Najə̄ kə́ Majə yā Jeju ń Luk ndang ní 21:12 - Bibəl ta Sar̄

¹² Ba kété no yá̰a̰ gə̄ ń toō tə́ malang ní, a əhɔn̄sí yā rāāsí ndoō tə́ ō, a əlan̄sí jī ngé sarya kə́ loo kán̄ naā gə̄ tə́ ō, yā kəlasí kújə dəngáy gə̄ tə́ ō. A aw̄n̄ sesí kə̄ ta mban̄g gə̄ tə́ ō, kə̄ ta ngé ko̰o̰ ɓē gə̄ tə́ ō, tām̄ yā rīḿ tə́.

Bible sar

¹² Ba kété no yá̰a̰ gə̄ ń toō tə́ malang ní, a əhɔn̄sí yā rāāsí ndoō tə́ ō, a əlan̄sí jī ngé sarya kə́ loo kán̄ naā gə̄ tə́ ō, yā kəlasí kújə dəngáy gə̄ tə́ ō. A aw̄n̄ sesí kə̄ ta mban̄g gə̄ tə́ ō, kə̄ ta ngé ko̰o̰ ɓē gə̄ tə́ ō, tām̄ yā rīḿ tə́.

Najə̄ kə́ Majə yā Jeju ń Luk ndang ní 21:12 Referans Kwoze

1 PIYER 2:13

De gə̄ malang ń nin̄ i ngé ko̰o̰ ɓē gə̄ ní, ōōī tadə́ najə̄ yā Kɔ́ɔ̄ɓē tə́. Ōōī ta mban̄g tām̄ ni i nge ndi dɔ de gə̄ tə́ malang ō,

KƏLA RĀĀ 22:30

Yá̰a̰ nəkɔ́ bang ń Jipə gə̄ a sə̄lān̄neé gíŕ Pol ní, ngol áskar gə̄ kə́ bo sāā ger̄ kə gōó. Adə̄ teē kə ndɔ̄ kə́ noō anī, adə̄ tútən̄ súĺ gə̄ kɔ̄ɔ́ rɔ̄n tə́, ba əda kadə̄ ngol gə̄ kə́ dɔ ngé tun̄ yá̰a̰ gə̄ tə́ ō, ngé sarya kə́ bo gə̄ malang ō, kə kánə̄n̄ naā. Gō tə́ anī ni-reē kə Poló əndan̄ nodə́ tə́.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

KƏLA RĀĀ 8:3

Ba Sol əhɔ rɔ̄n tɔgə a sāā loo nujə Egəlijə kɔ̄ɔ́. Ni túdə̄ kə̄ kem kújə gə̄ tə́, ndɔ́r̄ dəngam gə̄ ō dəyá̰ gə̄ ō kə̄ ndágá ba ɓōkə́də́ dəngáyá.

KƏLA RĀĀ 5:40

anī tél ɓārə́n̄ ngámbang kəla gə̄ gogə́, ba adə̄ əndan̄də́ kə ndéyé ō, ɔgə̄n̄də́ kɔr̄ najə̄ kə rī Jeju ō, pá tá əya̰n̄də́ dɔɔ́.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

MATIYE 22:6

gotə gə̄ əhɔn̄ ngé kəla gə̄ ní rāān̄də́ yá̰á̰ kə́ majaĺ ngá̰ý pá tá tɔ̄lə̄n̄də́ ō.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

MATIYE 24:8

Yá̰a̰ gə̄ ń noō malang ń a rāān̄ yá̰á̰ ní, i tītə̄ ta kəla gír rɔ̄ tōr̄ yā dəyá̰ kə́ a rāā kem beé.

Najə̄ kə́ Majə yā Jeju ń Luk ndang ní 21:11

Dɔ nang a yéȳ ngá̰ý. Loo kə́rēý gə̄ tə́ ní mo̰y ngāl̄bɔ̄gīí ō, ɓō ō, a əsōn̄ tū tə́. Yá̰á̰ kə́ to ɓōĺ ngá̰ý gə̄ a teēn̄ dɔ rā̰ tə́ ō, yá̰á̰ kə́ yáā ngá̰ý gə̄ kə́ yā kɔjə dɔ yá̰á̰ kə́ yā reē ɓáý gə̄ a teēn̄ ō.

JA̰A̰ 15:21

Ba nin̄ a rāān̄sí yá̰a̰ gə̄ ń toō malang i najə̄ yāḿ mā tə́, tɔdɔ̄ nin̄-gerə̄n̄ nge ń əlam̄ ní alé.