Najə̄ kə́ Majə yā Jeju ń Luk ndang ní 21:22 - Bibəl ta Sar̄

²² Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

Bible sar

²² Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

Najə̄ kə́ Majə yā Jeju ń Luk ndang ní 21:22 Referans Kwoze

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

IJAI 34:8

I ndɔ̄ ń Kɔ́ɔ̄ɓē a daləń ba̰ā̰ dɔ dɔ Edom gə̄ tə́ ní, i ɓāl̄ ń nge rɔ̄ɔ̄ dɔ ɓē kə́ Siyo̰ tə́ a dəjeńdə́ gíŕ yá̰a̰ rāādə́ gə̄ ní.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

MATIYE 1:22

Yá̰á̰ gə̄ ń noō malang a rāān̄ yá̰a̰ i yā kadə̄ najə̄ ń Kɔ́ɔ̄ɓē əndā ta nge koō ta tə́ adə̄ əda kété ní reē udəń gírí. Najə̄ ní n toó:

JEREMI 51:6

Ī-teē ā̰yī naā kɔ̄ɔ́ Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

NDŪ NAJƏ̄ 32:34

Yá̰á̰ ń mā Kɔ́ɔ̄ɓē m-ə̄ndā dɔ danaá jəke loo mundə̄ tə́ ní n toó, yá̰á̰ ń m̄-ngɔ̄m̄ tām̄ yādə́ tə́ ní n toó.