Najə̄ kə́ Majə yā Jeju ń Luk ndang ní 22:20 - Bibəl ta Sar̄

²⁰ Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

Bible sar

²⁰ Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā *madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

Najə̄ kə́ Majə yā Jeju ń Luk ndang ní 22:20 Referans Kwoze

1 KORḚNTƏ 11:25

Dan ń əsan̄ yá̰á̰ gír gān̄g ní a, ni-rāā tītə̄ ń noō kə kópó ō, ba gō tə́ anī əda na: Kópə́ ń toō i madə̄ naā kə́ kijə kə́ Nə́ɓā əhɔ kə de gēé kə ta kūl̄ mósə́ḿ māá. Ī-rāāī yá̰á̰ ń toō yā gírəń dɔḿ tə́ kə dɔ ka̰ȳsí yá̰á̰ kə́ kem kópə ń toō tə́ gə̄ malang.

MATIYE 26:28

tɔdɔ̄ yá̰á̰ ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō, tām̄ kadə̄ Nə́ɓā māyń rɔ̄n dɔ majaĺ yādə́ gə̄ tə́ ō.

JAKARI 9:11

Kɔ́ɔ̄ɓē əda na: Sɔɔ̄ń madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

Teē Ngán Israel gə̄ 24:8

Tā anī Moijə un mósə, sə̄kā dɔ ngán Israel gə̄ tə́ ba ədadə́ na kə a̰a̰n̄ mósə madə̄ naā ń Kɔ́ɔ̄ɓē əhɔ sedə́ dɔ najə̄ gə̄ ń ɔr̄ sedə́ malang tə́ ní.

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

JEREMI 31:31

Ndɔ̄ gə̄ ń a reēn̄ noó tə́ ní, m-ā m-ə́hɔ madə̄ naā kə́ kijə kə de kə́ gír yā Israel tə́ gə̄ ō, kə kə́ gír yā Juda tə́ gə̄ ō.

HEBƏRO 9:17

Tɔdɔ̄ ndū kə́ kənī tām̄ yā yá̰a̰ gotə yo tə́ ní, tɔ́gən a to i dan ń deē oy kɔ̄ɔ́ ní. Ba ré deē ń ənī ndūn ní ndi kə kumneé ɓáý anī, ndūn ń ənī ní a rāā kəla alé.

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

MARK 14:24

Ni ədadə́ na: Nge ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō.