Najə̄ kə́ Majə yā Jeju ń Luk ndang ní 22:30 - Bibəl ta Sar̄

³⁰ Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

Bible sar

³⁰ Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán *Israel gə̄ tə́ ō.

Najə̄ kə́ Majə yā Jeju ń Luk ndang ní 22:30 Referans Kwoze

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́.

MATIYE 8:11

Ādə̄ m-ə́dásí, de gə̄ ngá̰ý a ḭḭn̄ no ɓē tə́ ō, dūn̄ ɓē tə́ ō, yā reē ndi ta kār̄ yá̰a̰ kəsa tə́ kə Abəraham ō, Isaak ō, Jakob ō, kem Ɓē ko̰o̰ kə́ dɔ rā̰ tə́ tə́.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

Najə̄ kə́ Majə yā Jeju ń Luk ndang ní 14:15

Dan ń deē kógə̄ḿ kə́ dan ngé gə̄ ń mērə̄n̄də́ loo kaw̄ kəsa yá̰á̰ tə́ ní oō tītə̄ ń noō anī, əda Jeju na: Rɔ̄nel̄ i kə deē ń a əsa yá̰a̰ kem Ɓē ko̰o̰ yā Nə́ɓā tə́ ní.

Najə̄ kə́ Majə yā Jeju ń Luk ndang ní 12:37

Ngé kəla gə̄ ń toō yādə́ i rɔ̄nel̄ dan ń kɔ́ɔ̄də́ ugə̄ ba əngedə́ ndin̄ i kə kumdə́ njáý njáý ní. Ādə̄ m-ə́dásí najə̄ kə́ bo ngá̰ý, ni a do̰ō̰ ɓōdə̄n ō, a əndādə́ nang tə́ ta kəsa yá̰a̰ ō, a ɔr̄ tadə́ yā nə̄ɓōdə́ yá̰a̰ kəsa ō.

JEJU TEĒ KUM JA̰A̰ 19:9

Anī de kə́ dɔ rā̰ tə́ kógə̄ḿ ədam̄ na kə m̄-ndang najə̄ ń toō: Ngé gə̄ ń ɓārə́n̄də́ tū yá̰a̰ kūjə́ kaw̄ kújú yā nə̄yá̰ Ngōn̄ Batə̄ tə́ ní, rɔ̄də́ nel̄də́. Gō tə́ anī ni-ədam̄ na najə̄ ń toō na i najə̄ kə́ rɔ̄kum yā Nə́ɓā.

JEJU TEĒ KUM JA̰A̰ 4:4

Kōr̄ kāgə̄ mbang kə́ rang gə̄ kutə jōó gidə i sɔ́ ndi gīrə̄n̄ gidə kōr̄ kāgə̄ mbang ní. Ba kum kɔɔ̄ gə̄ kutə jōó gidə i sɔ́ ndin̄ dɔ kōr̄ kāgə̄ mbang gə̄ ní tə́. Nin̄-o̰ō̰n̄ kūbə̄ kə́ ndaa ō, jākā mbang kə́ rāā kə lɔ́r i dɔdə́ gə̄ tə́ ō.

PĀ GƏ̄ 49:14

De gə̄ ń əndān̄ kemdə́ dɔ rɔ̄də́ nin̄ kɔ́ gə̄ tə́ ngá̰ý ní, yá̰á̰ ń a rāādə́ ní n toó, de gə̄ ń nel̄də́ koō najə̄ kɔr̄də́ nin̄ kɔ́ gə̄ ngá̰ý ní, ta tɔ̄l̄ tadə́ a to i beé:

2 SAMUEL 19:28

Anī ni-aw̄ tetə najə̄ dɔḿ tə́ rɔ̄í tə́. Banī Kɔ́ɔ̄ ɓē gə̄, ḭ̄ i de kə́ ī-to tītə̄ de kə́ dɔ rā̰ tə́ yā Nə́ɓā beé, adə̄ yá̰á̰ ń á̰a̰ā̰ ta kumií tə́ kadə̄ i yá̰á̰ kə́ majə ní ī-rāā.

MATIYE 5:3

Rɔ̄nel̄ i kə ngé gə̄ ń kemdə́ i kem de kə́ nge ndoō ní, tɔdɔ̄ Ɓē ko̰o̰ kə́ dɔ rā̰ tə́ i yādə́.

2 TIMOTE 2:12

Ré jə-raī ngan̄g anī, j-a j-o̰ō̰ī ɓēé naā tə́ seneé ō. Ré jə-mbātíin̄ anī, ni a mbātə́jí ō.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.