Najə̄ kə́ Majə yā Jeju ń Luk ndang ní 2:9 - Bibəl ta Sar̄

⁹ De kə́ dɔ rā̰ tə́ kógə̄ḿ yā Kɔ́ɔ̄ɓē teē ra nodə́ tə́ ō, kɔsə gɔn yā Kɔ́ɔ̄ɓē unjə̄ kow gīr̄ gidədə́ ō. Anī ɓōĺ rāādə́ ngá̰ý.

Bible sar

⁹ *De kə́ dɔ rā̰ tə́ kógə̄ḿ yā Kɔ́ɔ̄ɓē teē ra nodə́ tə́ ō, *kɔsə gɔn yā Kɔ́ɔ̄ɓē unjə̄ kow gīr̄ gidədə́ ō. Anī ɓōĺ rāādə́ ngá̰ý.

Najə̄ kə́ Majə yā Jeju ń Luk ndang ní 2:9 Referans Kwoze

IJAI 60:1

Jerusalem, ḭ́ḭ dɔɔ́! Ādə̄ hor gə̄ rāān̄ adə̄ loo unjə̄ kow dɔí tə́, tɔdɔ̄ loo kə́ unjə̄ kow ḭḭ nang tə́ kum kə̄ dɔɔ́ tām̄ yāí tə́: Kɔsə gɔn yā Kɔ́ɔ̄ɓē unjə̄ dɔí tə́ tītə̄ mbang kə́ əɓa beé.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

JEJU TEĒ KUM JA̰A̰ 18:1

Gō tə́ anī, m-á̰a̰ de kə́ dɔ rā̰ tə́ kə́ rang ḭḭ dɔ rā̰ tə́ jə̄ngā. Tɔ́gən i ngá̰ý ō, ndə́lē yān rāā adə̄ loo unjə̄ kow dɔ nang tə́ ō.

KƏLA RĀĀ 27:23

Tām̄ ngɔlaā ní de kə́ dɔ rā̰ tə́ yā Nə́ɓā ń mā i deē yān ō, m̄-rāā kəla yān ō ní, reē rɔ̄ḿ tə́

1 MBAN̄G GƏ̄ 8:11

Ngé tun̄ yá̰a̰ gə̄ asən̄ tél kun ta kəla yādə́ to̰ alé sɔɔ̄ń kil̄ man̄ ní, tɔdɔ̄ i kɔsə̄ gɔn yā Kɔ́ɔ̄ɓē n taā kem kújə malang ní.

KƏLA RĀĀ 5:19

Dan ndɔ̄ɔ́ anī de kə́ dɔ rā̰ tə́ yā Kɔ́ɔ̄ɓē teē ta kújə dəngáy, ni-aw̄ sedə́ ndágá ba ədadə́ na:

JA̰A̰ 12:41

Ijai ɔr̄ najə̄ beé i tām̄ ni-a̰a̰ kɔsə gɔn yā Jeju, adə̄ ni-ɔr̄ i najə̄ yān.

Najə̄ kə́ Majə yā Jeju ń Luk ndang ní 24:4

Nin̄-nda sitə̄n̄ sata, gerə̄n̄ yá̰á̰ kə́ yā gír̄ kəndā dɔ tə́ alé, anī de gə̄ jōó kə́ o̰o̰n̄ kūbə̄ kə́ ndə́lē pir pir gə̄ teē ran̄ nodə́ tə́.

Teē Ngán Israel gə̄ 16:7

Bírí dəloí anī na a a̰a̰n̄ kɔsə gɔn yā Kɔ́ɔ̄ɓē, tɔdɔ̄ ni na oō tām̄ ń na tāmə̄n̄ seneé ní. Ké nin̄ n-asən̄ i rí deē dɔdə́ yā kadə̄ tāmə̄n̄ sedə́ nin̄ ní wa.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

HEBƏRO 12:21

Yá̰á̰ ń a̰ā̰n̄ ní to ɓōĺ ngá̰ý, asə kadə̄ Moijə əda na: Ɓōĺ rāām̄ ngá̰ý ō, m̄-ndew yakə yakə ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

KƏLA RĀĀ 12:7

Anī de kə́ dɔ rā̰ tə́ yā Kɔ́ɔ̄ɓē teē rétə́ ō, loo unjə̄ kow kem kújə dəngáyá ō. De kə́ dɔ rā̰ tə́ ní ɔdə kadə Piyer ndól̄nń ba ədan na kə ḭḭ dɔɔ́ láẃ. Loo ń noō tə́ súĺ gə̄ kə́ jī Piyer tə́ téē tə́sōn̄ kɔ̄ɔ́.

Najə̄ kə́ Majə yā Jeju ń Luk ndang ní 1:28

De kə́ dɔ rā̰ tə́ ní udə kújú gō ngōmandə ní tə́ ba rāān lápə́ya ədan na: Ī-rāā rɔ̄nel̄, ḭ̄ ń Nə́ɓā rāā kem majə seí ní, Kɔ́ɔ̄ɓē i naā tə́ seí.

MATIYE 1:20

Dan ń ni a gír̄ najə̄ ń toō kemən tə́ ɓáý anī, de kə́ dɔ rā̰ tə́ yā Kɔ́ɔ̄ɓē rāān kə nīí, ədan na: Jəjep, ngōn̄ kaa Dabid, ī-lōō ɓōĺ kaw̄ kə nə̄yá̰í Mari kújú. Tɔdɔ̄ ngōn̄ ń ni-ndān̄ ní i kə ta kūl̄ Ndíĺ kə́ Táĺ.

EJEKIEL 3:23

M-ḭ́ḭ dɔɔ́ m-āw̄ kem wól loo tə́ ō, anī kɔsə gɔn yā Kɔ́ɔ̄ɓē ɔjə rɔ̄n kə̄ ndágá loo ngeé ń noō tə́. Kɔsə gɔn ní to tītə̄ nge ń m-á̰a̰ kadə bā Kebar tə́ ní. Loo ń noō tə́ m-ə̄sō m̄-sébə kumḿ nang tə́.

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

Teē Ngán Israel gə̄ 16:10

Dan ń Aaro̰ a ɔr̄ najə̄ kə ngán Israel gēé ní, nin̄-tūrə̄n̄ kumdə́ i kə̄ dəla loo tə́. Loo ń noō tə́ kɔsə gɔn yā Kɔ́ɔ̄ɓē teē tū kil̄ man̄ tə́.

Najə̄ kə́ Majə yā Jeju ń Luk ndang ní 2:8

Ngé kul̄ yá̰a̰ gə̄ ndin̄ bembeé gō nang ngeé ń noō tə́. Ndɔ̄ɔ́ anī nin̄ a mbélə̄n̄ gír naā yā ngɔ̄məń yá̰a̰ kul̄ yādə́ gə̄ kadə̄ loo tīī.