Najə̄ kə́ Majə yā Jeju ń Luk ndang ní 22:19 - Bibəl ta Sar̄

¹⁹ Gō tə́ anī ni-un mápa, ndadə̄ Nə́ɓā dɔ tə́, tétə̄ naā tə́, adə̄də́, ba ədadə́ na: Nge ń toō i rɔ̄ḿ kə́ m-ādə̄ tām̄ yāsí tə́. Ī-rāāī yá̰á̰ ń toō kadə̄ əgań kemsí dɔḿ tə́.

Bible sar

¹⁹ Gō tə́ anī ni-un mápa, ndadə̄ Nə́ɓā dɔ tə́, tétə̄ naā tə́, adə̄də́, ba ədadə́ na: Nge ń toō i rɔ̄ḿ kə́ m-ādə̄ tām̄ yāsí tə́. Ī-rāāī yá̰á̰ ń toō kadə̄ əgań kemsí dɔḿ tə́.

Najə̄ kə́ Majə yā Jeju ń Luk ndang ní 22:19 Referans Kwoze

1 KORḚNTƏ 10:16

Ī-gírī dɔ kópə tɔ́r̄ ta ń jə-ndadə̄ j-adī Nə́ɓā tāmən tə́ ní tə́: Dan ń j-a̰yī yá̰á̰ kə́ kemeé ní, ɓoojí naā tə́ kə mósə Kərist aĺ a? Tá mápá ń jə-gángī naā tə́ ní: Dan ń j-əsaī ní ɓoojí naā tə́ kə rɔ̄ Kərist aĺ a?

Najə̄ kə́ Majə yā Jeju ń Luk ndang ní 22:20

Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

1 KORḚNTƏ 10:4

a̰ȳn̄ man̄ yā Nə́ɓā kə́ kógə̄ḿ beē ō. Tɔdɔ̄ mbal̄ yā Nə́ɓā ń un gōdə́ ní nin̄-a̰ȳn̄ man̄ kə́ teē tū tə́, ba mbal̄ ní i Kərist.

PĀ GƏ̄ 111:4

Ni ndigə kadə̄ de gə̄ terə̄n̄ kem naā dɔ yá̰á̰ kə́ yáā yān gə̄ tə́. Kɔ́ɔ̄ɓē i nge rāā kem majə ō, i nge ka̰a̰ kum tō ndoō ō.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

Najə̄ kə́ Majə yā Jeju ń Luk ndang ní 24:30

Ba dan ń ni-ndi sedə́ ta yá̰a̰ kəsa tə́ anī, un mápa ndadə̄ Nə́ɓā dɔ tə́, gō tə́ ɓáa tetə naā tə́ ba adə̄də́.

MATIYE 14:19

Ni-əda kadə̄ kósə de gə̄ ndin̄ nang tə́ dɔ mu kə́ mbōl̄ tə́, ba taā mápá kə́ mí gə̄ ní ō, kānjə̄ kə́ jōó gə̄ ní ō. Gō tə́ anī ənī kumən kə̄ dɔɔ́ dɔ rā̰ tə́, ndadə̄ Nə́ɓā dɔ tə́ pá tá tétə̄ mápa ní naā tə́ adə̄ ngé ndóō yá̰a̰ yān gə̄ adə̄ taā nə̄ɓōn̄ kósə de gə̄ ɓáý.

JA̰A̰ 6:23

Banī to kə́ rang gə̄ ḭḭn̄ ɓē kə́ Tiberiadə tə́, reē ugə̄n̄ kadə loo ń Kɔ́ɔ̄ɓē ndadə̄ Nə́ɓā dɔ mápá tə́ tū tə́ ba adə̄də́ kadə̄ əsan̄ ní.

Najə̄ kə́ Majə yā Jeju ń Luk ndang ní 22:17

Loo ń noō tə́ anī ni-un kópə, ndadə̄ Nə́ɓā dɔ tə́, ba əda na: Ī-taāī, ā̰yī naā tə́ malang,

PĀ KƏ́ MAJƏ 1:4

Əhɔ ta jīḿ, ī-ndɔ́rə̄m̄ gōí tə́ ō, ādə̄ j-a̰ȳ ngɔ̄də̄ ō. Ḭ̄ i mban̄g yāḿ, āw̄ seḿ kújə yāí tə́. Ī-rāā ādə̄ jḭḭ kɔ́ gə̄ jōó mbak ní rɔ̄jí nel̄jí ngá̰ý. Ādə̄ jə-tɔ̄ȳ tár yāí tɔȳ loo kɔr ta kasə nduú. Ngáń kə́ dəyá̰ gə̄ ń nel̄də́ seí ní najə̄ i yādə́!

1 TESALONIK 5:18

Ī-ndadī Nə́ɓā dan yá̰a̰ gə̄ tə́ malang, tɔdɔ̄ yá̰á̰ ń Nə́ɓā sāā rɔ̄sí tə́ dan ń ī-ɓooī naā kə Kərist Jeju ní n noó.

DANIEL 2:38

Loo kə́ rá nəkɔ́ ń de gə̄ ō dā̰ gə̄ ō yel̄ gə̄ ō ndin̄ tū tə́ ní ni-əla dɔdə́ gír tɔ́gə yāí tə́. Nin̄ malang ní ni əndāī dɔdə́ tə́. Adə̄ dɔn kə́ rāā kə lɔ́rɔ́ ní i ḭ̄.

GALATƏ 4:25

Tɔdɔ̄ Agar i kum gotə mbal̄ kə́ Sinai gō nang kə́ Arabə tə́. Ni i Jerusalem kə́ ngɔlaā ń toō, tɔdɔ̄ ni i ɓəlo naā tə́ kə ngánən gēé.

EJEKIEL 37:11

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Kə̄ngā gə̄ ń noō ní ɔsən̄ i kum gotə ngáń Israel gə̄ malang. Israel gə̄ ədan̄ na: Jə-to tītə̄ kə̄ngā kə́ tutə gə̄ beé, kəndā kem dɔ tə́ yājí oy kɔ̄ɔ́, tají tḭ̄ḭ̄ kɔ̄ɔ́!

MATIYE 15:36

Ni-taā mápa kə sīrí gə̄ ní ō, kānjə̄ gə̄ ní ō, ndadə̄ Nə́ɓā dɔ tə́ tá tétə̄ naā tə́ adə̄ ngé ndóō yá̰a̰ yān gə̄ adə̄ nə̄ɓōn̄ kósə de gə̄.

EJEKIEL 5:5

Najə̄ ń mā Kɔ́ɔ̄ɓē Nə́ɓā m-ə́dá ní n toó: Yá̰á̰ ń a rāā ɓē kə́ Jerusalem ní n noó. M-ə̄ndān adə̄ ni-ndi i dan nápar de kə́ rang gə̄ tə́, ɓē kə́ rang gə̄ gīrə̄n̄ gidən tə́ ō.