Najə̄ kə́ Majə yā Jeju ń Luk ndang ní 20:10 - Bibəl ta Sar̄

¹⁰ Loo ń nāā sāā kan̄ kāgə̄ nduú asə anī, ni-əla nge kəla yān kógə̄ḿ rɔ̄ ngé ndɔr̄ gə̄ ní tə́, kadə̄ kə adə̄nən̄ kum yān. Banī ngé ndɔr̄ gə̄ ní əndan̄ nge kəla ní ngá̰ý ba tə̄ɓānən̄ adə̄ tél aw̄ jīn karī.

Bible sar

¹⁰ Loo ń nāā sāā kan̄ kāgə̄ nduú asə anī, ni-əla nge kəla yān kógə̄ḿ rɔ̄ ngé ndɔr̄ gə̄ ní tə́, kadə̄ kə adə̄nən̄ kum yān. Banī ngé ndɔr̄ gə̄ ní əndan̄ nge kəla ní ngá̰ý ba tə̄ɓānən̄ adə̄ tél aw̄ jīn karī.

Najə̄ kə́ Majə yā Jeju ń Luk ndang ní 20:10 Referans Kwoze

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 20:2

anī nelə̄n alé, adə̄ ənda mbɔ́rən ō, adə̄ do̰ō̰nən̄ tū kāgə̄ tə́ ta róbə́ kə́ dɔɔ́ ń a ɓārə́n̄ na i ta róbə yā Benjamḛ ní tə́ ō, adə̄ i ta róbə́ kə́ yā kudəń kə̄ kem kújə yā Kɔ́ɔ̄ɓē tə́.

JEREMI 5:24

Nin̄ mbātə́n̄ kəda kə̄ kemdə́ tə́ na: Jə-ɓōlíī ndíĺ Kɔ́ɔ̄ɓē Nə́ɓā yājí, Nə́ɓā ń adə̄ man̄ edə kə kum mbangneé, ɓaraá ō, ta ɓāl̄ tə́ ō ní ni ń gə̄rā dəmásə gə̄ kə́ yā sāań kōō adə̄jí ní.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

2 YÁ̰A̰ GƏ̄ 16:10

Wōn̄g rāā Asa kə nge ka̰a̰ yá̰á̰ adə̄ əhɔ ənīn dəngáyá. Tɔdɔ̄ najə gə̄ ń ɔr̄ ní adə̄n wōn̄g ngá̰ý. Dan ngeé ń noō tə́ ní Asa rāā kum ngán Israel kə́rēý gə̄ ndoō tə́.

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

1 MBAN̄G GƏ̄ 22:24

Sidekia kə́ ngōn̄ Kenana ndɔ́tə̄ kə̄ ngɔr, ənda mbɔ́r Mise ba əda na: Ndíĺ Kɔ́ɔ̄ɓē teē kemḿ tə́ i kə ta róbə́ kə́ rá n aw̄ ɔr̄ najə̄ seí ní? Mise tél ədan na:

Najə̄ kə́ Majə yā Jeju ń Luk ndang ní 20:9

Anī Jeju un kūjə́ najə̄ ń toō əda ngán Israel gə̄: Deē kógə̄ḿ əndā kāgə̄ nduú gə̄ kem ndɔr̄ yān tə́, ba əndā ngé ndɔr̄ gə̄ ta tə́ kadə̄ a̰ā̰n̄ gō ō, adə̄nən̄ kanə̄n ō, ba aw̄ mbā kə́ gō ngāl̄ ngá̰ý.

Najə̄ kə́ Majə yā Jeju ń Luk ndang ní 20:11

Ni-əla nge kəla kə́ rang ɓáý to̰, ba de gə̄ ní tə̄ndānən̄ ō, tájə̄nən̄ ō, tə̄ɓānən̄ adə̄ tél aw̄ jīn karī ō.

1 YÁ̰A̰ GƏ̄ 19:4

Loo ń noō tə́ Hanun adə̄ əhɔn̄ de kə́ bo gə̄ yā Dabid, dəsān̄ mbāýdə́ ō, tə́jān̄ kūbə̄ kə́ rɔ̄də́ tə́ gə̄ adə̄ gīndə̄ ugə̄ ta gíŕdə́ tə́ dɔɔ́ ō, ba tə̄ɓān̄də́.