Najə̄ kə́ Majə yā Jeju ń Luk ndang ní 22:26 - Bibəl ta Sar̄

²⁶ Yāsí sḭḭ̄ i tītə̄ ń noō alé, ba kadə̄ deē ń i kə́ bo ngá̰ý dansí tə́ ní a kɔ́ɔ̄ tél to tītə̄ de kə́ dūú ngá̰ý dansí tə́, kadə̄ nge ń ndi ngār dɔ madə̄n gə̄ tə́ ní tél to tītə̄ ngōn̄ nge kəla kə́ karī ō.

Bible sar

²⁶ Yāsí sḭḭ̄ i tītə̄ ń noō alé, ba kadə̄ deē ń i kə́ bo ngá̰ý dansí tə́ ní a kɔ́ɔ̄ tél to tītə̄ de kə́ dūú ngá̰ý dansí tə́, kadə̄ nge ń ndi ngār dɔ madə̄n gə̄ tə́ ní tél to tītə̄ ngōn̄ nge kəla kə́ karī ō.

Najə̄ kə́ Majə yā Jeju ń Luk ndang ní 22:26 Referans Kwoze

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

1 PIYER 5:3

Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.

Najə̄ kə́ Majə yā Jeju ń Luk ndang ní 9:48

ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

MARK 9:35

Anī Jeju ndi nang tə́ ō, ɓāŕ ngé kə́ kutə gidə i jōó gə̄ ō, ba ədadə́ na: Ré deē kógə̄ḿ gḛy kadə̄ ni i de kə́ kété no de gə̄ tə́ anī, ni a tél de kə́ ta ngóy de gə̄ tə́ malang ō, nge kəla yā de gə̄ malang ō.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

MATIYE 20:26

Banī majə kadə̄ to i tītə̄ ń noō dansí tə́ alé. Ba ré de kə́rēý gḛy kadə̄ ni i de kə́ bo kə́ dansí tə́ anī, ādə̄ kɔ́ɔ̄ tél nge rāā kəla yāsí.

MARK 10:43

Banī majə kadə̄ to i tītə̄ ń noō dansí tə́ alé. Ba ré de kə́rēý gḛy kadə̄ ni i de kə́ bo kə́ dansí tə́ anī, ādə̄ kɔ́ɔ̄ tél nge rāā kəla yāsí.