Najə̄ kə́ Majə yā Jeju ń Luk ndang ní 2:34 - Bibəl ta Sar̄

³⁴ Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

Bible sar

³⁴ Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ *Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

Najə̄ kə́ Majə yā Jeju ń Luk ndang ní 2:34 Referans Kwoze

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

MATIYE 21:44

Deē ń a əsō dɔ mbal̄ ń toō tə́ ní a tétə̄ rárák, ba deē ń mbal̄ ngeé ń toō a əsō dɔn tə́ ní, mbal̄ ní a rējə̄n rárájə́.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

1 PIYER 4:14

Ré tájə̄n̄sí tām̄ yā rī Kərist tə́ anī, ādī rɔ̄sí nel̄sí. Tɔdɔ̄ Ndíĺ kə́ to kɔsə gɔn ń i Ndíĺ Nə́ɓā ní, i dɔsí tə́.

HEBƏRO 7:7

Kadə̄ i de kə́ bo n tɔ́r̄ tan dɔ de kə́ ni-bo tɔȳn tə́ ní. Nge ń noō ní, loo nējə̄n gətóo.

Makətūbə̄ ń Pol ndang adə̄ Rom gə̄ ní 9:32

I tām̄ yā rí tə́? I tɔdɔ̄ nin̄-gírə̄n̄ kadə̄ i taā kem yādə́ n a rāā kadə̄ nin̄-télən̄ de kə́ gōtə́ gə̄ ta kum Nə́ɓā tə́ ní alé, banī i kəla rāādə́ gə̄. Adə̄ mbal̄ əgadə́

KƏLA RĀĀ 6:7

Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

KƏLA RĀĀ 17:6

Ba dan ń nin̄-əngen̄də́ aĺ anī ndɔ́rə̄n̄ Jaso̰ ō, ngákó̰ó̰jí kə́rēý gə̄ ō, aw̄n̄ sedə́ no ngé ko̰o̰ ɓē gə̄ tə́. Nin̄-ədan̄ kə̄ dɔɔ́ ngá̰ý na: De gə̄ ń toō sól̄yōn̄ de gə̄ kə gō loo gə̄ malang kə́ dɔ nang tə́ laā. Ba ń toō ɓáa nin̄-reē ugə̄n̄ laā,

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

KƏLA RĀĀ 4:26

Mban̄g kə́ dɔ nang tə́ gə̄ ḭḭn̄ kə rɔ̄ɔ́ ō, ngar̄ gə̄ ɓoon̄ naā dɔ Kɔ́ɔ̄ɓē tə́ ō, dɔ Kərist yān tə́ ō.

JA̰A̰ 5:18

I tām̄ najə̄ ń noō tə́ n Jipə gə̄ sāān̄ tɔ̄lə̄n tɔȳ kə́ kété ɓáý ní. I tām̄ mān̄ ń ni-mān̄ dɔ ndū najə̄ yā ndɔ̄ sabat tə́ ní ngóy alé, banī i tām̄ kəda ń ni-əda na Nə́ɓā i Bɔbə̄n nəkɔ́ mámák ní ō, rāā ń ni-rāā rɔ̄n i de kə́ asən̄ naā kə Nə́ɓāá tə́ ní ō.

JA̰A̰ 3:20

Tɔdɔ̄ náā nəkɔ́ ń ā rāā yá̰á̰ kə́ majaĺ ní, gḛy loo kə́ unjə̄ kow alé. Adə̄ a reē kum loo kə́ unjə̄ kow tə́ alé, najə̄ kadə̄ gír kəla rāān gə̄ teēn̄ dɔɔ́.

MATIYE 27:63

Kɔ́ɔ̄ɓē gə̄, əga kemjí dɔ najə̄ kógə̄ḿ kə́ nge gól̄ de gə̄ ngeé ń toō əda tə́, dan ń ni-ndiń kə kumneé ɓáý tə́ ní. Ni-əda na: Ndɔ̄ mətá gō tə́ ɓáa n-a n-ndól̄.

MATIYE 12:46

Jeju ra a ɔr̄ najə̄ kə kósə de gēé kə̄ tan tə́ ɓáý anī, kó̰o̰n nin̄ kə ngákó̰o̰n gēé reē ran̄ ndágá, sāān̄ kɔr̄ najə̄ seneé.

MATIYE 11:19

Ba dan ń Ngōn̄ Deē reē ní, əsa yá̰a̰ ō, a̰ȳ yá̰a̰ ō anī de gə̄ ədan̄ na ni na i nge kəsa wa ō, nge kasə rāā ō, ni na i madə̄ ngé taā lambóo gə̄ ō, ngé rāā majaĺ gə̄ ō, banī yá̰a̰ rāān gə̄ ɔjə kadə̄ najə̄ i yā kum kedə̄ yā Nə́ɓā.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.

Teē Ngán Israel gə̄ 39:43

Dan ń Moijə a̰a̰ kadə̄ yá̰a̰ gə̄ i kə́ rāā kə gō ń Kɔ́ɔ̄ɓē ɔjənneé ní malang anī, tɔ́r̄ tan dɔ ngán Israel gə̄ tə́.

TA KƏLA 47:7

Jəjep aw̄ kə bɔbə̄n Jakobó rɔ̄ Parao̰ tə́, aw̄ ɔjən seneé. Jakob rāā Parao̰ lápə́ya kə rɔyɔ́.

TA KƏLA 14:19

Ni-tɔ́r̄ tan dɔ Abəram tə́, əda na: Ādə̄ Nə́ɓā kə́ dɔɔ́ sa̰y ngá̰ý ń i nge kəndā dɔ rā̰ ō, dɔ nang ō, ní rāā majə kə Abəram.

HEBƏRO 7:1

Melkisedek ngeé ń toō ni i mban̄g kə́ Salem tə́ ō, nge tun̄ yá̰a̰ yā Nə́ɓā kə́ dɔɔ́ ō. Dan ń Abəraham tetə mban̄g gə̄ rɔ̄ɔ̄ ba a tél a reē kə̄ ɓēé anī, Melkisedek ɔjə non ba tɔ́r̄ tan dɔn tə́.

KƏLA RĀĀ 28:22

Ba jḭḭ jə-gḛy kadə̄ īkɔ́ ə́dájí yá̰á̰ ń ī-gír̄ ní kə taí. Tɔdɔ̄ jə-ger̄ kadə̄ kə gō loo gə̄ malang ní, de gə̄ ndigən̄ najə̄ yā gír ɓūtə̄ yāí ń toō alé.

1 SAMUEL 2:20

Eli tɔ́r̄ tan dɔ Elkana tə́ ō, dɔ nə̄yá̰n tə́ ō, ba əda Elkana na: Ādə̄ Kɔ́ɔ̄ɓē adī ngáń kə́ rang gə̄ kə dəyá̰ ń toō kum gótə ngōn̄ ń i kə́ kadə̄ Kɔ́ɔ̄ɓē tə́ ní. Gō tə́ anī Elkana nin̄ kə Ana tél aw̄n̄ ɓēé.

Najə̄ kə́ Majə yā Jeju ń Luk ndang ní 2:35

Īkɔ́ tā a wurií a ɔliī tītə̄ kə́ deē ɔsiī i kə kəyāá adə̄ teē dām̄ kə́rēý tə́ beē.