Najə̄ kə́ Majə yā Jeju ń Luk ndang ní 2:37 - Bibəl ta Sar̄

³⁷ Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

Bible sar

³⁷ Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A *ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

Najə̄ kə́ Majə yā Jeju ń Luk ndang ní 2:37 Referans Kwoze

1 TIMOTE 5:5

Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.

KƏLA RĀĀ 14:23

Nin̄-gə̄rān̄ kum kɔɔ̄ gə̄ kem Egəlijə gə̄ tə́ kógə̄ḿ kógə̄ḿ adə̄n̄ ngé taā kem gə̄, ba gō tə́ anī ndin̄ ɓō tām̄ yā Nə́ɓā tə́ ō, ndɔ̄ȳn̄ ō, pá tá kadə̄ ɓɔ̄ɔ̄n̄də́ kə Kɔ́ɔ̄ɓē ń taān̄ kemən ní ɓáý.

PĀ GƏ̄ 23:6

A̰á̰ā̰ ndi majə ō, kem majə ō, a unən̄ gōḿ kə dɔ ndɔ̄ gə̄ malang ń m-ā m̄-ndiń kə kumḿ ní. Kɔ́ɔ̄ɓē, m-ā m̄-tél yā rāā ɓē kem kújə yāí tə́ kə́ njɔ́ḿ gə̄ tə́.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

KƏLA RĀĀ 13:3

Loo ń noō tə́ nin̄-*ndin̄ ɓō tām̄ yā Nə́ɓā tə́ ō, ndɔ̄ȳn̄ Nə́ɓā ō, əndān̄ jīdə́ dɔdə́ tə́ ba əya̰n̄də́ adə̄ aw̄n̄.

KƏLA RĀĀ 26:7

Míndən ngeé ń ənī ní, gír ɓē gə̄ kə́ kutə gidə i jōó yā gír deē yājí gə̄ əndān̄ kemdə́ dɔ tə́ kadə̄ a reē yā kudə gírí, adə̄ nin̄ rāān̄ kəla adə̄n̄ Nə́ɓā ndɔ̄ɔ́ ō kadaá ō kanjə̄ dəba. Mban̄g Agəripa, i tām̄ kəndā kem dɔ míndə́ Nə́ɓā tə́ ngeé ń toō n Jipə gə̄ sekə́mə̄n̄neé ní.

PĀ GƏ̄ 22:2

Nə́ɓā yāḿ, Nə́ɓā yāḿ, ə́ya̰m̄ kɔ̄ɔ́ i tām̄ rí tə́? Ī-ra dan sa̰y kanjə̄ dḭḭ̄m̄ ō, kanjə̄ koō nōō yāḿ ō i tām̄ rí tə́?

JEJU TEĒ KUM JA̰A̰ 7:15

I tām̄ najə̄ ń noō tə́ n nin̄-ndan̄ ta kōr̄ kāgə̄ mbang yā Nə́ɓā tə́, ba rāān̄ kəla adə̄nən̄ ndɔ̄ɔ́ ō, kadaá ō, kem kújə yān tə́ ní. Deē ń ndi dɔ kōr̄ kāgə̄ mbang tə́ ní a ngɔ̄m̄də́.

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

Najə̄ kə́ Majə yā Jeju ń Luk ndang ní 5:33

Nin̄-ədan̄ Jeju na: Ngé ndóō yá̰a̰ yā Ja̰a̰ gə̄ a ndin̄ ɓō tām̄ yā Nə́ɓā tə́ dejə ō, a ndɔ̄ȳn̄ ō, ngé yā Parijiyḛ gə̄ rāān tītə̄ ń noō ō, ba i ba̰ý á ngé yāí gə̄ ran̄ i dan kəsa yá̰á̰ kə́ njɔ́ḿ gə̄ tə́ ō, ka̰ȳ yá̰a̰ ō ní?

PĀ GƏ̄ 84:10

Nə́ɓā, á̰a̰ deē ń i der yājí ní, á̰a̰ ta kum deē ń úr yibə̄ dɔn tə́ ní.

PĀ GƏ̄ 84:4

Kɔ́ɔ̄ɓē kə́ ɓoo kə́ tɔ́gən i ngá̰ý, Nə́ɓā yāḿ ō, mban̄g yāḿ ō, i kə́lē a ənge ɓē ton ō, i yel̄ gabə kɔsə a a ənge loo kə́ yā ɓōkə́nń ngánən gə̄ ō, kadə loo tun̄ yá̰a̰ yāí gə̄ tə́.

1 SAMUEL 2:2

De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

Teē Ngán Israel gə̄ 38:8

Rāā bay kə́ yā ɓōkə́nń man̄ tə́go rɔ̄n ō, njan ō, i kə gində̄ nə̄ngá kasaá. Rāā i kə kútə́ram yā dəyá̰ gə̄ ń a rāān̄ kəla ta kújə kənge naā tə́ ní.

PĀ GƏ̄ 92:13

Banī de kə́ súmūú tɔgə tītə̄ kāgə̄ túmbur beé. Ta jīn tɔ̄ɔ̄ tītə̄ kāgə̄ sédər kə́ Liban beé.