Najə̄ kə́ Majə yā Jeju ń Luk ndang ní 2:4 - Bibəl ta Sar̄

⁴ Jəjep aw̄ ō. Ni-ḭḭ Najaret, ɓē kə́ gō nang kə́ Galile tə́, aw̄ Betlehem ɓē kojə mban̄g Dabid tə́ gō nang kə́ Jude tə́, tɔdɔ̄ ni i de kə́ gír kaa Dabid tə́.

Bible sar

⁴ Jəjep aw̄ ō. Ni-ḭḭ *Najaret, ɓē kə́ gō nang kə́ Galile tə́, aw̄ Betlehem ɓē kojə mban̄g Dabid tə́ gō nang kə́ Jude tə́, tɔdɔ̄ ni i de kə́ gír kaa Dabid tə́.

Najə̄ kə́ Majə yā Jeju ń Luk ndang ní 2:4 Referans Kwoze

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

JA̰A̰ 7:42

Ké makətūbə̄ yā Nə́ɓā əda na ni i ngōn̄ kaa Dabid ō, na a teē i Betlehem ɓē yā Dabid tə́ ō aĺ wa?

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

Najə̄ kə́ Majə yā Jeju ń Luk ndang ní 4:16

Jeju aw̄ Najaret tə́, ɓē ń ətōnən̄ tū tə́ ní tə́. Ndɔ̄ sabat tə́ anī, ni-aw̄ kem kújə́ kán̄ naá tə́ tītə̄ ń i jī bēl̄ loo rāān ní. Ni-ḭḭ dɔɔ́ yā tə́da makətūbə̄.

MATIYE 2:23

Ni-aw̄ ndi kem ɓē kógə̄ḿ kə́ a ɓārə́n̄ na i Najaret tə́, adə̄ najə̄ ń ngé koō ta gə̄ ədan̄ ní reē udə gírí. Ədan̄ na a ɓāŕnən̄ na i de kə́ Najaret.

1 SAMUEL 20:6

Ré bɔbí a̰a̰ kadə̄ m̄-gətóo anī ə́dan na Dabid rāāī ɓɔ́ ādə̄ ə́ya̰n kadə̄ n-aw̄ ɓē yān tə́ Betlehem, tām̄ yá̰a̰ tun̄ kə́ kə dɔ ɓāl̄ gə̄ na i noó tām̄ yā de gə̄ malang kə́ gír yān tə́.

RUTƏ 4:17

Madə̄ ɓēn kə́ dəyá̰ gə̄ əndān̄ rī dɔ ngōn̄ ní tə́ ədan na: Noemi ənge ngōn̄ kə́ dəngam! Nin̄ əndān̄ rī ngōn̄ ní na i Obed. Obed i bɔbə̄ Jese kə́ bɔbə̄ Dabid.

RUTƏ 4:11

Anī gír de gə̄ malang ń ndin̄ loo sarya tə́ ní ō, kum kɔɔ̄ gə̄ ō, ədan na: A̰á̰ā̰ jḭḭ i de kə́ kum tə́ yāí gə̄! Ādə̄ Kɔ́ɔ̄ɓē rāā kə dəyá̰ ń a aw̄ kújú jīí tə́ ní tītə̄ ń rāań kə Rasel nin̄ kə Lea adə̄ ojən̄ gír de gə̄ yā Israel ní! Ī-rāā yá̰á̰ kə́ de kə́ ngáā tə́ kem ɓē kə́ Epərata tə́ ō, ə̄ndā rī kem ɓē kə́ Betlehem tə́ ō!

RUTƏ 2:4

Gō tə́ anī Boj ḭḭ Betlehem reē ugə̄. Ni-əda ngé sāā kōō gə̄ na: Ādə̄ Kɔ́ɔ̄ɓē i naā tə́ sesí! Anī ngé sāā kōō gə̄ tél ədanən̄ na: Ādə̄ Kɔ́ɔ̄ɓē rāā majə seí!

JA̰A̰ 1:46

Anī Natanayel tél ədan na: Yá̰á̰ kógə̄ḿ kə́ majə a teē kem ɓē kə́ Najaret tə́ nəkɔ́ a? Anī Pilipə tél ədan na: Ī-reē á̰a̰ā̰.

1 SAMUEL 17:58

Saul dəje Dabid na: Ngōnə̄ḿ, ḭ̄ i ngōn̄ náā? Anī Dabid tūr̄ ədan na: Mā i ngōn̄ Jese nge kəla yāí kə́ Betlehem.

1 SAMUEL 17:12

Dabid i ngōn̄ Jese ń gír kaan i Epərata ní. Jese ndi ɓē i Betlehem kə́ Juda tə́. Ngánən kə́ dəngam gə̄ i sɔ́sɔ́. Ɓāl̄ yā Saul tə́ ní, Jese tɔgə kɔ̄ɔ́ adə̄ asə kaw̄ ta rɔ̄ɔ̄ tə́ to̰ alé ba əla i kə de gēé.

1 SAMUEL 16:4

Samuel rāā yá̰á̰ ń Kɔ́ɔ̄ɓē ədan ní. Ni-aw̄ Betlehem anī kum kɔɔ̄ kə́ kem ɓēé gə̄ teē tə́nīn̄ tan kə sōlōó kekəre ba dəjenən̄ na ké reē i reē kə́ majə nəkɔ́ wa.

RUTƏ 1:19

Ba nin̄ jōó mbak aw̄n̄ bátə́ ugə̄n̄ Betlehem. Dan ń nin̄ ugə̄n̄ ní najə̄də́ ɓār̄ kem ɓēé sow. Dəyá̰ gə̄ ədan̄ na: I Noemi nəkɔ́ a?

TA KƏLA 48:7

Dan ń na n-ḭḭ Mesopotami na n-reē ní, Rasel na oy jīn tə́ róbó, dɔ nang kə́ Kanaan tə́, ngɔr kə̄ Epərataá. Na n-dubə̄n na i loo ń noō tə́, dɔ róbə́ kə́ kaw̄ kə̄ kem ɓē kə́ Epərata tə́, Epərata ń rīn kə́rēý na i Betlehem ní.

TA KƏLA 35:19

Rasel oy adə̄ dubə̄nən̄ róbə́ kə́ ta kaw̄ kə̄ Epərata ń i Betlehem ní tə́.

MATIYE 1:20

Dan ń ni a gír̄ najə̄ ń toō kemən tə́ ɓáý anī, de kə́ dɔ rā̰ tə́ yā Kɔ́ɔ̄ɓē rāān kə nīí, ədan na: Jəjep, ngōn̄ kaa Dabid, ī-lōō ɓōĺ kaw̄ kə nə̄yá̰í Mari kújú. Tɔdɔ̄ ngōn̄ ń ni-ndān̄ ní i kə ta kūl̄ Ndíĺ kə́ Táĺ.

Najə̄ kə́ Majə yā Jeju ń Luk ndang ní 2:3

Adə̄ de gə̄ malang aw̄n̄ kə̄ ɓē kojədə́ gə̄ tə́ kadə̄ əndān̄ rīdə́ makətūbūú loo rāā sānjə̄mā tə́.

Najə̄ kə́ Majə yā Jeju ń Luk ndang ní 2:5

Aw̄n̄ nin̄ i kə Mari, dəyá̰ nong yān ń ndān̄ ngōn̄ ní, kadə̄ əndān̄ rīdə́ makətūbūú loo rāā sānjə̄mā tə́.