Najə̄ kə́ Majə yā Jeju ń Luk ndang ní 21:34 - Bibəl ta Sar̄

³⁴ Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

Bible sar

³⁴ Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

Najə̄ kə́ Majə yā Jeju ń Luk ndang ní 21:34 Referans Kwoze

MARK 4:19

ba sōl̄ yá̰á̰ kə́ dɔ nang tə́ gə̄ ō, gól̄ yā yá̰a̰ kənge yādə́ kə́ ngá̰ý gə̄ ō, ngur yá̰á̰ kə́ rang gə̄ ō, udən̄ kemdə́ tə́ ba taān̄ dɔ najə̄ kɔ̄ɔ́, adə̄ teēn̄ yá̰a̰ aĺ ní.

Najə̄ kə́ Majə yā Jeju ń Luk ndang ní 12:40

I beé ní ī-ndiī dɔ rɔ̄sí tə́ majə tɔdɔ̄ kum mbang ń Ngōn̄ Deē a reēń ní ī-gerī alé.

1 KORḚNTƏ 6:10

ngé ɓogə gə̄ ō, ngé rāā kum ndaa yá̰a̰ gə̄ ō, ngé rāā ɓəlo kasə gə̄ ō, ngé tétə̄ najə̄ gə̄ ō, ngé kə́rá yá̰a̰ gə̄ ō, a əngen̄ loo kem Ɓē ko̰o̰ yā Nə́ɓā tə́ alé.

JEJU TEĒ KUM JA̰A̰ 3:3

Loo koō najə̄ ń ōō ō, loo taā ń ī-taā ō ní, ādə̄ əga kemií dɔ tə́. Ī-ngɔ̄m̄ najə̄ ní ba ī-tūr̄ hálí. Ré ī-ndi dɔ rɔ̄í tə́ aĺ anī, m-ā m̄-reē tītə̄ nge ɓogə beé, kanjə̄ kadə̄ ā ī-ger̄ kum mbang ń m-ā m̄-reē yā kəhɔīneé dɔ jīí tə́ ní.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

1 KORḚNTƏ 5:11

Najə̄ ń m̄-ndang m-ādə̄sí ní, i kadə̄ ī-lōōī ɓoo naā kə de kə́ ā ī-ɓāŕniī na i ngōkó̰ó̰sí, tá ni i de kə́ nge sāā naā loo kaya tə́, aláa ni i de kə́ nge ndə̄ngā yá̰a̰, aláa i nge rāā ɓesə̄, aláa i nge tetə najə̄, aláa i nge kasə rāā, aláa i nge ɓogə. De kə́ beē ní, yá̰a̰ kəsa gə̄gē ī-lōōī kəsa seneé.

MATIYE 13:22

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

OJEE 4:11

Rāā ájə́ba ō, ka̰ȳ kasə nduú ō, rāādə́ adə̄ nin̄ télən̄ de gə̄ kə́ dɔdə́ ndi gōtə́ aĺ gə̄.

IJAI 28:7

Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

Najə̄ kə́ Majə yā Jeju ń Luk ndang ní 21:8

Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

Najə̄ kə́ Majə yā Jeju ń Luk ndang ní 17:3

Sḭḭ̄ kɔ́ gə̄ ī-ndiī dɔ rɔ̄sí tə́ majə. Ré ngōkó̰ó̰í rāā yá̰á̰ kə́ majaĺ seí anī ī-ɓārə́n ba ɔ́jən kum ba ré ni-gḛy tūr̄ hálən anī, ī-māȳ rɔ̄í dɔn tə́.

Najə̄ kə́ Majə yā Jeju ń Luk ndang ní 10:41

Banī Kɔ́ɔ̄ɓē tél ədan na: Martə, Martə, ḭ̄ ī-sōl̄ ō, ī-ndebə jak jak ō tām̄ yā yá̰á̰ kə́ gíŕdə́ i kósə́ ngá̰ý gə̄ tə́.

Najə̄ kə́ Majə yā Jeju ń Luk ndang ní 8:14

Ngé gə̄ ń tə́sōn̄ dan kōn̄ gə̄ tə́ ní, i ngé gə̄ ń oōn̄ najə̄ yā Nə́ɓā ba teē kə̄ danaá anī gír̄ najə̄ gə̄, kə yá̰a̰ kənge gə̄, kə yá̰á̰ kə́ to rɔ̄nel̄ kə́ dɔ nang tə́ gə̄ taān̄ dɔdə́ kɔ̄ɔ́, adə̄ kumdə́ mbujə alé ní.

MARK 13:9

Banī ādə̄ kumsí ngan̄g tɔdɔ̄ de gə̄ a əlan̄sí jī ngé rāā sarya gə̄ tə́ ō, a tə̄ndān̄sí kem kújə́ kán̄ naā gə̄ tə́ ō, a aw̄n̄ sesí kadə̄ ī-raī no ngé ko̰o̰ ɓē gə̄ tə́ ō, najə̄ yāḿ mā tə́. Loo ń noō tə́ ā ə́daī najə̄ kə́ kum tə́ kadə̄ oōn̄.

Gōsə̄ najə̄ gə̄ 21:4

Ka̰a̰ loo kə́ kə kidə taá ō, kɔjə rɔ̄ kə́ kem deē tə́ ō, hor lámba yā ngé kem ndul gə̄ ō ní, yá̰a̰ gə̄ ń noō malang i rāā majaĺ!

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

PĀ GƏ̄ 35:8

Ādə̄ yá̰á̰ kə́ majaĺ ngá̰ý kógə̄ḿ kə́ rāā yá̰á̰ jóo aĺ ɓáý teē rétə́ kə̄ rɔ̄də́ tə́. Ādə̄ gūmbə̄ ń nin̄ kɔ́ gə̄ əyān̄ ní tél əhɔdə́ ō, ādə̄ yá̰á̰ kə́ majaĺ ń noō tɔ̄l̄də́ ō.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.

LEBI GƏ̄ 10:9

Ni ō, ngánən gə̄ ō, ní ré na a rāān̄ yā kaw̄ kə̄ kem kújə kənge naā tə́ anī, kə aȳn̄ kasə nduú aĺ ō, kasə kə́ rang aĺ ō, na sōgə́ óyn̄. Nge ń noō na i ndū najə̄ kə́ a to ngándáńg tām̄ yā ngáńdə́ gə̄ tə́ ō, ngán kaadə́ gə̄ tə́ ō.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

TA KƏLA 19:32

Ī-reē, j-adə̄ bɔbə̄jí kasə nduú adə̄ a̰ȳ, ba jə-to seneé j-ojəń ngán kaan gə̄ j-adə̄n, ādə̄ kojə yā bɔbə̄jí toń ta kaw̄ kə̄ kété.

Gōsə̄ najə̄ gə̄ 23:20

Ī-lōō kadə̄ ḭ̄ i dan ngé ka̰ȳ kasə nduú kadə̄ rāādə́ gə̄ tə́ ō, ngé kəsa dā̰ kadə̄ al̄ dɔ kemdə́ gə̄ tə́ ō.

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

Najə̄ kə́ Majə yā Jeju ń Luk ndang ní 21:35

tītə̄ réng beé. Tɔdɔ̄ ndɔ̄ ní a əsō dɔ de gə̄ malang ń ndin̄ dɔ nang tə́ ní.

TA KƏLA 19:35

Adə̄n̄ bɔbə̄də́ kasə nduú ndɔ̄ ń noō tə́ ɓáý to̰, ba nge kə́ dūú aw̄ to seneé. Bɔbə̄n ger̄ ta ton aĺ ō, ta kḭḭn aĺ ō.

TA KƏLA 27:14

Jakob aw̄ əhɔdə́ reēń adə̄ kó̰o̰n. Kó̰o̰n rāań yá̰a̰ kəsa kə́ Isaak gḛy ngá̰ý.