Najə̄ kə́ Majə yā Jeju ń Luk ndang ní 21:8 - Bibəl ta Sar̄

⁸ Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

Bible sar

⁸ Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

Najə̄ kə́ Majə yā Jeju ń Luk ndang ní 21:8 Referans Kwoze

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

2 TESALONIK 2:3

Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.

EPEJƏ 5:6

Ādī deē kógə̄ḿ gól̄sí kə mbóo najá alé. Ī-tām̄ yá̰á̰ kə́ tītə̄ ń noō gə̄ tə́ n wōn̄g yā Nə́ɓā a reēń dɔ ngé gə̄ ń mbātə́n̄ koō najə̄ tan tə́ ní.

MATIYE 24:11

Ngé koō ta kə́ rɔ̄kum aĺ gə̄ a ḭḭn̄ ngá̰ý ō, a gólə̄n̄ de gə̄ ngá̰ý ō.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

JEREMI 29:8

Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

Najə̄ kə́ Majə yā Jeju ń Luk ndang ní 17:23

A ədan̄sí na i ni n toó, aláa ni n nú noō. Ba ī-lōōī kaw̄ sōn̄g gō.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

MATIYE 4:17

Loo ń noō tə́ Jeju əla gír kɔjə de gə̄ najə̄, ədadə́ na: Ī-tūrī háĺsí, tɔdɔ̄ Ɓē ko̰o̰ kə́ dɔ rā̰ tə́ i ngɔr.

JEJU TEĒ KUM JA̰A̰ 1:3

Deē ń tə́da makətūbə̄ ń toō ō, de gə̄ ń oōn̄ najə̄ kə́ Nə́ɓā əndā ta deē tə́ ń toō ō, ba ngɔ̄mə̄n̄ yá̰á̰ ń ndangən̄ kemeé ní, rɔ̄də́ nel̄də́. Tɔdɔ̄ kum mbang ń kadə̄ yá̰a̰ gə̄ ń noō rāān̄neé yá̰á̰ ní dɔ i ngɔr.

JA̰A̰ 8:24

I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

JA̰A̰ 5:43

m̄-reē kə rī Bɔbə́ḿ, ba sḭḭ̄ ə́hɔmī kə̄ rɔ̄sí tə́ alé. Ré de kə́ rang reē kə rīn nəkɔ́ anī, ā ə́hɔniī kə̄ rɔ̄sí tə́.

MATIYE 3:2

tɔdɔ̄ Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

Najə̄ kə́ Majə yā Jeju ń Luk ndang ní 21:7

Anī nin̄-dəjenən̄ na: Ngoljí, i ndɔ̄ kə́ rá tə́ n yá̰a̰ gə̄ ń noō a reēn̄neé ní? I yá̰a̰ kɔjə kə́ ba̰ý n a ɔjə kadə̄ yá̰a̰ gə̄ ń noō a reēn̄ ní?

Najə̄ kə́ Majə yā Jeju ń Luk ndang ní 21:9

Dan ń ā ōōī kōō de gə̄ kə́ a rɔ̄ɔ̄n̄ naā ō, kə́ a tə́lān̄ ɓē gə̄ naā tə́ ō anī, ī-lōōī ɓōĺ, tām̄ i gáŕ kadə̄ yá̰a̰ gə̄ ń noō a rāān̄ yá̰a̰, banī i ta ngóy ndɔ̄ gə̄ aĺ ɓáý.

JA̰A̰ 8:28

Anī Jeju ədadə́ na: Loo ń ā ə́laī Ngōn̄ Deē dɔɔ́ anī, ā ī-gerī kadə̄ Mā i Mā ń m̄-ndi noó ní ō, kadə̄ m̄-rāā yá̰á̰ kógə̄ḿ kə deē dɔḿ alé, banī m-ɔ̄r̄ najə̄ i kə gō nəkɔ́ ń Bɔbə́ḿ ndóōm̄neé ní ō.

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,