Najə̄ kə́ Majə yā Jeju ń Luk ndang ní 2:46 - Bibəl ta Sar̄

⁴⁶ Kə ndɔ̄ kə́ nge ko̰ mətá anī əngenən̄ kem kújə yā Kɔ́ɔ̄ɓē tə́, ndi nang tə́ dan ngé kɔjə de gə̄ yá̰a̰ gə̄ tə́ a oōń najə̄ yādə́ ō, a dəjeńdə́ najə̄ ō.

Bible sar

⁴⁶ Kə ndɔ̄ kə́ nge ko̰ mətá anī əngenən̄ kem *kújə yā Kɔ́ɔ̄ɓē tə́, ndi nang tə́ dan ngé kɔjə de gə̄ yá̰a̰ gə̄ tə́ a oōń najə̄ yādə́ ō, a dəjeńdə́ najə̄ ō.

Najə̄ kə́ Majə yā Jeju ń Luk ndang ní 2:46 Referans Kwoze

Najə̄ kə́ Majə yā Jeju ń Luk ndang ní 5:17

Ndɔ̄ kógə̄ḿ tə́ Jeju a ndóō de gə̄ yá̰a̰ anī, Parijiyḛ kə ngé ndóō de gə̄ ndū najə̄ gə̄ i dan de gə̄ ní tə́. Nin̄-ḭḭn̄ i kə̄ ngán ɓē gə̄ malang kə gō nang kə́ Galile tə́ ō, kə́ Jude tə́ ō, ḭḭn̄ i Jerusalem ō n reēn̄ ní. Tɔ́gə yā Kɔ́ɔ̄ɓē i naā tə́ kə Jeju. Tɔ́gə́ ní rāā adə̄ kə ta kūl̄ Jeju de gə̄ ngá̰ý rɔ̄də́ ngáā.

KƏLA RĀĀ 5:34

Banī deē kógə̄ḿ ḭḭ dɔɔ́ dan ngé sarya kə́ bo gə̄ tə́. Deē ní i Parijiyḛ, rīn na i Gamaliyel. Ni i nge ndóō de gə̄ ndū najə̄ gə̄ kə́ ngán Israel gə̄ malang ɓōlə́n̄ ndílən. Ni-ḭḭ dɔɔ́ ba dəje kadə̄ kə teēn̄ kə ngámbang kəla gēé ndágá sḛ́ý.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

MATIYE 12:40

Adə̄ tītə̄ ń Jonas toń kem kānjə̄ kə́ bo tə́ kadə mətá ō, ndɔ̄ mətá ō ní, Ngōn̄ Deē a to gíŕ nángāá kadə mətá ō, ndɔ̄ mətá ō tītə̄ ń noō.

1 MBAN̄G GƏ̄ 12:12

Kə ndɔ̄ kə́ nge ko̰ mətá anī, Jeroboam nin̄ kə ngán Israel gēé tél reē əngen̄ Roboam tītə̄ ń ədańdə́ ní.

1 MBAN̄G GƏ̄ 12:5

Roboam ədadə́ na: Āwī, bírí i karī ba lootī tá ī-reēī. Anī kɔ́sə̄ de gə̄ ɔtə aw̄n̄.

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ Jerusalem kadə̄ n-a̰a̰ tápə̄ ngá̰ý jī kum kɔɔ̄ gə̄ tə́ ō, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

Najə̄ kə́ Majə yā Jeju ń Luk ndang ní 2:47

De gə̄ malang ń oōn̄ najə̄ kɔrə̄n ní, ger̄ najə̄ yān ō, kum najə̄ gə̄ ń tél tūr̄ a əda ō ní ɔr kumdə́ ngá̰ý.

JA̰A̰ 3:10

Anī Jeju ədan na: Ḭ̄ i nge kɔjə ngáń Israel gə̄ yá̰a̰, anī ī-ger̄ yá̰a̰ gə̄ ń toō aĺ a?

1 TIMOTE 1:7

Gḛyn̄ kadə̄ nin̄ i ngé ndóō de gə̄ ndū najə̄ gə̄, ba gerə̄n̄ yá̰á̰ ń nin̄-ədan̄ ní aĺ ō, yá̰a̰ gə̄ ń nin̄-ɔrə̄n̄ najə̄ kə́ dɔ tə́ kə ngangāá ní aĺ ō.