Najə̄ kə́ Majə yā Jeju ń Luk ndang ní 23:31 - Bibəl ta Sar̄

³¹ Ní, ré rāān̄ kāgə̄ kə́ mbōl̄ yá̰á̰ kə́ tītə̄ ń noō gə̄ anī, nge kə́ tutə ní, yān i ba̰ý?

Bible sar

³¹ Ní, ré rāān̄ kāgə̄ kə́ mbōl̄ yá̰á̰ kə́ tītə̄ ń noō gə̄ anī, nge kə́ tutə ní, yān i ba̰ý?

Najə̄ kə́ Majə yā Jeju ń Luk ndang ní 23:31 Referans Kwoze

JA̰A̰ 15:6

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

Gōsə̄ najə̄ gə̄ 11:31

Rɔ̄kum, əndān̄ nja de kə́ súmūú dɔ nang tə́ laā tām̄ kəla rāān tə́, banī nge kem ndul ō, nge rāā majaĺ ō ní, i najə̄ rí n kə deē kə əda dɔdə́ tə́ ní?

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

JEREMI 25:29

M-ā m-ə́la kə yá̰á̰ kə́ to kum kaȳ aĺ dɔ de gə̄ tə́. M-ə́la gír i dɔ ɓē ń rīḿ ɓār̄ dɔ tə́ ní sḭḭ̄ a ī-teēī kum tə́ karī a? Njaḿ gē ā ī-teēī kum tə́ alé. Tɔdɔ̄ m-ā m̄-rāā kadə̄ de kə́ dɔ nang tə́ gə̄ malang oyn̄ yo kaskar. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Makətūbə̄ ń Jud ndang ní 1:12

Dan ń ī-ndiī ā ə́saī yá̰a̰ kə naá kə́ loo ngákó̰o̰ naā gə̄ tə́ ɓáa, nin̄ i yá̰á̰ kə́ adə̄ deē wōn̄g gə̄ dansí tə́. Nin̄ i de kə́ ngé kəsa wa kanjə̄ kadə̄ rɔ̄də́ sɔl̄də́ gə̄ ō, gírə̄n̄ i dɔ rɔ̄də́ nin̄ kɔ́ gə̄ tə́ ngóy ō. Nin̄-ton̄ i tītə̄ man̄ kə́ il̄ kanjə̄ kedə kə́ nél tə̄ndā tḭ̄ḭ̄ kɔ̄ɔ́ beē ō, ton̄ i tītə̄ kāgə̄ gə̄ kə́ nāā kan̄də́ ugə̄ banī anə̄n̄ aĺ gə̄ beé ō, ton̄ i tītə̄ kāgə̄ gə̄ kə́ ɔrə̄n̄də́ kɔ̄ɔ́ kə ngəradə́ gēé adə̄ oyn̄ kɔ̄ɔ́ beé ō.

HEBƏRO 6:8

Banī ré i túpə kōn̄ gə̄ kə ngar̄ gə̄ n əɓan̄ tū tə́ anī, i dɔ nang kə́ teē yá̰a̰ alé, na̰y ngɔr kadə̄ Nə́ɓā ndɔ̄lə́n ō. Ta tɔ̄l̄ ta anī a róōnən̄ kɔ̄ɔ́ ō.

DANIEL 9:26

Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

Najə̄ kə́ Majə yā Jeju ń Luk ndang ní 23:30

Loo ń noō tə́ de gə̄ a ədan̄ mbal̄ kə́ bo gə̄ na kə tə́sōn̄ dɔdə́ tə́ kɔ̄ɔ́ ō, a ədan̄ ngán mbal̄ gə̄ na kə utə̄n̄ dɔdə́ kɔ̄ɔ́ ō.

Najə̄ kə́ Majə yā Jeju ń Luk ndang ní 23:32

Aw̄n̄ kə de kə́ rang gə̄ jōó seneé yā tɔ̄l̄də́ ō, i de kə́ ngé rāā majaĺ gə̄.