Najə̄ kə́ Majə yā Jeju ń Luk ndang ní 20:14 - Bibəl ta Sar̄

¹⁴ Ba dan ń ngé ndɔr̄ gə̄ ní a̰a̰nən̄ anī, ədan̄ naā dɔ dáńdə́ tə́ na: Á̰a̰ī, nge kán̄ ta yá̰a̰ ndəbā ní n toó. Jə-tɔ̄līin̄ ɓáa yá̰a̰ ndəbā ní a tél yá̰a̰ yājí.

Bible sar

¹⁴ Ba dan ń ngé ndɔr̄ gə̄ ní a̰a̰nən̄ anī, ədan̄ naā dɔ dáńdə́ tə́ na: Á̰a̰ī, nge kán̄ ta yá̰a̰ ndəbā ní n toó. Jə-tɔ̄līin̄ ɓáa yá̰a̰ ndəbā ní a tél yá̰a̰ yājí.

Najə̄ kə́ Majə yā Jeju ń Luk ndang ní 20:14 Referans Kwoze

Makətūbə̄ ń Pol ndang adə̄ Rom gə̄ ní 8:17

Ré jḭḭ̄ i ngánən gə̄ anī, j-a j-əngeī yá̰a̰ yān ō. J-a j-əngeī yá̰á̰ ń Nə́ɓā adə̄ ngánən gə̄ ní naā tə́ kə Kərist, tɔdɔ̄ ré j-a̰a̰ī tápə̄ naā tə́ seneé anī, j-a j-əngeī kɔsə gɔn naā tə́ seneé ō.

HEBƏRO 1:2

Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.

KƏLA RĀĀ 3:15

Ngār kə́ nge rāā kadə̄ deē ndi kə kumneé ń sḭḭ̄ ī-tɔ̄l̄niī ní, Nə́ɓā ndólə̄n dan de kə́ koy gə̄ tə́, adə̄ jḭḭ i de kə́ kum tə́ gə̄.

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

Najə̄ kə́ Majə yā Jeju ń Luk ndang ní 22:2

Ngol gə̄ kə́ dɔ ngé tun̄ yá̰a̰ gə̄ tə́ kə ngé ndóō de gə̄ ndū najə̄ gə̄ sāān̄ loo kəhɔ Jeju tɔ̄lə̄n, ba gerə̄n̄ loon alé, tām̄ nin̄-ɓōlə́n̄ Jipə gə̄.

Najə̄ kə́ Majə yā Jeju ń Luk ndang ní 20:19

Ngé ndóō de gə̄ ndū najə̄ gə̄ kə ngol gə̄ kə́ dɔ ngé tun̄ yá̰a̰ gə̄ tə́ a sāān̄ kəhɔ Jeju kə̄ ta jī tə́ beē, ba nin̄-ɓōlə́n̄ ngán Israel gə̄. Tɔdɔ̄ nin̄-gerə̄n̄ majə kadə̄ kūjə́ najə̄ ń Jeju əda ní sɔɔ̄ i dɔdə́ nin̄.

Najə̄ kə́ Majə yā Jeju ń Luk ndang ní 20:5

Nin̄-nējə̄n̄ naā najə̄ dɔ dáńdə́ tə́ ədan̄ na: Ń toō ní, ré j-ədaī na ḭḭ na i rɔ̄ Nə́ɓā tə́ anī, ni a tél yā dəjejí na ké i tām̄ rí tə́ á jə-taāī kem Ja̰a̰ aĺ wa.

Najə̄ kə́ Majə yā Jeju ń Luk ndang ní 19:47

Ni ndóō de gə̄ yá̰a̰ kə dɔ ndɔ̄ gə̄ kem kújə yā Kɔ́ɔ̄ɓē tə́. Ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, kum kɔɔ̄ yā ngán Israel gə̄ ō sāān̄ yā tɔ̄lə̄n,

MATIYE 21:25

Ni dəjedə́ əda na: I náā n əla Ja̰a̰ rāā de gə̄ batém tə́ ní? I Nə́ɓā aké i de gə̄ ḿ? Banī nin̄-nējə̄n̄ naā najə̄ dɔ dáńdə́ tə́ ədan̄ na: Ré jə-tūr̄ j-ədaī na i Nə́ɓā n əlan, anī ni a tél yā kədají na ké i tām̄ rí tə́ áké jə-taāī kem Ja̰a̰ aĺ wa.

MATIYE 16:7

Anī nin̄-gírə̄n̄ kemdə́ tə́ ədan̄ na majanī na i tām̄ mápá ń na n-unən̄ jīdə́ tə́ aĺ ní.

PĀ GƏ̄ 89:27

Ni a ɓārə́m̄ mā na i bɔbə̄n ō, Nə́ɓā yān ō, mbal̄ kə́ nge kajən ō.

PĀ GƏ̄ 2:8

Ré ī-dəjem̄ nápar de gə̄ malang anī m-ā m-ādī sedə́ kadə̄ nin̄ i yá̰a̰ yāí gə̄ ō, dɔ nang yāí a laa bátə́ yā kugə̄ ta ngóy dɔ nang tə́ ō.

MATIYE 21:34

Dan yā sāā kan̄ kāgə̄ nduú gə̄ ugə̄, anī ni-əla ngé kəla yān gə̄ rɔ̄ ngé ndɔr̄ gə̄ ní tə́ kadə̄ adə̄nən̄ kan̄ nduú yān.

Najə̄ kə́ Majə yā Jeju ń Luk ndang ní 20:13

Loo ń noō tə́ kɔ́ɔ̄ ndɔr̄ ní əda kə̄ kemən tə́ na: Kə m̄-rāā i rí tā? M-ā m-ə́la ngōn̄ kemḿ mə̄kɔ́ kə́ kó tár yāḿ, na majanī a ɓōlə́n̄ ndílən.

Najə̄ kə́ Majə yā Jeju ń Luk ndang ní 20:15

Anī un ənīnən̄ gidə ndɔr̄ ní tə́ ndágá, ba tɔ̄l̄nən̄ kɔ̄ɔ́. Beé ní kɔ́ɔ̄ ndɔr̄ ní a rāā i rí sedə́?