Najə̄ kə́ Majə yā Jeju ń Luk ndang ní 22:16 - Bibəl ta Sar̄

¹⁶ tɔdɔ̄ ādə̄ m-ə́dásí, m-ā m-ə́sá yá̰á̰ Pákə sesí to̰ aĺ bátə́ kadə̄ ugə̄ń dɔ ta tɔ̄l̄ ta Pákə́ tə́ kem Ɓē ko̰o̰ yā Nə́ɓā tə́.

Bible sar

¹⁶ tɔdɔ̄ ādə̄ m-ə́dásí, m-ā m-ə́sá yá̰á̰ Pákə sesí to̰ aĺ bátə́ kadə̄ ugə̄ń dɔ ta tɔ̄l̄ ta Pákə́ tə́ kem *Ɓē ko̰o̰ yā Nə́ɓā tə́.

Najə̄ kə́ Majə yā Jeju ń Luk ndang ní 22:16 Referans Kwoze

JEJU TEĒ KUM JA̰A̰ 19:9

Anī de kə́ dɔ rā̰ tə́ kógə̄ḿ ədam̄ na kə m̄-ndang najə̄ ń toō: Ngé gə̄ ń ɓārə́n̄də́ tū yá̰a̰ kūjə́ kaw̄ kújú yā nə̄yá̰ Ngōn̄ Batə̄ tə́ ní, rɔ̄də́ nel̄də́. Gō tə́ anī ni-ədam̄ na najə̄ ń toō na i najə̄ kə́ rɔ̄kum yā Nə́ɓā.

Najə̄ kə́ Majə yā Jeju ń Luk ndang ní 14:15

Dan ń deē kógə̄ḿ kə́ dan ngé gə̄ ń mērə̄n̄də́ loo kaw̄ kəsa yá̰á̰ tə́ ní oō tītə̄ ń noō anī, əda Jeju na: Rɔ̄nel̄ i kə deē ń a əsa yá̰a̰ kem Ɓē ko̰o̰ yā Nə́ɓā tə́ ní.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

KƏLA RĀĀ 10:41

I ngán Israel gə̄ malang n kadə̄ a̰a̰nən̄ ní alé, ba i jḭḭ ń Nə́ɓā gə̄rājí kété kadə̄ jḭḭ i de kə́ kum tə́ yān gə̄ ní, adə̄ i jḭḭ ń j-əsa seneé ō, j-a̰ȳ seneé ō gō ndóĺ ń ni-ndól dan de kə́ koy gə̄ tə́ ní.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

Najə̄ kə́ Majə yā Jeju ń Luk ndang ní 12:37

Ngé kəla gə̄ ń toō yādə́ i rɔ̄nel̄ dan ń kɔ́ɔ̄də́ ugə̄ ba əngedə́ ndin̄ i kə kumdə́ njáý njáý ní. Ādə̄ m-ə́dásí najə̄ kə́ bo ngá̰ý, ni a do̰ō̰ ɓōdə̄n ō, a əndādə́ nang tə́ ta kəsa yá̰a̰ ō, a ɔr̄ tadə́ yā nə̄ɓōdə́ yá̰a̰ kəsa ō.

Najə̄ kə́ Majə yā Jeju ń Luk ndang ní 22:15

ba ədadə́ na: m̄-ndə̄ngā ngá̰ý kadə̄ m-ə́sá yá̰á̰ Pákə́ ń toō sesí pá tá kə́ m-á̰á̰ tápə̄ ɓáý,

Najə̄ kə́ Majə yā Jeju ń Luk ndang ní 22:18

tɔdɔ̄ ādə̄ m-ə́dásí, ngɔlaā ní gír gān̄g tā, m-ā m-ā̰ȳ kasə nduú to̰ aĺ bátə́ kadə̄ Ɓē ko̰o̰ yā Nə́ɓā reēń tá.