Najə̄ kə́ Majə yā Jeju ń Luk ndang ní 20:21 - Bibəl ta Sar̄

²¹ Anī dəjen̄ Jeju najə̄ ədan̄ na: Ngol, jə-ger̄ kadə̄ najə̄ kɔrīí ō, yá̰á̰ ndóō yāí ō i gōtə́, tá ḭ̄ ī-rāā yá̰a̰ loo ger̄ ta kum deē tə́ alé, ba ā ī-ndóō de gə̄ gō róbə gə̄ yā Nə́ɓā i kə najə̄ kə́ rɔ̄kum.

Bible sar

²¹ Anī dəjen̄ Jeju najə̄ ədan̄ na: Ngol, jə-ger̄ kadə̄ najə̄ kɔrīí ō, yá̰á̰ ndóō yāí ō i gōtə́, tá ḭ̄ ī-rāā yá̰a̰ loo ger̄ ta kum deē tə́ alé, ba ā ī-ndóō de gə̄ gō róbə gə̄ yā Nə́ɓā i kə najə̄ kə́ rɔ̄kum.

Najə̄ kə́ Majə yā Jeju ń Luk ndang ní 20:21 Referans Kwoze

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

JA̰A̰ 3:2

Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

MARK 12:14

Nin̄-reē ədanən̄ na: Ngoljí, jə-ger̄ kadə̄ ḭ̄ i de kə́ nge kɔr̄ najə̄ kə́ rɔ̄kum ngándáńg ō, ī-ɓōĺ kum deē aĺ ō, tɔdɔ̄ ḭ̄ ā ī-rāā yá̰a̰ tām̄ ger̄ ta kum deē tə́ alé, banī a ī-ndóō de gə̄ gō róbə yā Nə́ɓā i kə gō najə̄ kə́ rɔ̄kum. Ní ə́dájí: Ndū najə̄ yājí adə̄jí ta róbə kəgā lambóo yā nge ko̰o̰ ɓē kə́ Rom, aké ɔgə̄jí wa? Ní, kə j-adə̄, aké kə j-adə̄ aĺ wa?

PĀ GƏ̄ 55:21

Deē ngeé ń toō rɔ̄ madə̄ tan gə̄, ni-əhɔ madə̄ naā yān i yá̰á̰ kə́ karī tə́.

PĀ GƏ̄ 12:2

Kɔ́ɔ̄ɓē, ī-dḭḭ̄m̄ tə́! Gír de kə́ ran̄ dɔ ndūdə́ tə́ gə̄ təgān̄ kɔ̄ɔ́, de kə́ asən̄ kadə̄ deē ənī kemən adə̄də́ gətóon̄ kɔ̄ɔ́.

Makətūbə̄ yā Job 34:19

I ni ngóy n i nge rɔȳ ngār gə̄ tām̄ ta kumdə́ tə́ aĺ ní ō, nge kɔr̄ kam̄ nge kənge yá̰a̰ naā tə́ kə nge ndoó aĺ ní ō. Tɔdɔ̄ i ni n i nge rāādə́ jōó mbak ní.

2 YÁ̰A̰ GƏ̄ 19:7

Ní, ī-ɓōlíī Kɔ́ɔ̄ɓē ō, ə̄ndāī kumsí gíŕ yá̰á̰ ń ā ī-rāāī tə́ ní majə ō. Tɔdɔ̄ Kɔ́ɔ̄ɓē Nə́ɓā yājí i nge rāā yá̰a̰ gōtə́ aĺ aĺ ō, i nge rāā yá̰a̰ tām̄ ta kum deē aĺ ō, i nge ndigə kadə̄ karī yā nujəń sarya aĺ ō.

GALATƏ 2:6

Ba ngé gə̄ ń i ngé kɔr no de gə̄ ní, ɔjəmə̄n̄ yá̰a̰ kə́ kijə gə̄ kadə̄ m̄-rāādə́ dɔ gúú tə́ alé. Kə́ rɔ̄kum tə́, ká ré nin̄ i ngé kɔr no de gə̄ kété gə̄gē anī usəm̄ mā alé, tɔdɔ̄ Nə́ɓā a gān̄g sarya i tām̄ ta kum deē alé.

Najə̄ kə́ Majə yā Jeju ń Luk ndang ní 20:20

Loo ń noō tə́ ní, nin̄-əlan̄ gír kum̄ loo, adə̄ əlan̄ de kə́ ngé kəndā ma̰ȳ loo gə̄ rɔ̄ Jeju tə́. Nin̄-sēmə̄n̄ kumdə́ séḿ séḿ, adə̄ rāān̄ yá̰a̰ tītə̄ kə́ nin̄ i de kə́ súmūú gə̄, yā kadə̄ ré Jeju əda najə̄ kə́ majaĺ ɓáa kə n-əhɔnən̄ dɔ tə́ yā kəlan jī ngé ko̰o̰ ɓē gə̄ tə́ kadə̄ rāānən̄ kə gō ndū ń nin̄-ənīn̄ ní.

Najə̄ kə́ Majə yā Jeju ń Luk ndang ní 20:22

Ní ə́dájí, jḭḭ ní ndū najə̄ adə̄jí ta róbə kadə̄ Sejar lambóo aké ɔgə̄jí ḿ?