Najə̄ kə́ Majə yā Jeju ń Luk ndang ní 22:18 - Bibəl ta Sar̄

¹⁸ tɔdɔ̄ ādə̄ m-ə́dásí, ngɔlaā ní gír gān̄g tā, m-ā m-ā̰ȳ kasə nduú to̰ aĺ bátə́ kadə̄ Ɓē ko̰o̰ yā Nə́ɓā reēń tá.

Bible sar

¹⁸ tɔdɔ̄ ādə̄ m-ə́dásí, ngɔlaā ní gír gān̄g tā, m-ā m-ā̰ȳ kasə *nduú to̰ aĺ bátə́ kadə̄ *Ɓē ko̰o̰ yā Nə́ɓā reēń tá.

Najə̄ kə́ Majə yā Jeju ń Luk ndang ní 22:18 Referans Kwoze

MATIYE 26:29

Ādə̄ m-ə́dásí najə̄ kə́ bo ngá̰ý, ngɔlaā ní m-ā m-ā̰ȳ kasə nduú ń toō to̰ alé, bátə́ ndɔ̄ ń m-ā m-ā̰yń kə́ kijə naā tə́ sesí kem Ɓē ko̰o̰ yā Bɔbə́ḿ tə́ ní.

Najə̄ kə́ Majə yā Jeju ń Luk ndang ní 22:16

tɔdɔ̄ ādə̄ m-ə́dásí, m-ā m-ə́sá yá̰á̰ Pákə sesí to̰ aĺ bátə́ kadə̄ ugə̄ń dɔ ta tɔ̄l̄ ta Pákə́ tə́ kem Ɓē ko̰o̰ yā Nə́ɓā tə́.

MARK 14:25

Ādə̄ m-ə́dásí najə̄ kə́ bo ngá̰ý, m-ā m-ā̰ȳ kasə nduú to̰ aĺ bátə́ ndɔ̄ ń m-ā m-ā̰ȳ kə́ kijə kem Ɓē ko̰o̰ yā Nə́ɓā tə́ ní.

IJAI 55:1

Sḭḭ̄ malang ń kə̄ndā man̄ rāāsí ní, man̄ n toó, ī-reēī! Ká ré nar gətóoń jīsí tə́ gə̄gē, ī-reēī! Ī-mangiī yá̰á̰ kə́ kadə̄ ə́saī, a adə̄n̄sí i karī. Ī-reēī, ī-mangiī kasə nduú ō, mba ō, kanjə̄ nar.

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

Najə̄ kə́ Majə yā Jeju ń Luk ndang ní 21:31

Adə̄ ré á̰a̰ī yá̰a̰ gə̄ ń noō rāān̄ yá̰a̰ anī, ī-gerī kadə̄ Ɓē ko̰o̰ yā Nə́ɓā dɔ i ngɔr.

Najə̄ kə́ Majə yā Jeju ń Luk ndang ní 9:27

Ādə̄ m-ə́dásí, de kə́rēý gə̄ dan de gə̄ ń ran̄ laā tə́ toō a a̰a̰n̄ Ɓē ko̰o̰ yā Nə́ɓā pá tá a oyn̄ ɓáý.

MARK 15:23

Adə̄nən̄ kasə kə́ gurə́n̄ naā tə́ kə nō kāgə̄ mír, banī ni a̰ȳ alé.

MARK 14:23

Gō tə́ anī un kópə, ndadə̄ Nə́ɓā dɔ tə́, ba adə̄də́, adə̄ nin̄ malang a̰ȳn̄.

MARK 9:1

Ni ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dáńsí sḭḭ̄ ń ī-ndiī toō tə́ ní, a a̰a̰n̄ Ɓē ko̰o̰ yā Nə́ɓā kə́ a reē kə tɔ́gɔ́ pá tá kadə̄ a oyn̄ ɓáý.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

JAKARI 9:15

Kɔ́ɔ̄ɓē kə́ bo kə́ tɔ́gən i ngá̰ý a ngɔ̄m̄ de gə̄ kə́ dan gír deē yān gə̄ tə́. Kɔkərɔ gə̄ kə́ kem bējə̄ gə̄ tə́ ní, nin̄ a nujənə̄ń kɔ̄ɔ́ ō, a tɔ̄ɔ̄n̄ kɔ̄ɔ́ ō. A ɓōkə́n̄ mósə madə̄ ba̰ā̰də́ gə̄ nang tə́ tītə̄ kasə nduú beē. Nin̄ a ɓōkə́n̄ tītə̄ mósə dā̰ kə́ tɔ̄l̄ yā tun̄ beé, kem bay ndējə̄ yá̰á̰ tə́, aláa tītə̄ mósə́ kə́ ɓōkə́ tū gajə gə̄ kə́ kíl loo tun̄ yá̰á̰ tə́ beē.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 25:6

Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

PĀ GƏ̄ 104:15

Kasə nduú rāā adə̄ rɔ̄ de gə̄ nel̄də́ ō, rāā adə̄ ta kumdə́ ndə́lē tɔȳ yibə̄ kə́ ndum ō, yá̰a̰ kəsa tél adə̄də́ tɔ́gə ō.

NGÉ SARYA 9:13

Banī kāgə̄ nduú ədadə́ na: Kasə yāḿ ń ɓesə̄ gə̄gē, de gə̄ gə̄gē rɔ̄nel̄ ní kə m̄-lōō gírí ba kə m-āw̄ kə m̄-rā kə m̄-yéȳ rɔ̄ḿ dɔ kāgə̄ tə́ a?