Najə̄ kə́ Majə yā Jeju ń Luk ndang ní 20:17 - Bibəl ta Sar̄

¹⁷ Anī Jeju əndā kumən dɔdə́ tə́ ba ədadə́ na: Ɔ́jəmī kum najə̄ ń ndangən̄ ədan̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní.

Bible sar

¹⁷ Anī Jeju əndā kumən dɔdə́ tə́ ba ədadə́ na: Ɔ́jəmī kum najə̄ ń ndangən̄ ədan̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní.

Najə̄ kə́ Majə yā Jeju ń Luk ndang ní 20:17 Referans Kwoze

PĀ GƏ̄ 118:22

Mbal̄ ń ngé kəndā kújə gə̄ mbátə́n̄ kɔ̄ɔ́ ní, tél mbal̄ kə́ kíĺ kújə́ tə́.

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.

KƏLA RĀĀ 4:11

Jeju i deē ń ndangən̄ najə̄ ń toō dɔn tə́ kem makətūbūú ní, ndangən̄ na: Mbal̄ ń sḭḭ̄ ngé kəndā kújə gə̄ ī-mbātíī kɔ̄ɔ́ ní, tél mbal̄ kə́ majə kə́ ngəra kújə́ tə́.

MATIYE 21:42

Ba Jeju tél ədadə́ na ké a̰a̰n̄ najə̄ ń toō kem makətūbə̄ aĺ wa: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní. Nge ń noō i kəla rāā Kɔ́ɔ̄ɓē, adə̄ i yá̰á̰ kə́ majə to ɓōĺ ngá̰ý ta kumjí tə́.

MARK 12:10

Najə̄ ń ndangən̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní, nge ń noō i kəla rāā Kɔ́ɔ̄ɓē adə̄ i yá̰á̰ kə́ majə to ɓōĺ ngá̰ý ta kumjí tə́ ní, á̰a̰ī kem makətūbə̄ tə́ aĺ a?

JAKARI 3:9

M-ə̄ndā mbal̄ kógə̄ḿ no Yesua tə́. Kum yá̰á̰ kə́ ndə́lē gə̄ sīrí i dɔ mbal̄ kə́ kógə̄ḿ beē nəkɔ́ ń noō tə́. Mə̄kɔ́ m-ā m̄-ndang yá̰á̰ kógə̄ḿ dɔ tə́ ō, yá̰a̰ rāā kə́ gōtə́ aĺ gə̄ kə́ kem ɓēé ń toō tə́ ní, m-ā m-ɔ̄r̄ kɔ̄ɔ́ i kem ndɔ̄ kógə̄ḿ beē ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

Najə̄ kə́ Majə yā Jeju ń Luk ndang ní 22:37

Tɔdɔ̄ ādə̄ m-ə́dásí, i gáŕ kadə̄ najə̄ ń ndangən̄ kem makətūbūú na: Tə́danən̄ dan ngé rāā majaĺ gə̄ tə́ ní reē udə gírí dɔḿ tə́. Tām̄ najə̄ gə̄ ń ndangən̄ ɔjə dɔḿ ní a reē yā kudə gíŕ kə́ rɔ̄ tə́.

JA̰A̰ 15:25

Banī i tām̄ kadə̄ najə̄ ń ndangən̄ kem ndū najə̄ yādə́ tə́ na: Nin̄-imə̄mə̄n̄ i kanjə̄ kumən ní, reē udəń gírí.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

Najə̄ kə́ Majə yā Jeju ń Luk ndang ní 22:61

Anī Kɔ́ɔ̄ɓē tél tūr̄ rɔ̄n ba əndā kumən dɔ Piyer tə́. Loo ń noō tə́ anī, əga kem Piyer dɔ najə̄ ń Kɔ́ɔ̄ɓē ədan tə́ na ɓōólaā nəkɔ́ ń toō, kété tá kadə̄ kə́ra kə̄njá nōō ní, na a nējə̄ gerə̄n nja mətá ní.

MARK 10:23

Anī Jeju mbel, go̰ō̰ loo, ba əda ngé ndóō yá̰a̰ yān gə̄ na: Kudə kem Ɓē ko̰o̰ yā Nə́ɓā tə́ i yá̰á̰ kə́ ngan̄g ngá̰ý tām̄ yā de kə́ ənge yá̰á̰ ngá̰ý tə́.

MARK 3:5

Jeju a̰a̰də́ kə wōngōó. Tōrə̄n ngá̰ý kemən tə́ najə̄ kem ngan̄g yādə́ tə́, ba əda deē ní na kə ndájə̄ jīn, ni-ndájə̄ jīn anī jīn tél to karī kɔ̄ɔ́.

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na:

JAKARI 10:4

Ngār kə́ tayā tayā gə̄ a ḭḭn̄ Juda yā reē. Nin̄ ngangə̄n̄ tītə̄ mbal̄ kə́ majə tām̄ yā kújə́ tə́ beē, tītə̄ bēl̄ gə̄ kə́ yā kənda nang tə́ do̰ō̰ń kújə tandā beé, tītə̄ ga̰ gərā kə́ yā rɔ̄ɔń beē.

EPEJƏ 2:20

Ngəra kújə́ ní i ngámbang kəla gə̄ ō, ngé koō ta gə̄ ō, ba Kərist nəkɔ́ i mbal̄ kə́ nge kəhɔ kújə́ ní dɔɔ́.

1 PIYER 2:6

Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.