Najə̄ kə́ Majə yā Jeju ń Luk ndang ní 2:14 - Bibəl ta Sar̄

¹⁴ Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

Bible sar

¹⁴ Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

Najə̄ kə́ Majə yā Jeju ń Luk ndang ní 2:14 Referans Kwoze

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

Najə̄ kə́ Majə yā Jeju ń Luk ndang ní 19:38

ba ədan̄ na: Tɔ́r̄ ta i dɔ nge ń reē tə́ ní, dɔ mban̄g ń reē kə rī Kɔ́ɔ̄ɓēé tə́ ní. Kem sɔl̄ lɔm i dɔ rā̰ tə́ ō, kɔsə gɔn i yā Nə́ɓā dɔɔ́ nú ō.

KOLOSƏ 1:20

yā kadə̄ yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, tél ndin̄ naā tə́ seneé kə ta kūl̄ Ngōnə̄neé ō, tām̄ yā Ngōnən tə́ ō. Loo ń noō tə́ ni-rāā adə̄ lɔm to kə ta kūl̄ mósə Ngōnən ń a̰ȳ tū kāgə̄ kə́ dēsə́ tə́ ní.

Najə̄ kə́ Majə yā Jeju ń Luk ndang ní 1:79

Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

JEJU TEĒ KUM JA̰A̰ 5:13

Ba yá̰a̰ malang kə́ dɔ rā̰ tə́ ō, dɔ nang tə́ ō, gíŕ nángāá ō, dɔ bā bo tə́ ō, kum bā bo tə́ ō ní, m-ōō ndūdə́ ədan̄ na: Tɔ̄ȳ ō, rɔȳ ō, kɔsə gɔn ō, tɔ́gə ō, i yā nge ń ndi dɔ kōr̄ kāgə̄ mbang tə́ ní ō, i yā Ngōn̄ batə̄ ō, kə dɔ ɓāl̄ gə̄ ɓāl̄ gə̄.

IJAI 57:19

m-ā m-ə̄ndā pā tɔ̄ȳ tadə́ tə́. Kɔ́ɔ̄ɓē əda na: Deē ń ndi sa̰y ní, kem sɔl̄ lɔm i tām̄ yān tə́ ō, deē ń ndi ngɔr ní, kem sɔl̄ lɔm i tām̄ yān tə́ ō! A̰á̰ā̰, m-ā m̄-rāā gír deē yāḿ gə̄ kadə̄ rɔ̄də́ ngáā.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

JA̰A̰ 17:4

M-ɔ́sə gɔnií dɔ nang tə́ laā, m̄-tɔ̄l̄ ta kəla ń ādə̄m̄ kadə̄ m̄-rāā ní.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

PILIPƏ 2:11

kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

Najə̄ kə́ Majə yā Jeju ń Luk ndang ní 3:22

adə̄ Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na: Ḭ̄ i ngōn̄ kó tár yāḿ, nelə̄m̄ seí ngá̰ý.

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

IJAI 49:13

Dɔ rā̰, ə́nda jīí! Ba ḭ̄ dɔ nang, ī-rāā rɔ̄nel̄! Mbal̄ bo gə̄, ə́gaī kɔŕ rɔ̄nel̄! Kɔ́ɔ̄ɓē tél adə̄ gír deē yān gə̄ kəndā kem dɔ tə́ gogə́, kumən o̰o̰n kə de gə̄ ń yá̰á̰ kə́ tōr̄ teē dɔdə́ tə́ ní.

EPEJƏ 1:9

I tītə̄ ń noō n ni-rāā adə̄ kumjí teē dɔ yá̰á̰ kə́ yáā ń kem majə yān sāā rāā tə́, adə̄ i yá̰á̰ ń ni núm̄ rāā kə ta kūl̄ Kərist,

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

EPEJƏ 2:7

Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo.

EPEJƏ 2:4

Banī kum Nə́ɓā o̰o̰n ngá̰ý sɔɔ̄ń táŕ ń ni-táŕjí ngá̰ý ní.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

MISE 5:5

Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

Najə̄ kə́ Majə yā Jeju ń Luk ndang ní 2:13

Kə̄ ta jī tə́ noō kósə de kə́ dɔ rā̰ tə́ kə́ ngá̰ý gə̄ reē ɓoon̄ rɔ̄də́ tū yā de kə́ dɔ rā̰ ní tə́, ba unən̄ pā tɔ̄ȳn̄neé Nə́ɓā, ədan̄ na:

Najə̄ kə́ Majə yā Jeju ń Luk ndang ní 2:15

Dan ń de kə́ dɔ rā̰ tə́ gə̄ əya̰n̄ ngé kul̄ yá̰a̰ gə̄ ba tél aw̄n̄ gogə́ dɔ rā̰ tə́ anī, ngé kul̄ yá̰a̰ gə̄ ədan̄ naā na yá̰á̰ ń na rāā yá̰a̰ Betlehem á Kɔ́ɔ̄ɓē na ədadə́ najə̄n ní kə n-aw̄ kə n-a̰a̰n̄.