Najə̄ kə́ Majə yā Jeju ń Luk ndang ní 21:17 - Bibəl ta Sar̄

¹⁷ tá de gə̄ malang a imə̄n̄sí tām̄ yā rīḿ tə́.

Bible sar

¹⁷ tá de gə̄ malang a imə̄n̄sí tām̄ yā rīḿ tə́.

Najə̄ kə́ Majə yā Jeju ń Luk ndang ní 21:17 Referans Kwoze

JA̰A̰ 15:19

Nə́ngētə́ sḭḭ̄ i de kə́ dɔ nang tə́ gə̄ anī, de kə́ dɔ nang tə́ gə̄ a tárən̄sí tɔdɔ̄ sḭḭ̄ i yān gə̄. Banī mā m̄-gə̄rāsí ō, m-ɔ̄r̄sí kɔ̄ɔ́ dan de kə́ dɔ nang tə́ gə̄ tə́ ō, adə̄ sḭḭ̄ i de kə́ dɔ nang tə́ gə̄ to̰ alé, i tām̄ ń noō tə́ n de kə́ dɔ nang tə́ gə̄ imə̄n̄sí ní.

Najə̄ kə́ Majə yā Jeju ń Luk ndang ní 6:22

Sḭḭ̄ i kə rɔ̄nelēé dan ń de gə̄ a imə̄n̄sí ō, a tə̄ɓān̄sí kɔ̄ɔ́ dɔ dáńdə́ tə́ ō, a tájə̄n̄sí ō, a ədan̄ najə̄ kə́ majaĺ dɔsí tə́ ō najə̄ yā Ngōn̄ deē tə́ ní.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.

JA̰A̰ 15:21

Ba nin̄ a rāān̄sí yá̰a̰ gə̄ ń toō malang i najə̄ yāḿ mā tə́, tɔdɔ̄ nin̄-gerə̄n̄ nge ń əlam̄ ní alé.

JEJU TEĒ KUM JA̰A̰ 2:3

Ḭ̄ i de kə́ ə́hɔ rɔ̄í tɔgə ngá̰ý. Yá̰á̰ kə́ tōr̄ rāāī najə̄ yāḿ tə́ banī tɔ́gí ur̄ wak kɔ̄ɔ́ alé.

PILIPƏ 1:29

Tɔdɔ̄ kə́ ɔjə dɔ najə̄ yā Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

2 KORḚNTƏ 4:11

Tɔdɔ̄ jḭḭ ń jə-ndi kə kumjí ní, əlan̄jí ta yo tə́ kə dɔ ndɔ̄ gə̄ najə̄ yā Jeju tə́, yā kadə̄ ndi kə kumuú yā Jeju ɔjəń rɔ̄n kə̄ ndágá kem dā̰ rɔ̄jí kə́ a oy tə́ ō.

JA̰A̰ 17:14

M-ādə̄də́ najə̄ yāí, banī de kə́ dɔ nang tə́ gə̄ imə̄n̄də́, tām̄ nin̄ i de gə̄ kə́ dɔ nang tə́ alé, tītə̄ ń mā i de kə́ dɔ nang tə́ aĺ ní.

MARK 13:13

De gə̄ malang a imə̄n̄sí tām̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní, a ajə.

MATIYE 24:9

Dan ngeé ń noō tə́ ní a əlan̄sí jī de gə̄ tə́ kadə̄ a rāān̄sí kadə̄ wursí a ɔlsí ō, a tɔ̄lə̄n̄sí ō. Gíŕ nápar de gə̄ malang a imə̄n̄sí najə̄ yāḿ mā tə́.

MATIYE 10:22

De gə̄ malang a imə̄n̄sí najə̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní a ajə.

1 PIYER 4:14

Ré tájə̄n̄sí tām̄ yā rī Kərist tə́ anī, ādī rɔ̄sí nel̄sí. Tɔdɔ̄ Ndíĺ kə́ to kɔsə gɔn ń i Ndíĺ Nə́ɓā ní, i dɔsí tə́.

KƏLA RĀĀ 9:16

Mə̄kɔ́ m-ā m-ɔ́jən yá̰á̰ kə́ tōr̄ gə̄ malang ń kadə̄ a rāān tām̄ yā rīḿ tə́ ní.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

MATIYE 5:11

Sḭḭ̄ i kə rɔ̄nelēé dan ń de gə̄ a tájə̄n̄sí ō, a rāān̄sí ndoō tə́ ō, a tétə̄n̄ najə̄ kə́ majaĺ gə̄ malang dɔsí tə́ ō, tām̄ yāḿ mā tə́ ní.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

Najə̄ kə́ Majə yā Jeju ń Luk ndang ní 21:16

Bɔbə̄sí sḭḭ̄ kɔ́ gə̄ ō, kó̰ó̰sí gə̄ ō, ngákó̰ó̰sí gə̄ ō, kə ngéésí gə̄ ō, madə̄ tasí gə̄ ō, a əlan̄sí jī ngé sarya gə̄ tə́. Ngá̰ý gə̄ dansí tə́ a tɔ̄lə̄n̄də́ kɔ̄ɔ́,

Najə̄ kə́ Majə yā Jeju ń Luk ndang ní 21:18

Ba ngōn̄ nənga dɔsí kógə̄ḿ kə́ yā kadə̄ ta a tḭ̄ḭ̄ gətóo.