Najə̄ kə́ Majə yā Jeju ń Luk ndang ní 20:25 - Bibəl ta Sar̄

²⁵ Anī ni-ədadə́ na: Ī-tél ādī Sejar yá̰á̰ ń i yā Sejar ní ō, ādī Nə́ɓā yá̰á̰ ń i yā Nə́ɓā ní ō.

Bible sar

²⁵ Anī ni-ədadə́ na: Ī-tél ādī Sejar yá̰á̰ ń i yā Sejar ní ō, ādī Nə́ɓā yá̰á̰ ń i yā Nə́ɓā ní ō.

Najə̄ kə́ Majə yā Jeju ń Luk ndang ní 20:25 Referans Kwoze

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

KƏLA RĀĀ 5:29

Banī Piyer nin̄ kə ngámbang kəla gə̄ tél ədan̄ na: Koō ta Nə́ɓā i só tə́ tɔȳ koō ta deē ndul gə̄.

MARK 12:17

Anī Jeju ədadə́ na kə tél adə̄n̄ Sejar yá̰á̰ ń i yā Sejar ní ō, kə tél adə̄n̄ Nə́ɓā yá̰á̰ ń i yā Nə́ɓā ní ō. Adə̄ ɔr kumdə́ seneé ngá̰ý.

MATIYE 22:21

Nin̄-tél ədanən̄ na deē ní na i Sejar ō, yá̰á̰ ń ndangən̄ tū tə́ ní na i rīn ō. Anī Jeju ədadə́ na: Beé ɓáa yá̰á̰ ń i yā Sejar ní, ī-tél ādī Sejar ō, yá̰á̰ ń i yā Nə́ɓā ní, ādī Nə́ɓā ō.

MATIYE 17:27

Ba kadə̄ de gə̄ n noō əsōn̄neé sɔɔ̄ńjí aĺ ní, āw̄ ta bā bo tə́ ə̄nī kuȳ. Kānjə̄ kə́ ta kəga dɔ ń a un kuȳ ní ə́hɔn ba ī-teē tan, ā ə́ngé njáŕ sə́lē arjā̰a̰ kə kum madə̄ jōó tan tə́. Ɔ̄r̄, ba āwń ādə̄də́ tām̄ yāḿ tə́ ō, tām̄ yāí tə́ ō.

Gōsə̄ najə̄ gə̄ 24:21

Ngōnə̄ḿ, ī-ɓōĺ ndíĺ Kɔ́ɔ̄ɓē ō, ī-ɓōĺ ndíl mban̄g ō. Ī-lōō kəla rɔ̄í dan ngé sāā tūr̄ gíŕ yá̰á̰ kə́ jóo gə̄ kɔ̄ɔ́ tə́!

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

Najə̄ kə́ Majə yā Jeju ń Luk ndang ní 20:24

Ɔ́jəmī njáŕ sə́lē arjā̰a̰ kógə̄ḿ ādə̄ m-á̰a̰ā̰. I dɔ náā n i tū tə́ toō? Najə̄ ń ndangən̄ dɔ tə́ toō i najə̄ kə́ sɔɔ̄ dɔ náā? Nin̄-ədan̄ na i dɔ Sejar.