Najə̄ kə́ Majə yā Jeju ń Luk ndang ní 20:13 - Bibəl ta Sar̄

¹³ Loo ń noō tə́ kɔ́ɔ̄ ndɔr̄ ní əda kə̄ kemən tə́ na: Kə m̄-rāā i rí tā? M-ā m-ə́la ngōn̄ kemḿ mə̄kɔ́ kə́ kó tár yāḿ, na majanī a ɓōlə́n̄ ndílən.

Bible sar

¹³ Loo ń noō tə́ kɔ́ɔ̄ ndɔr̄ ní əda kə̄ kemən tə́ na: Kə m̄-rāā i rí tā? M-ā m-ə́la ngōn̄ kemḿ mə̄kɔ́ kə́ kó tár yāḿ, na majanī a ɓōlə́n̄ ndílən.

Najə̄ kə́ Majə yā Jeju ń Luk ndang ní 20:13 Referans Kwoze

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

Najə̄ kə́ Majə yā Jeju ń Luk ndang ní 9:35

Anī deē kógə̄ḿ ɔr̄ najə̄ dan kil̄ man̄ tə́ əda na: Ni ń toō i Ngōnə̄ḿ ń m̄-gə̄rān ní, ōōī najə̄ yān!

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

OJEE 6:4

Kɔ́ɔ̄ɓē tūr̄ ədasí na: Epəraim, yá̰á̰ ń kə m̄-rāā tām̄ yāí tə́ ní i rí? Ba ḭ̄ Juda, yāí ḭ̄ i rí ō? Tár yāsí kə́ tām̄ yāḿ tə́ to i tītə̄ kil̄ man̄ kə́ dəloí beé, i tītə̄ man̄ kə́ tə́sō ndɔ̄ɔ́ ba ḭḭ̄ kɔ̄ɔ́ kə̄ ta jī tə́ beé.

IJAI 5:4

Yá̰a̰ malang kə́ tām̄ yā ndɔr̄ kāgə̄ nduú tə́ ní m̄-rāā. Yá̰á̰ kə́ dɔ nge ń noō tə́ ɓáý kə́ kadə̄ m̄-rāā tām̄ yān tə́ gətóo. m̄-ndi m-ā m̄-ngóō i ta kan̄ nduú kə́ majə, banī ndɔr̄ kāgə̄ nduú yāḿ teē i kə kan̄ nduú kə́ masə̄ n adə̄m̄ ní. Ní, i tām̄ yā rí tə́?

EJEKIEL 12:3

I beé ní, ḭ̄ ngōn̄ deē, ɔ́sə nja yá̰a̰ mbā yāí kə̄ naā tə́ dan kadaá, ta kum de gə̄ tə́ malang tām̄ yā de kə́ a aw̄n̄ seneé kə̄ dɔ ɓē kə́ rang tə́ dɔ gúú tə́ tə́. Gō tə́ anī ī-ndɔ́tə̄ loo ń ī-ndi tū tə́ ní tə́ kɔ̄ɔ́ ba āw̄ loo kə́ rang tə́, ta kum de gə̄ tə́ malang. Na majanī a a̰a̰n̄ kadə̄ nin̄ i gír de kə́ ngé mbātə́ najə̄ gə̄.

Najə̄ kə́ Majə yā Jeju ń Luk ndang ní 18:2

ni-ədadə́ na: Dəngam kógə̄ḿ kə́ nge gān̄g sarya kə́ ɓōĺ ndíĺ Nə́ɓā aĺ ō, usən dɔ de gə̄ tə́ aĺ ō, i kem ɓē kógə̄ḿ tə́.

Najə̄ kə́ Majə yā Jeju ń Luk ndang ní 18:4

Ba dəngam ní ɔdə aĺ kə́ nja naā tə́ nja naā tə́ dan i ngá̰ý. Ba gō tə́ anī əda kə̄ kemən tə́ na: Ká mā na m̄-ɓōĺ ndíĺ Nə́ɓā aĺ gə̄gē ō, usəm̄ dɔ de gə̄ tə́ aĺ gə̄gē ō anī i karī.

Najə̄ kə́ Majə yā Jeju ń Luk ndang ní 20:12

Ni-əla nge kəla kə́ rang kə́ nge ko̰ mətá ɓáý to̰, ba de gə̄ ní adə̄nən̄ do ō, tə̄ɓānən̄ kɔ̄ɔ́ ō.

Najə̄ kə́ Majə yā Jeju ń Luk ndang ní 20:14

Ba dan ń ngé ndɔr̄ gə̄ ní a̰a̰nən̄ anī, ədan̄ naā dɔ dáńdə́ tə́ na: Á̰a̰ī, nge kán̄ ta yá̰a̰ ndəbā ní n toó. Jə-tɔ̄līin̄ ɓáa yá̰a̰ ndəbā ní a tél yá̰a̰ yājí.