Najə̄ kə́ Majə yā Jeju ń Luk ndang ní 22:31 - Bibəl ta Sar̄

³¹ Simo̰, Simo̰, á̰a̰ā̰, Sətan dəje kadə̄ n-əgasí tītə̄ ń a əgan̄neé kum kōō gémē kə yengəreé noō beé.

Bible sar

³¹ Simo̰, Simo̰, á̰a̰ā̰, *Sətan dəje kadə̄ n-əgasí tītə̄ ń a əgan̄neé kum kōō gémē kə yengəreé noō beé.

Najə̄ kə́ Majə yā Jeju ń Luk ndang ní 22:31 Referans Kwoze

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

JEJU TEĒ KUM JA̰A̰ 12:10

Anī deē kógə̄ḿ ɔr̄ najə̄ kə tɔ́gɔ́ dɔ rā̰ tə́ adə̄ m-ōō ndūn: Ń toō ní kum mbang kajə deē asə kɔ̄ɔ́! Ngɔlaā ń toō ní Nə́ɓā yājí ɔjə tɔ́gən kə̄ ndágá ō, ɔjə ko̰o̰ ɓē yān kə̄ ndágá ō! Ngɔlaā ń toō ní ko̰o̰ ɓē i jī Kərist yān tə́. Tɔdɔ̄ nge sekə́ ngákó̰ó̰jí gə̄ ní mbərenən̄ dɔ rā̰ tə́ ənīnən̄ ndágá kɔ̄ɔ́. I ni n i nge sekə́də́ rɔ̄ Nə́ɓā yājí tə́ ndɔ̄ɔ́ gē kadaá gē ní.

AMOS 9:9

A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

Najə̄ kə́ Majə yā Jeju ń Luk ndang ní 10:41

Banī Kɔ́ɔ̄ɓē tél ədan na: Martə, Martə, ḭ̄ ī-sōl̄ ō, ī-ndebə jak jak ō tām̄ yā yá̰á̰ kə́ gíŕdə́ i kósə́ ngá̰ý gə̄ tə́.

MATIYE 4:10

Anī Jeju tél ədan na: Āw̄ kɔ̄ɔ́, Sətan! Tɔdɔ̄ ndangən̄ kem makətūbūú ədan̄ na: I Kɔ́ɔ̄ɓē Nə́ɓā yāí ngóy n ā ī-rɔȳn ō, i ni ngóy n ā ī-rāā kəla yān ō ní.

MATIYE 26:30

Gō tə́ anī nin̄-ənīn̄ pā gə̄ kə́ yā tɔ̄yń Nə́ɓā, ba teē aw̄n̄ dɔ mbal̄ kāgə̄ olibə gə̄ tə́.

1 KORḚNTƏ 5:5

Loo ń noō tə́ majə kadə̄ ə́laī deē ní jī Sətan tə́, kadə̄ dā̰ rɔ̄n nujə ba ndílən ajə ndɔ̄ yā Kɔ́ɔ̄ɓē tə́.

2 KORḚNTƏ 2:11

yā kadə̄ Sətan dumə̄ńjí kə gól̄ loo yānneé alé, tɔdɔ̄ jə-gerī yá̰á̰ ń ni-sāā rāā ní.

IJAI 28:28

Dan ń nge ndɔr̄ a səɓā kōō gémē yā kɔr̄ kumən tayā ní, ni a ənda dɔ kōō gémē kanjə̄ dəba alé. Ni-adə̄ nja púsə gə̄gē, dā̰ gə̄ gə̄gē njə̄rān̄ dɔ tə́, banī rējə̄n̄ kum gémē gə̄ alé.