ngé rāā majaĺ gə̄.

Najə̄ kə́ Majə yā Jeju ń Luk ndang ní 23:32 Referans Kwoze

MARK 15:27

Əndan̄ ngé gān̄g róbə gə̄ jōó kə máyá̰ tū kāgə̄ kə́ dēsə́ tə́ naā tə́ seneé, kógə̄ḿ i dɔ jī ko̰n tə́ ō, kógə̄ḿ i dɔ jī gelən tə́ ō.

MATIYE 27:38

Əndan̄ ngé kum̄ róbə gə̄ jōó kə máyá̰ tū kāgə̄ kə́ dēsə́ gə̄ tə́ kadə Jeju tə́. Kógə̄ḿ i dɔ jī ko̰n tə́ ō, kə́rēý i dɔ jī gelən tə́ ō.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

JA̰A̰ 19:18

Nin̄-əndanən̄ kə máyá̰ tū kāgə̄ kə́ dēsə́ tə́ i loo ngeé ń noō tə́. Əndan̄ de kə́rēý gə̄ jōó kə máyá̰ tū kāgə̄ kə́ dēsə́ tə́ seneé. De gə̄ ní ran̄ dɔ jīn jōó banī ni i danaá.

Najə̄ kə́ Majə yā Jeju ń Luk ndang ní 22:37

Tɔdɔ̄ ādə̄ m-ə́dásí, i gáŕ kadə̄ najə̄ ń ndangən̄ kem makətūbūú na: Tə́danən̄ dan ngé rāā majaĺ gə̄ tə́ ní reē udə gírí dɔḿ tə́. Tām̄ najə̄ gə̄ ń ndangən̄ ɔjə dɔḿ ní a reē yā kudə gíŕ kə́ rɔ̄ tə́.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

Najə̄ kə́ Majə yā Jeju ń Luk ndang ní 23:31

Ní, ré rāān̄ kāgə̄ kə́ mbōl̄ yá̰á̰ kə́ tītə̄ ń noō gə̄ anī, nge kə́ tutə ní, yān i ba̰ý?

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.