Najə̄ kə́ Majə yā Jeju ń Luk ndang ní 2:19 - Bibəl ta Sar̄

¹⁹ Mari ngɔ̄m̄ yá̰a̰ gə̄ ń noō malang kemən tə́ ō, gír dɔ tə́ ō.

Bible sar

¹⁹ Mari ngɔ̄m̄ yá̰a̰ gə̄ ń noō malang kemən tə́ ō, gír dɔ tə́ ō.

Najə̄ kə́ Majə yā Jeju ń Luk ndang ní 2:19 Referans Kwoze

Najə̄ kə́ Majə yā Jeju ń Luk ndang ní 2:51

Loo ń noō tə́ ni-tél aw̄ sedə́ gogə́ Najaret, ba oō najə̄ tadə́ tə́. Kó̰o̰n ngɔ̄m̄ yá̰a̰ gə̄ ń noō malang kemən tə́.

Najə̄ kə́ Majə yā Jeju ń Luk ndang ní 1:66

De gə̄ malang ń oōn̄ najə̄ gə̄ ń noō ní gírə̄n̄ yá̰a̰ dɔ tə́, ba dəjen̄ rɔ̄də́ najə̄ ədan̄ na ké ngōn̄ nəkɔ́ ń toō ní ké a tél i de kə́ ba̰ý wa. Tɔdɔ̄ tɔ́gə yā Kɔ́ɔ̄ɓē i kə ngōn̄ ní rɔ̄kum.

Gōsə̄ najə̄ gə̄ 4:4

Bɔbə́ḿ ɔjəm̄ yá̰a̰ əda na: Ādə̄ kemií əhɔ najə̄ yāḿ, yá̰a̰ gə̄ ń m-ə́daī kadə̄ ī-rāā ní ī-ngɔ̄m̄, anī ā ī-ndi kə kumií.

1 SAMUEL 21:12

Ngé kəla yā Akis gə̄ ədan̄ Akis na: I deē ń toō n i Dabid ń i mban̄g kə́ dɔ nang yā ngán Israel gə̄ tə́ ní aĺ a? I ni n de gə̄ ənīn̄ pā seneé ndāmə̄nneé ədan̄ na Saul tɔ̄l̄ dūbú ba Dabid tɔ̄l̄ i dūbú kutə ní aĺ a?

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

TA KƏLA 37:11

Ngákó̰o̰n gə̄ əndānən̄ ni ba bɔbə̄n tá ngɔ̄m̄ najə̄ ní kemən tə́.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

DANIEL 7:28

Gír najə̄ ní gān̄g i loo ń toō tə́. Mā Daniel tā anī gír̄ yāḿ gə̄ əlan̄ ɓōĺ kemḿ tə́ ngá̰ý. gír̄ gə̄ ní rāāmə̄n̄ adə̄ m̄-tetə ndaa ō, asəm̄ gír̄ yá̰a̰ dɔ tə́ aĺ ō.

Najə̄ kə́ Majə yā Jeju ń Luk ndang ní 2:18

De gə̄ malang ń oōn̄ najə̄ ń ngé kul̄ yá̰a̰ gə̄ ədan̄də́ ní ɔr kumdə́.