Najə̄ kə́ Majə yā Jeju ń Luk ndang ní 19:9 - Bibəl ta Sar̄

⁹ Anī Jeju əda najə̄ yān na: Ɓōólaā kajə reē ugə̄ kem kújə́ ń toō tə́, tɔdɔ̄ deē ń toō i ngōn̄ kaa Abəraham ō.

Bible sar

⁹ Anī Jeju əda najə̄ yān na: Ɓōólaā kajə reē ugə̄ kem kújə́ ń toō tə́, tɔdɔ̄ deē ń toō i ngōn̄ kaa Abəraham ō.

Najə̄ kə́ Majə yā Jeju ń Luk ndang ní 19:9 Referans Kwoze

GALATƏ 3:7

majə kadə̄ ī-gerī na i ngé taā kem gə̄ n i ngán kaa Abəraham kə́ rɔ̄kum gə̄ ní.

Najə̄ kə́ Majə yā Jeju ń Luk ndang ní 13:16

Ba ngōn̄ Abəraham kə́ dəyá̰ ń toō ń Sətan do̰ō̰n rāā ɓāl̄ kutə gidə i sɔ́sɔ́ ní tá kə yā tútən ndɔ̄ sabat tə́ aĺ a?

Makətūbə̄ ń Pol ndang adə̄ Rom gə̄ ní 4:16

Adə̄ j-a j-əngeī yá̰á̰ ń Nə́ɓā ənī míndən yā kadə̄jí ní sɔɔ̄ń i taā kem yājí, yā kadə̄ jə-gerīiń na i Nə́ɓā n adə̄ yá̰á̰ ń toō tām̄ rajə yān tə́ ō, kadə̄ kənī míndə yā Nə́ɓā kə́ tām̄ yā Abəraham tə́ ní to noó ɓáý tām̄ yā ngán kaan gə̄ tə́ malang ō. I ngán kaan gə̄ ń rāān̄ yá̰á̰ kə́ ndū najə̄ ɔjə ní ngóy alé, ba i ngé gə̄ ń taān̄ kem tītə̄ yān ní ō. Abəraham i kaají malang,

1 PIYER 2:10

Kété ní sḭḭ̄ i gír de gə̄ yā Nə́ɓā alé, banī ngɔlaā sḭḭ̄ i gír deē yān gə̄. Kété ní Nə́ɓā a̰a̰ kum tō ndoō yāsí alé, ba ngɔlaā ní ni-a̰a̰ kum tō ndoō yāsí.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

GALATƏ 3:14

Nge ń noō i yā kadə̄ tɔ́r̄ ta yā Abəraham reēń dɔ de gə̄ ń nin̄ i Jipə aĺ gə̄ ní tə́ kə ta kūl̄ Jeju Kərist ō, yā kadə̄ j-əngeīń Ndíĺ ń Nə́ɓā ənī míndən yā kadə̄ ní kə ta kūl̄ taā kem ō.

Najə̄ kə́ Majə yā Jeju ń Luk ndang ní 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī.

Najə̄ kə́ Majə yā Jeju ń Luk ndang ní 2:30

Tɔdɔ̄ kumḿ a̰a̰ kajə yāí ń

Najə̄ kə́ Majə yā Jeju ń Luk ndang ní 13:30

I beé n de kə́rēý gə̄ ń nin̄ i gogə́ ní a télən̄ de kə́ kété gə̄, ba ngé kə́rēý gə̄ ń nin̄ i kété ní a télən̄ de kə́ gogə́ gə̄ ní.

Najə̄ kə́ Majə yā Jeju ń Luk ndang ní 16:24

Loo ń noō tə́ ní un ndūn kə̄ dɔɔ́ ngá̰ý, ədań na: Bɔbə́ḿ Abəraham, á̰a̰ kum tō ndoō yāḿ, ba ə́la Lajar kadə̄ əla ta ngōn̄ jīn kum man̄ tə́, reē sɔlə̄ń ta ndo̰ḿ, tɔdɔ̄ rɔ̄ḿ tōrə̄m̄ ngá̰ý kum hor ń toō tə́.

Najə̄ kə́ Majə yā Jeju ń Luk ndang ní 16:30

Anī əda na: A oōn̄ alé, bɔbə́ḿ Abəraham, ba ré i de kə́ teē ɓádá aw̄ rɔ̄də́ tə́ ní anī, a tūrə̄n̄ háĺdə́.