5 Nin̄-rāān̄ rɔ̄nel̄ dɔ tə́, ba oōn̄ naā kadə̄ n-adə̄nən̄ nar.
Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.
Nin̄-əya̰n̄ róbə́ kə́ súmūú kɔ̄ɔ́ adə̄ ndúmə̄n̄. Nin̄-unən̄ róbə́ ń Balam kə́ ngōn̄ Bosor un ní. Balam ngeé ń toō gḛy nar kə́ kadə̄ adə̄nən̄ gíŕ yá̰a̰ rāān kə́ gō tə́ aĺ tə́.
Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.
Anī Piyer tél ədan na: Nar yāí gə̄gē, īkɔ́ gə̄gē, ā údiī kɔ̄ɔ́ mbak. Tɔdɔ̄ yá̰á̰ ń Nə́ɓā a adə̄ deē i karī ní, ḭ̄ ī-gír̄ mang kə naraá.
Nar ń adə̄nən̄ gíŕ yá̰a̰ kə́ majaĺ ń ni-rāā tə́ ní, deē ngeé ń toō aw̄ mangəń ndɔr̄ tām̄ yān tə́. Ni-əsō ur dɔn nang tə́ kem ndɔr̄ ní tə́ ō, rɔ̄n njar naā tə́ danaá adə̄ tiīn kəjā ndágá malang ō.
Ni ɔtə jákə́ aw̄ ənge ngol gə̄ kə́ dɔ ngé tun̄ yá̰a̰ gə̄ tə́ ō, ngol ngé ngɔ̄m̄ kújə yā Kɔ́ɔ̄ɓē gə̄ ō, ba ɔr̄ najə̄ sedə́ dɔ loo kəla ń a əla Jeju jīdə́ tə́ ní.
Ni ndigə dɔ tə́ ba a sāā ndɔ̄ kə́ majə tá kadə̄ n-aw̄ kə n-əla Jeju jīdə́ tə́ jəke gidə kósə de gə̄ tə́.