Najə̄ kə́ Majə yā Jeju ń Luk ndang ní 22:36 - Bibəl ta Sar̄

³⁶ Anī ni-tél ədadə́ na: Ba ngɔlaā ní, kadə̄ deē ń aw̄ kə ngong naraá ní, kadə̄ kɔ́ɔ̄ un ō, kadə̄ deē ń aw̄ kə sángá ní, kɔ́ɔ̄ un ō, ba deē ń aw̄ kə kaskaraá aĺ ní, kadə̄ kɔ́ɔ̄ igə kūbə̄ yān mangəń.

Bible sar

³⁶ Anī ni-tél ədadə́ na: Ba ngɔlaā ní, kadə̄ deē ń aw̄ kə ngong naraá ní, kadə̄ kɔ́ɔ̄ un ō, kadə̄ deē ń aw̄ kə sángá ní, kɔ́ɔ̄ un ō, ba deē ń aw̄ kə kaskaraá aĺ ní, kadə̄ kɔ́ɔ̄ igə kūbə̄ yān mangəń.

Najə̄ kə́ Majə yā Jeju ń Luk ndang ní 22:36 Referans Kwoze

1 TESALONIK 3:4

adə̄ dan ń jḭḭ i sesí ní, jə-tāāsí kété j-əda na yá̰á̰ kə́ tōr̄ gə̄ na a rāān̄jí. I yá̰á̰ ní n rāā yá̰a̰ adə̄ ī-gerī majə ní.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

1 PIYER 4:1

Dan ń rɔ̄ Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

MATIYE 10:10

Ī-lōōī kun ngong mbā jīsí tə́ ō, kɔy kūbə̄ gə̄ jōó dɔ naā tə́ ō, kɔy sākə̄rā gə̄ ō, kun kāgə̄ tɔ́sə̄ ō, tɔdɔ̄ i gōtə́ kadə̄ nge rāā kəla ənge yá̰a̰ kəsa yān.

Najə̄ kə́ Majə yā Jeju ń Luk ndang ní 22:35

Gō tə́ anī, ni-ədadə́ na: Dan ń m-ə́lásí kanjə̄ ngong nar, aláa sángá, aláa sākə̄rā njasí tə́ ní, ī-nalī yá̰á̰ kógə̄ḿ sḛ́ý a? Nin̄-tél ədan̄ na: Jə-nal̄ yá̰á̰ kógə̄ḿ yḛtə alé.

Najə̄ kə́ Majə yā Jeju ń Luk ndang ní 22:37

Tɔdɔ̄ ādə̄ m-ə́dásí, i gáŕ kadə̄ najə̄ ń ndangən̄ kem makətūbūú na: Tə́danən̄ dan ngé rāā majaĺ gə̄ tə́ ní reē udə gírí dɔḿ tə́. Tām̄ najə̄ gə̄ ń ndangən̄ ɔjə dɔḿ ní a reē yā kudə gíŕ kə́ rɔ̄ tə́.

Najə̄ kə́ Majə yā Jeju ń Luk ndang ní 22:38

Nin̄-tél ədanən̄ na: Kɔ́ɔ̄ɓē, á̰a̰, kaskar to laā i jōó kɔ̄ɔ́ ɓá. Anī tél ədadə́ na: Asə beé.