Najə̄ kə́ Majə yā Jeju ń Luk ndang ní 2:25 - Bibəl ta Sar̄

²⁵ Dan ngeé ń noō tə́ ní dəngam kógə̄ḿ ndi Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń Israel gə̄ a əngen̄neé kem sɔl̄ ní ō, Ndíĺ kə́ Táĺ i dɔn tə́ ō.

Bible sar

²⁵ Dan ngeé ń noō tə́ ní dəngam kógə̄ḿ ndi *Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń *Israel gə̄ a əngen̄neé kem sɔl̄ ní ō, *Ndíĺ kə́ Táĺ i dɔn tə́ ō.

Najə̄ kə́ Majə yā Jeju ń Luk ndang ní 2:25 Referans Kwoze

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

Najə̄ kə́ Majə yā Jeju ń Luk ndang ní 2:38

Ni-reē ɔtə̄ kum mbang ngeé ń noō tə́ ō anī, udə kə̄ rɔ̄ tɔ̄ȳ Nə́ɓā tə́ ō, kə̄ rɔ̄ kɔr̄ najə̄ yā ngōn̄ ní tə́ kə de gə̄ malang ń a ngóōn̄ i kadə̄ Nə́ɓā gān̄g dɔ ɓē kə́ Jerusalem ní ō.

MARK 15:43

Jəjep kə́ Arimate əre wurən njam, ba aw̄ rɔ̄ Pilatə tə́, dəjen na kə adə̄n nīń Jeju. Jəjep ní, i deē kógə̄ḿ kə́ dan ngé sarya kə́ bo gə̄ tə́, kə́ de gə̄ rɔȳnən̄. Ba ni i nge ngóō ta reē Ɓē ko̰o̰ yā Nə́ɓā ō.

Najə̄ kə́ Majə yā Jeju ń Luk ndang ní 1:41

Dan ń Elijabet oō lápə́ya ń Mari rāān ní anī ngōn̄ jənga rik rik kemən tə́. Ndíĺ kə́ Táĺ rosə Elijabet,

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

Najə̄ kə́ Majə yā Jeju ń Luk ndang ní 23:51

Yá̰a̰ gə̄ ń madə̄n gə̄ ɔjən̄ rāā ō, yá̰a̰ gə̄ ń rāān̄ ō ní, ni-əla rɔ̄n danaá alé. Ni i de kə́ Arimate, ɓē kógə̄ḿ yā Jipə gə̄. Ni a ngóō i Ɓē ko̰o̰ yā Nə́ɓā.

IJAI 40:1

Ī-téliī kə kəndā kem dɔ tə́ ādī gír deē yāḿ gə̄ gogə́. A̰á̰ā̰, ī-tél ādīin̄ kəndā kem dɔ tə́ gogə́. Nə́ɓā yāsí əda i beé.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

KƏLA RĀĀ 10:2

Ni i de kə́ nge rāā yá̰a̰ kə gō ń Nə́ɓā ndigə ní ō, tá ni ō de kə́ kem kújə yān tə́ gə̄ malang ō ní, rāān̄ kəla adə̄n̄ Nə́ɓā ō. Ni-rāā kə Jipə kə́ ngé ndoō gə̄ ngá̰ý ō, ndɔ̄ȳ Nə́ɓā kə kum mbang gə̄ malang ō.

Najə̄ kə́ Majə yā Jeju ń Luk ndang ní 1:67

Ndíĺ kə́ Táĺ rosə kem bɔbə̄n Jakari, adə̄ ɔr̄ najə̄ kə́ nge koō ta tə́ əda na:

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

Makətūbə̄ yā Job 1:8

Anī Kɔ́ɔ̄ɓē dəjən na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

TƏ́DA 11:29

Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán Israel gə̄ ndílən kadə̄ nin̄ malang télən̄ ngé koō ta yān gə̄.

TA KƏLA 6:9

Gotə najə̄ yā Noe n toó: Noe i de kə́ súmūú ō, najə̄ gətóo dɔn tə́ dan de kə́ ɓāl̄ yān tə́ gə̄ tə́ ō. Ni njə̄rā kə Nə́ɓāá.

TƏ́DA 11:25

Kɔ́ɔ̄ɓē risə dan kil̄ man̄ tə́ ɔr̄ najə̄ kə Moijə. Ni-kēgə̄ Ndíĺ ń ndi kem Moijə tə́ ní sḛ́ý adə̄ kum kɔɔ̄ gə̄ ní. Dan nəkɔ́ ń ndíl əhɔ loo dɔdə́ tə́ bang ɓá ní a, əlan gír kɔr̄ najə̄ kə́ ngé koō ta gə̄ tə́, banī nayn̄ kə̄ loo kɔr̄ tə́ alé.

NDŪ NAJƏ̄ 18:15

I nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.

KƏLA RĀĀ 2:5

Tá Jipə kə́ ɓōĺ Nə́ɓā ngá̰ý gə̄ ndin̄ Jerusalem noó. Nin̄-ḭḭn̄ i kə gō nápar de gə̄ malang kə́ dɔ nang tə́ n reē ndin̄ ní.