Najə̄ kə́ Majə yā Jeju ń Luk ndang ní 22:41 - Bibəl ta Sar̄

⁴¹ Gō tə́ anī, ndɔ́tə̄ rɔ̄də́ tə́ kɔ̄ɔ́ kə̄ sa̰y sḛ́ý, adə̄ dɔ dáńdə́ asə kadə̄ deē ənī kɔkərɔ anī əsō tū tə́, ba tétə̄ kejən nang tə́ a ndɔ̄ȳ əda na:

Bible sar

⁴¹ Gō tə́ anī, ndɔ́tə̄ rɔ̄də́ tə́ kɔ̄ɔ́ kə̄ sa̰y sḛ́ý, adə̄ dɔ dáńdə́ asə kadə̄ deē ənī kɔkərɔ anī əsō tū tə́, ba tétə̄ kejən nang tə́ a ndɔ̄ȳ əda na:

Najə̄ kə́ Majə yā Jeju ń Luk ndang ní 22:41 Referans Kwoze

MATIYE 26:39

Ni-aw̄ dan sa̰y sḛ́ý anī ɔsə non nang tə́, ba ndɔ̄ȳ Nə́ɓā əda na: Bɔbə́ḿ, ré loo rāā kadə̄ kópə wur kɔl ń toō mān̄ sa̰y rɔ̄ḿ tə́ to noó anī, ī-rāā ādə̄ mān̄ sa̰y rɔ̄ḿ tə́. Banī ādə̄ i kə gō kem ndigə yāḿ alé, ba i kə gō kem ndigə yāí īkɔ́ tá.

MARK 14:35

Ni-aw̄ dan sa̰y sḛ́ý anī, ɔsə non nang tə́ ba ndɔ̄ȳ kadə̄ kum mbang yá̰á̰ kə́ tōr̄ ń noō teē dɔn tə́ alé.

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

KƏLA RĀĀ 9:40

Piyer əda adə̄ de gə̄ teēn̄ ndágá malang, ba ɔsə kejən nang tə́ ndɔ̄ȳ. Gō tə́ anī ni-tūr̄ rɔ̄n kə̄ rɔ̄ nīń tə́ ba əda na: Tabita ḭ́ḭ dɔɔ́! Anī Tabita teē kumən, ba dan ń a̰a̰ Piyer anī ḭḭ ndi dɔɔ́.

KƏLA RĀĀ 20:36

Dan ń Pol ɔr̄ najə̄ gə̄ ń noō sedə́ oy anī, ni-ɔsə kejən nang tə́ sedə́ malang ba ndɔ̄ȳ Nə́ɓā.

KƏLA RĀĀ 21:5

Ba dan ń ndɔ̄jí təgā á j-əsō róbó yā kaw̄ anī, nin̄ malang kə nə̄yá̰də́ gə̄ kə ngáńdə́ gə̄ əndān̄jí róbó bátə́ ugə̄n̄ sejí gidə ɓē tə́. J-ɔsə kejəjí nang tə́ ta bā bo tə́ ba jə-ndɔ̄ȳ Nə́ɓā kə̄ loo ń noō tə́.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.