Najə̄ kə́ Majə yā Jeju ń Luk ndang ní 2:11 - Bibəl ta Sar̄

¹¹ Ojən̄ nge kajəsí ɓōólaā kem ɓē yā Dabid tə́. Ni i Kərist, Kɔ́ɔ̄ɓē.

Bible sar

¹¹ Ojən̄ nge kajəsí ɓōólaā kem ɓē yā Dabid tə́. Ni i *Kərist, Kɔ́ɔ̄ɓē.

Najə̄ kə́ Majə yā Jeju ń Luk ndang ní 2:11 Referans Kwoze

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

KƏLA RĀĀ 2:36

I beé ní ādə̄ ngán Israel gə̄ malang gerə̄n̄ najə̄ ń toō majə: Jeju ń ə́ndaniī kə mayá̰ tū kāgə̄ kə́ dēsə́ tə́ ní, i ni n Nə́ɓā tūrə̄n Kɔ́ɔ̄ɓē tə́ ō, Kərist tə́ ō ní.

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

Najə̄ kə́ Majə yā Jeju ń Luk ndang ní 1:43

Mā i náā á kó̰ó̰ Kɔ́ɔ̄ɓē yāḿ n reē looḿ ní?

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

PILIPƏ 2:11

kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

JA̰A̰ 4:42

Ba nin̄-ədan̄ dəyá̰ ní na: I tām̄ najə̄ yāí tə́ n jə-taāń kem ngɔlaā toó to̰ aĺ tā, tɔdɔ̄ jḭḭ kɔ́ gə̄ j-oō najə̄ kə́ tan tə́, adə̄ jə-ger̄ kadə̄ ni i nge kajə de kə́ dɔ nang tə́ gə̄ rɔ̄kum.

Najə̄ kə́ Majə yā Jeju ń Luk ndang ní 2:4

Jəjep aw̄ ō. Ni-ḭḭ Najaret, ɓē kə́ gō nang kə́ Galile tə́, aw̄ Betlehem ɓē kojə mban̄g Dabid tə́ gō nang kə́ Jude tə́, tɔdɔ̄ ni i de kə́ gír kaa Dabid tə́.

MATIYE 1:16

Jakob ojə Jəjep kə́ ngaa Mari, ba Mari ojə Jeju ń a ɓāŕnən̄ na i Kərist ní.

1 KORḚNTƏ 15:47

De kə́ ta kəga dɔ ń rāānən̄ kə nángāá ní i de kə́ dɔ nang tə́, ba Adam kə́ nge ko̰ jōó ḭḭ dɔ rā̰ tə́ n reē.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

JA̰A̰ 1:45

Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ ndū najə̄ yā Moijə tə́ ō, kem makətūbə̄ yā ngé koō ta gə̄ tə́ ō ní: I Jeju ngōn̄ Jəjep kə́ Najaret.

KƏLA RĀĀ 17:3

Ni ɔjədə́ kum najə̄ kə́ ndang kem makətūbə̄ yā Nə́ɓā tə́ ō, ɔjədə́ kadə̄ kə gō ń ndangən̄neé ní, i gáŕ kadə̄ Kərist ní a̰a̰ tápə̄ ō, oy ba ndól̄ dan de kə́ koy gə̄ tə́ ō. Ni ədadə́ na: Jeju ń m-ɔ́jə́sí najə̄ yān toó, i ni n i Kərist ní.

KƏLA RĀĀ 5:31

I ni n Nə́ɓā ɔsən kə̄ dɔɔ́ kə tɔ́gəneé əndānəń ngāraá ō, nge kajə de gə̄ tə́ ō, kadə̄ ngán Israel gə̄ əngen̄neé ta róbə ndə̄ngā rɔ̄də́ ba kəngeń mā̰ȳ rɔ̄ dɔ majaĺ yādə́ gə̄ tə́ ní.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

JA̰A̰ 1:41

Deē ń Andəre əngen kété ní i Simo̰, anī ni-əda ngōkó̰o̰n na n-əngen̄ Mesi. Mesi kə ta ɓē yādə́ ní kumən na i Kərist.

MATIYE 16:20

Loo ń noō tə́ Jeju tāā ngé ndóō yá̰a̰ yān gə̄ ɓang ɓang na kə lōōn̄ kəda deē gotə sḛ́ý na ni na i Kərist.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

KOLOSƏ 2:6

Dan ń ī-ndigiī kadə̄ Kərist Jeju i Kɔ́ɔ̄ɓē yāsí ní, ī-njə̄rāī seneé.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

JA̰A̰ 11:27

Martə tél ədan na: A̰ýyē, Kɔ́ɔ̄ɓē, m̄-taā kem kadə̄ ḭ̄ i Kərist ō, Ngōn̄ Nə́ɓā ń kadə̄ reē dɔ nang tə́ ní ō.

JA̰A̰ 7:41

De kə́ rang gə̄ ədan̄ na ni na i Kərist. Ba de kə́ rang gə̄ ɓáý to̰ tél dəjen̄də́ na ké Kərist a teē i Galile wa.

Najə̄ kə́ Majə yā Jeju ń Luk ndang ní 2:26

Ndíĺ kə́ Táĺ ədan na a a̰a̰ Kərist yā Kɔ́ɔ̄ɓē pá tá na a oy ɓáý.

Najə̄ kə́ Majə yā Jeju ń Luk ndang ní 1:69

Ni teē kə nge kajə de gə̄ kógə̄ḿ kə́ tɔ́gən i ngá̰ý adə̄jí, teē seneé i dan de gə̄ kə́ gír kaa yā nge kəla yān Dabid tə́.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

JA̰A̰ 4:25

Dəyá̰ ədan na n ger̄ kadə̄ Mesi a reē, Mesi kə ta ɓē yādə́ ní kumən na i Kərist. Na loo ń a reē anī, na a ɔjədə́ yá̰a̰ malang.

KƏLA RĀĀ 13:23

Nə́ɓā teē kə Jeju nge kajə Israel gə̄ i gír kaa yā Dabid tə́ tītə̄ ń ənīń ndūn ní.