Najə̄ kə́ Majə yā Jeju ń Luk ndang ní 21:36 - Bibəl ta Sar̄

³⁶ Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

Bible sar

³⁶ Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

Najə̄ kə́ Majə yā Jeju ń Luk ndang ní 21:36 Referans Kwoze

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

MATIYE 25:13

I beé ní ī-ndiī dɔ rɔ̄sí tə́, tɔdɔ̄ sḭḭ̄ ī-gerī ndɔ̄ ń aĺ ō, kum mbang ní aĺ ō.

MATIYE 24:42

I beé ní, ī-ndiī dɔ rɔ̄sí tə́, tɔdɔ̄ ndɔ̄ ń Kɔ́ɔ̄ɓē yāsí a reēń ní, ī-gerī alé.

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

Najə̄ kə́ Majə yā Jeju ń Luk ndang ní 18:1

Jeju ədadə́ kūjə́ najə̄ kógə̄ḿ kə́ dɔ ndɔ̄ȳ kə́ majə kadə̄ nin̄ a ndɔ̄ȳn̄ ngándáńg tə́ kanjə̄ kɔr ta tə́,

MARK 13:33

Ə̄ndāī kum kedə̄ dɔ rɔ̄sí tə́ ō, á̰a̰ī já̰já̰ ō, tɔdɔ̄ ī-gerī kum mbang ń yá̰a̰ gə̄ a reēn̄neé ní alé.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

MATIYE 26:41

Ī-lōōī ɓīī, ī-ndiī kə kumsí ba ī-ndɔ̄yī tá kadə̄ ə̄sōī kum yá̰a̰ gə̄ ń a nāān̄ de gə̄ tə́ ní alé. Tɔdɔ̄ ndíl deē ndigə rāā yá̰á̰ kə́ majə, ba dā̰ rɔ̄ deē ngan̄g alé.

MALASI 3:2

Dan ń a reē ní, i náā n a asə ra gas gotə kógə̄ḿ ní? Dan ń a ɔjə rɔ̄n kə̄ ndágá ní, i náa n a asə ra dɔɔ́ ní? Tɔdɔ̄ ni to i tītə̄ hor yā kɔdə̄ nge nōō gində̄ beé ō, tītə̄ sabūn̄ yā nge tə́go kūbə̄ beé ō.

1 TESALONIK 5:17

Ī-lōōī gír ndɔ̄yɔ̄ɔ́ alé.

MARK 13:37

Ba yá̰á̰ ń m-ə́dásí toō, m-ə́da i de gə̄ malang: Ī-ndiī já̰já̰ dɔ rɔ̄sí tə́.

2 TIMOTE 4:5

Ba ḭ̄ tā a ə́hɔ rɔ̄í dɔ yá̰a̰ gə̄ tə́ malang. Ī-tə́gā taí dan tápə̄ gə̄ tə́. Ī-rāā kəla kɔjə Najə̄ kə́ Majə, kəla ń Nə́ɓā adī ní.

KOLOSƏ 4:2

Ī-na̰yḭḭ̄ kə̄ loo ndɔ̄ȳ tə́, ī-ndiīń já̰já̰ loo ndadə̄ Nə́ɓā tə́.

KƏLA RĀĀ 10:2

Ni i de kə́ nge rāā yá̰a̰ kə gō ń Nə́ɓā ndigə ní ō, tá ni ō de kə́ kem kújə yān tə́ gə̄ malang ō ní, rāān̄ kəla adə̄n̄ Nə́ɓā ō. Ni-rāā kə Jipə kə́ ngé ndoō gə̄ ngá̰ý ō, ndɔ̄ȳ Nə́ɓā kə kum mbang gə̄ malang ō.

PĀ GƏ̄ 1:5

Adə̄ ndɔ̄ gān̄g sarya tə́ anī ngé kem ndul gə̄ a asən̄ ra dɔɔ́ aĺ ō, ngé rāā majaĺ gə̄ a asən̄ kudə loo kán̄ naā yā de kə́ súmūú gə̄ tə́ aĺ ō.

Makətūbə̄ yā Job 27:10

Ré ni-ənge rɔ̄nel̄ yān i rɔ̄ Nə́ɓā kə́ tɔ́gən i ngá̰ý tə́ anī, a ndɔ̄ȳ Nə́ɓā i kə kum mbang gə̄ malang.

Najə̄ kə́ Majə yā Jeju ń Luk ndang ní 20:35

Ba ngé gə̄ ń Nə́ɓā a̰a̰də́ á ton̄ kadə̄ a ugə̄n̄ dɔ nang kə́ kijə kə́ ndɔ̄ń tə́ ō, ndɔ̄ ń de kə́ koy gə̄ a ndólə̄n̄neé bəlo yo tə́ ō ní, a taān̄ naā alé,

JEREMI 35:19

mā Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel m-ɔ̄r̄ najə̄ i tītə̄ ń toō beé: Yonadab, ngōn̄ Rekab a nal̄ de gə̄ kə́ yā kadə̄ ran̄ ta kumḿ tə́ kə dɔ ndɔ̄ gə̄ alé.

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

MATIYE 24:43

Sḭḭ̄ ī-gerī yá̰á̰ ń toō majə: Ré de kə́ kɔ́ɔ̄ kújə ger̄ mbang ń nge ɓogə a reēń dan ndɔ̄ɔ́ ní anī, a ndi kə kumneé njáý njáý, ba a əya̰ nge ɓogə kadə̄ mbutə kum ndogə̄ mbal̄ alé.

MATIYE 24:44

I tām̄ najə̄ ń noō tə́ n majə kadə̄ sḭḭ̄ ī-ndiī dɔ rɔ̄sí tə́ majə ní, tɔdɔ̄ Ngōn̄ Deē a reē i kum mbang ń sḭḭ̄ ī-gírī dɔ tə́ aĺ ní tə́.

Najə̄ kə́ Majə yā Jeju ń Luk ndang ní 1:19

Anī de kə́ dɔ rā̰ tə́ ní tūr̄ ədan na: Mā i Gabəriyel, nge ra ta kum Nə́ɓā tə́ yā kaw̄ń kəla yān. Nə́ɓā əlam̄ kadə̄ m̄-reē m-ɔ̄r̄ najə̄ seí ō, kadə̄ m̄-reē kə Najə̄ kə́ Majə ń toō m-ə́daī ō.

Najə̄ kə́ Majə yā Jeju ń Luk ndang ní 21:35

tītə̄ réng beé. Tɔdɔ̄ ndɔ̄ ní a əsō dɔ de gə̄ malang ń ndin̄ dɔ nang tə́ ní.

2 KORḚNTƏ 4:14

Tɔdɔ̄ deē ń ndól̄ Kɔ́ɔ̄ɓē Jeju kə́ oy ní, jə-ger̄ kadə̄ ni a ndól̄jí naā tə́ kə Jeju ō, a əndājí kadən tə́ ngɔr naā tə́ sesí ō.

JEJU TEĒ KUM JA̰A̰ 6:17

Tɔdɔ̄ ndɔ̄ kə́ bo yā wōn̄g yādə́ ugə̄ kɔ̄ɔ́ ní i náā n asə ra dɔɔ́?

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

JEJU TEĒ KUM JA̰A̰ 8:2

Anī m-á̰a̰ kadə̄ adə̄n̄ de kə́ dɔ rā̰ tə́ kə́ sīrí gə̄ ń ran̄ no Nə́ɓā tə́ ní bərúnjə gə̄ sīrí.

JEJU TEĒ KUM JA̰A̰ 11:4

I nin̄ n i kāgə̄ olibə kə́ jōó gə̄ ō, ɗəra hor kə́ jōó gə̄ ō ń ran̄ no kɔ́ɔ̄ dɔ nang tə́ ní.