Najə̄ kə́ Majə yā Jeju ń Luk ndang ní 22:53 - Bibəl ta Sar̄

⁵³ Ngáńdáńg kə ndɔ̄ gə̄ mā i sesí kem kújə yā Kɔ́ɔ̄ɓē tə́, ba sḭḭ̄ ə́hɔmī alé. Banī i kum mbang yāsí n toó ō, i kum mbang yā tɔ́gə́ kə́ kum til tə́ gə̄ ō.

Bible sar

⁵³ Ngáńdáńg kə ndɔ̄ gə̄ mā i sesí kem *kújə yā Kɔ́ɔ̄ɓē tə́, ba sḭḭ̄ ə́hɔmī alé. Banī i kum mbang yāsí n toó ō, i kum mbang yā tɔ́gə́ kə́ kum til tə́ gə̄ ō.

Najə̄ kə́ Majə yā Jeju ń Luk ndang ní 22:53 Referans Kwoze

EPEJƏ 6:12

Tɔdɔ̄ ngé gə̄ ń j-a jə-rɔ̄ɔ̄īdə́ ní, i deē ndul gə̄ ń nin̄ i kə dā̰ rɔ̄də́ ō, mósə́də́ ō ní alé, banī i ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō, ngār kə́ tilií gə̄ ō, ndíĺ kə́ majaĺ gə̄ ō ń ndin̄ dɔɔ́ dɔ rā̰ tə́ ní.

JA̰A̰ 12:27

Ngɔlaā ní ndílə́ḿ ndi kə gōó to̰ alé, ba kə m-ə́da na i rí tā. Kə m-ə́da na: Bɔbə́ḿ, ɔ̄rə̄m̄ kɔ̄ɔ́ kum mbang ń toō tə́ a? Ba i tām̄ yā kum mbang ngeé ń toō tə́ mandang n m̄-reēń ní.

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

JA̰A̰ 7:45

Pajā gə̄ tél aw̄n̄ rɔ̄ ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ tə́ ō, banī nin̄-dəjen̄ pajā gə̄ ní na: I tām̄ rí tə́ á ī-reēī seneé aĺ ní?

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

JA̰A̰ 7:30

Lon ń noō tə́ nin̄-sāān̄ kəhɔn, ba deē kógə̄ḿ kə́ əla jīn yā kəhɔnəń gətóo, tɔdɔ̄ kum mbang yān asə aĺ ɓáý.

MATIYE 21:23

Jeju udə kújə yā Kɔ́ɔ̄ɓē tə́ a ndóō de gə̄ yá̰a̰. Anī ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ yā ngán Israel gə̄ ō, reēn̄ rɔ̄n tə́ ba dəjenən̄ na ké tɔ́gə́ ń a rāań yá̰a̰ gə̄ ní ké teēń i rá wa, ké i náā n-adə̄n tɔ́gə́ ní wa.

Najə̄ kə́ Majə yā Jeju ń Luk ndang ní 22:52

Gō tə́ anī, Jeju əda ngol gə̄ kə́ dɔ ngé tun̄ yá̰a̰ gə̄ tə́ ō, ngol ngé ngɔ̄m̄ kújə yā Kɔ́ɔ̄ɓē gə̄ ō, kum kɔɔ̄ gə̄ ō ń reēn̄ kəhɔn tə́ ní na: I ba̰ý á ī-reēī kə kaskar gə̄, kə sálang kāgə̄ gə̄, tītə̄ kə́ ī-reēī i kəhɔ nge kum̄ róbə́ tə́ beé ní?

Najə̄ kə́ Majə yā Jeju ń Luk ndang ní 22:54

Dan ń əhɔn̄ Jeju oy anī, aw̄n̄ seneé, ba adə̄n̄ udə kújú ɓē yā ngol ngé tun̄ yá̰a̰ gə̄ tə́. Piyer a un gōdə́, ba dandə́ tá gə̄lā sa̰y sḛ́ý.

JA̰A̰ 13:30

Adə̄ Judas taā gájə́ mápá ní, ba kə̄ ta jī tə́ noō ni-teē ndágá. Loo i ndɔ̄ kɔ̄ɔ́.