Najə̄ kə́ Majə yā Jeju ń Luk ndang ní 20:47 - Bibəl ta Sar̄

⁴⁷ A əsan̄ jī dəyá̰ kə́ ngaa koy gə̄ yā təgā ō. Nin̄ ní, sarya kə́ bo ngá̰ý a əsō dɔdə́ tə́.

Bible sar

⁴⁷ A əsan̄ jī dəyá̰ kə́ ngaa koy gə̄ yā təgā ō. Nin̄ ní, sarya kə́ bo ngá̰ý a əsō dɔdə́ tə́.

Najə̄ kə́ Majə yā Jeju ń Luk ndang ní 20:47 Referans Kwoze

MARK 12:40

A əsan̄ jī dəyá̰ kə́ ngaa koy gə̄ yā təgā ō, a ilə̄n̄ gidə rɔ̄də́ karī ba na n-ndɔ̄ȳn̄ na i ngá̰ý ō. Nin̄ ní sarya kə́ bo ngá̰ý a əsō dɔdə́ tə́.

JAKƏ 3:1

Ngákó̰ó̰ḿ gə̄, ādī de kə́ dáńsí tə́ kə́ ngé ndóō de gə̄ yá̰a̰ gə̄ i ngá̰ý alé, tɔdɔ̄ ī-gerī kadə̄ a gāngə̄n̄ sarya kə́ ngan̄g ngá̰ý dɔjí jḭḭ ngé ndóō de gə̄ yá̰a̰ gə̄ tə́.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

Najə̄ kə́ Majə yā Jeju ń Luk ndang ní 12:1

Kum mbang ngeé ń noō tə́ ní dūbūú de kə́ ngá̰ý gə̄ kánə̄n̄ naā, adə̄ a njə̄rān̄ i dɔ nja naā tə́. Anī Jeju əla gír kɔr̄ najə̄ kə ngé ndóō yá̰a̰ yān gēé, ədadə́ na: Ī-ngɔ̄mī rɔ̄sí majə, ī-lōōī kadə̄ kaa mápa yā Parijiyḛ gə̄ ń i gól̄ loo yādə́ ní ɔdə rɔ̄sí.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MISE 3:2

Banī yá̰á̰ kə́ majə nel̄sí sḭḭ̄ aĺ ngá̰ý ō, yá̰á̰ kə́ majaĺ nel̄sí ō. Sḭḭ̄ ɔ̄rī ndāŕ madə̄sí gə̄ ō, ī-ngḭ̄ḭ̄ dā̰də́ gidə kə̄ngādə́ gə̄ tə́ kɔ̄ɔ́ ō.

MISE 2:8

Banī Kɔ́ɔ̄ɓē ədasí sḭḭ̄ na: Háĺ ń sḭḭ̄ ā ī-rāāī kə́ gír deē yāḿ gēé ní, i tītə̄ yā madə̄ ba̰ā̰ gə̄. Ngé gə̄ ń télən̄ ta rɔ̄ɔ̄ tə́ ō, njə̄rān̄ loo yādə́ kanjə̄ sōl̄ yá̰á̰ kógə̄ḿ ō ní, sḭḭ̄ ī-táāī kūbə̄ yādə́ gə̄ kə́ dɔ madə̄ gə̄ tə́.

AMOS 2:7

Nin̄ əlan̄ dɔ nge ndoō kum bumbə́rú tə́ ō, ɓōlə́n̄ gidə yá̰á̰ yā de kə́ dūú gə̄ aĺ ō. Bɔbə̄ ngōn̄ nin̄ kə ngōnōó sāān̄ dəyá̰ dɔ naā tə́ ō. I tītə̄ ń noō n nin̄ tájə̄n̄neé hɔ̄r̄mɔ̄ yāḿ ní.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

IJAI 10:2

I tītə̄ ń noō n ɔgə̄nəń kadə̄ gāngə̄n̄ sarya yā ngé ndoō gə̄ kə gōó ní, de gə̄ kə́ dan deē yāḿ gə̄ tə́ ń nge rɔ̄ɔ̄ dɔdə́ tə́ gətóó ní, nin̄ ɔgə̄n̄də́ yá̰á̰ kə́ sɔɔ̄də́. Nin̄ ɓogən̄ dəyá̰ kə́ ngaa koy gə̄ ō, ɔyn̄ yá̰a̰ yā ngán hal gə̄ dɔ gúú tə́ ō.

1 TESALONIK 2:5

Tītə̄ ń ī-gerīiń ní, jə-gól̄ kum deē tū najə̄ kɔr̄jí tə́ aĺ ō, najə̄ kɔr̄jí ɔjə kadə̄ jə-sāā yá̰a̰ kənge tām̄ yājí tə́ aĺ ō, Nə́ɓā i de kə́ kum tə́ yājí.

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

MATIYE 23:14

Sḭḭ̄ ngé ndang makətūbə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Sḭḭ̄ ī-táāī yá̰a̰ yā dəyá̰ kə́ ngaa koy gə̄ jīdə́ tə́ malang kɔ̄ɔ́ ō, ī-raī dɔ tə́ noō īlī gidə rɔ̄sí kə ndɔ̄ȳ Nə́ɓā kə́ dan gān̄g aĺ yā kadə̄ de gə̄ rāān̄neésí de kə́ majə gə̄ tə́ ō. I tām̄ najə̄ ń noō tə́ n sḭḭ̄ ā ə́ngeī ndéý kə́ al̄ naā ní.

Najə̄ kə́ Majə yā Jeju ń Luk ndang ní 20:46

Ī-lōōī kadə̄ kumsí gól̄sí kə ngé ndóō de gə̄ ndū najə̄ gēé. Nin̄ a gḛyn̄ njə̄rā kə kūbə̄ kə́ ngāl̄ gēé ō, nel̄də́ kadə̄ de gə̄ rāān̄də́ lápə́ya ndágə loo kə́ bo gə̄ tə́ ō. A nel̄də́ ndi loo kə́ to ngol tə́ gíŕ kújə́ kán̄ naā gə̄ tə́ ō, loo kəsa yá̰a̰ gə̄ tə́ ō.

Najə̄ kə́ Majə yā Jeju ń Luk ndang ní 21:1

Jeju ɔr̄ dɔn dɔɔ́ anī, a̰a̰ ngé kənge yá̰á̰ ngá̰ý gə̄ kə́ a ɓōkə́n̄ yá̰a̰ ndējə̄ yādə́ gə̄ loo ń a ɓōkə́n̄ nar tū tə́ kem kújə yā Kɔ́ɔ̄ɓē tə́ ní.