Najə̄ kə́ Majə yā Jeju ń Luk ndang ní 21:28 - Bibəl ta Sar̄

²⁸ Dan ń yá̰a̰ gə̄ ń noō a əlan̄ gír rāā yá̰á̰ ní anī, ḭ́ḭī dɔ rɔ̄sí tə́, ba ɔ̄rī dɔsí dɔɔ́, tɔdɔ̄ ndɔ̄ kə́ yā kadə̄ a gāngə̄n̄neé dɔsí i ngɔr.

Bible sar

²⁸ Dan ń yá̰a̰ gə̄ ń noō a əlan̄ gír rāā yá̰á̰ ní anī, ḭ́ḭī dɔ rɔ̄sí tə́, ba ɔ̄rī dɔsí dɔɔ́, tɔdɔ̄ ndɔ̄ kə́ yā kadə̄ a gāngə̄n̄neé dɔsí i ngɔr.

Najə̄ kə́ Majə yā Jeju ń Luk ndang ní 21:28 Referans Kwoze

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

Makətūbə̄ ń Pol ndang adə̄ Rom gə̄ ní 8:19

Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

EPEJƏ 1:14

Ndíĺ kə́ Táĺ i yá̰á̰ kə́ ɔjə kadə̄ Nə́ɓā a adə̄jí yá̰á̰ kə́ majə gə̄ ń ni-ngɔ̄m̄ tām̄ yā deē yān gə̄ tə́ ní rɔ̄kum. Ni-ɔjəjí kadə̄ j-a j-əngeī yá̰a̰ gə̄ ni rɔ̄kum, loo ń Nə́ɓā a gān̄g dɔjí kadə̄ ɔtə̄ kə taá mámák ní. Ādə̄ jə-tɔ̄yī Nə́ɓā ń i de kə́ bo ní.

Najə̄ kə́ Majə yā Jeju ń Luk ndang ní 13:11

Anī dəyá̰ kógə̄ḿ kə́ ndíĺ kə́ majaĺ i kemən tə́ rāā ɓāl̄ kutə gidə i sɔ́sɔ́ ndi kem kújə́ ní tə́. Ndíĺ ní rugən kɔ̄kə́ adə̄ ni-asə kɔr̄ tan dɔɔ́ sḛ́ý aĺ bátə́.

Najə̄ kə́ Majə yā Jeju ń Luk ndang ní 21:29

Ni ədadə́ kūjə́ najə̄ kógə̄ḿ na: Á̰a̰ī kāgə̄ kótə̄ ō, kāgə̄ gə̄ malang ń noō ō.