Najə̄ kə́ Majə yā Jeju ń Luk ndang ní 21:27 - Bibəl ta Sar̄

²⁷ Anī a a̰a̰n̄ Ngōn̄ Deē a reē dan kil̄ man̄ tə́ kə tɔ́gɔ́ ō, kə kɔsə gɔn kə́ ngá̰ý ō.

Bible sar

²⁷ Anī a a̰a̰n̄ Ngōn̄ Deē a reē dan kil̄ man̄ tə́ kə tɔ́gɔ́ ō, kə *kɔsə gɔn kə́ ngá̰ý ō.

Najə̄ kə́ Majə yā Jeju ń Luk ndang ní 21:27 Referans Kwoze

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MARK 13:26

Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MATIYE 26:64

Jeju tūr̄ ədan na: Īkɔ́ ə́da. Banī m-ə́dásí najə̄ kə́ rang ɓáý to̰, əla gír ngɔr ń toō tə́ ní ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, ā á̰a̰niī loo reē tə́ dɔ kil̄ man̄ kə́ no rā̰ tə́ tə́ ō.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

JEJU TEĒ KUM JA̰A̰ 14:14

Anī m-á̰a̰ kil̄ man̄ kógə̄ḿ kə́ ndaa, ba yá̰á̰ kə́ kə kumuú ń ndi dɔ tə́ ní to tītə̄ ngōn̄ deē beé. Jākā mbang kə́ rāān̄ kə lɔ́r i dɔn tə́ ō, ngorong kə́ kumən atə ngá̰ý i jīn tə́ ō.

Najə̄ kə́ Majə yā Jeju ń Luk ndang ní 21:26

Ɓōĺ rāā de gə̄ ngá̰ý loo ngóō yá̰a̰ gə̄ ń a teēn̄ yā tə́sō dɔ loo kə́ dɔ nang tə́ ní, tɔdɔ̄ ngé tɔ́gə́ kə́ dɔ rā̰ tə́ gə̄ a ndewn̄ ō.