Najə̄ kə́ Majə yā Jeju ń Luk ndang ní 23:2 - Bibəl ta Sar̄

² Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

Bible sar

² Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ *Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i *Kərist ō.

Najə̄ kə́ Majə yā Jeju ń Luk ndang ní 23:2 Referans Kwoze

JA̰A̰ 19:12

Əla gír kum mbang ngeé ń noō tə́ ní, Pilatə a sāā i ta róbə kəya̰ Jeju dɔɔ́. Banī Jipə gə̄ unən̄ ndūdə́ kə̄ dɔɔ́ ngá̰ý ədan̄neé na: Ré ə́ya̰n dɔɔ́ anī, ḭ̄ i madə̄ Sejar alé. Náā nəkɔ́ ń rāā rɔ̄n mban̄g tə́ ní, mbātə́ i Sejar wáńg.

Najə̄ kə́ Majə yā Jeju ń Luk ndang ní 23:14

ba ədadə́ na: Sḭḭ̄ ī-sekíī dəngam ń toō rɔ̄ḿ tə́ na i tām̄ ni na sə̄lā de kə́ kem ɓē gə̄, ba á̰a̰ī, m̄-dəjen najə̄ i ta kumsí sḭḭ̄ kɔ́ gə̄ tə́ laā ō, ba mā m-ə́ngé yá̰á̰ kógə̄ḿ kə́ dan yá̰a̰ gə̄ ń ī-sekə́niīneé tə́ ní kadə̄ sarya rāān alé.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

JA̰A̰ 18:30

Nin̄-tél ədanən̄ na: Ré ni-rāā yá̰á̰ kə́ majaĺ aĺ anī, j-a jə-reē seneé rɔ̄í tə́ a?

MARK 12:17

Anī Jeju ədadə́ na kə tél adə̄n̄ Sejar yá̰á̰ ń i yā Sejar ní ō, kə tél adə̄n̄ Nə́ɓā yá̰á̰ ń i yā Nə́ɓā ní ō. Adə̄ ɔr kumdə́ seneé ngá̰ý.

MATIYE 22:21

Nin̄-tél ədanən̄ na deē ní na i Sejar ō, yá̰á̰ ń ndangən̄ tū tə́ ní na i rīn ō. Anī Jeju ədadə́ na: Beé ɓáa yá̰á̰ ń i yā Sejar ní, ī-tél ādī Sejar ō, yá̰á̰ ń i yā Nə́ɓā ní, ādī Nə́ɓā ō.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

JEREMI 38:4

De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

PĀ GƏ̄ 62:4

Ā ī-ɓoī naā malang dɔ de kə́ kógə̄ḿ beē tə́ yā kəsō seneé tītə̄ ndogə̄ mbal̄ kə́ nōr̄ beé aláa tītə̄ ngísə ndogə̄ beé, i bátə́ ta kə̄ rá?

KƏLA RĀĀ 24:13

Tá yá̰a̰ gə̄ ń de gə̄ ń toō sekə́mə̄n̄ ngɔlaā najə̄n tə́ ní, nin̄-asən̄ kɔjiī kadə̄ i rɔ̄kum alé.

Najə̄ kə́ Majə yā Jeju ń Luk ndang ní 23:5

Ba nin̄-əhɔn̄ tadə́ ngan̄g ɓáý, ədan̄ na: Ni sə̄lā de gə̄ kə ta kūl̄ ndóōdə́ yá̰a̰ gō nang kə́ Jude tə́ malang, əla gír i Galile tə́ nú bátə́ gāngəń laā.

MATIYE 17:27

Ba kadə̄ de gə̄ n noō əsōn̄neé sɔɔ̄ńjí aĺ ní, āw̄ ta bā bo tə́ ə̄nī kuȳ. Kānjə̄ kə́ ta kəga dɔ ń a un kuȳ ní ə́hɔn ba ī-teē tan, ā ə́ngé njáŕ sə́lē arjā̰a̰ kə kum madə̄ jōó tan tə́. Ɔ̄r̄, ba āwń ādə̄də́ tām̄ yāḿ tə́ ō, tām̄ yāí tə́ ō.

AMOS 7:10

Amasia ń i nge tun̄ yá̰á̰ kə́ kem ɓē kə́ Betel tə́ ní, əla kəla rɔ̄ Jeroboam mban̄g kə́ Israel tə́ tə́, ni ədan na: Amos sāā mbəreī kɔ̄ɔ́ dɔ kōr̄ kāgə̄ mbang kə́ Israel tə́ tə́. De kə́ kem ɓēé gə̄ asən̄ tə́gā tadə́ dɔ najə̄ kɔrə̄n gə̄ tə́ to̰ alé.

PĀ GƏ̄ 35:11

De kə́ kum tə́ aĺ gə̄ ḭḭn̄ seḿ ba dəjemə̄n̄ gír najə̄ kə́ m̄-ger̄ kum aĺ.

1 MBAN̄G GƏ̄ 18:17

Dan ń Akab a̰a̰ Eli ní a, ədan na: Nge reē kə yá̰á̰ kə́ majaĺ dɔ ɓē kə́ Israel tə́, i ḭ̄ nəkɔ́ a?

MATIYE 27:11

Aw̄n̄ kə Jeju no nge ko̰o̰ ɓē tə́. Anī nge ko̰o̰ ɓē dəjen na ké ni i mban̄g yā Jipə gə̄ wa. Anī Jeju tél ədan na i īkɔ́ n ə́dá ní.

MARK 15:2

Pilatə dəjen najə̄ əda na: Ḭ̄ i mban̄g yā Jipə gə̄ a? Jeju tél ədan na: Īkɔ́ ə́dá ɓá.

JA̰A̰ 18:29

I tām̄ najə̄ ń toō tə́ n Pilatə nge ko̰o̰ ɓē aw̄ əngedə́ ndágá ní. Ni dəjedə́ na: Deē ń toō rāā i rí á ī-sekə́niī ní?

Makətūbə̄ ń Pol ndang adə̄ Rom gə̄ ní 13:7

Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.