Najə̄ kə́ Majə yā Jeju ń Luk ndang ní 19:8 - Bibəl ta Sar̄

⁸ Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

Bible sar

⁸ Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

Najə̄ kə́ Majə yā Jeju ń Luk ndang ní 19:8 Referans Kwoze

2 SAMUEL 12:6

Ni a adə̄ batə̄ gə̄ sɔ́ yā kəgāń kə̄rā ngōn̄ batə̄ ní tām̄ yá̰á̰ ń ni-rāā tītə̄ ń noō tə́ ní ō, tām̄ kumən ń o̰o̰n aĺ tə́ ní ō.

TƏ́DA 5:7

A ɔr̄ gíŕ yá̰á̰ ń rāā ní ō, a tél kə yá̰á̰ ń ni-ənge kə ta róbə́ kə́ gōtə́ aĺ ní yā kadə̄ kɔ́ɔ̄n gogə́ ō, a ənī manə̄n dɔ tə́ ō.

Gōsə̄ najə̄ gə̄ 6:31

Ré teēn̄ dɔn tə́ anī ni a tél yā kadə̄ yá̰á̰ ní gogə́ kadə̄ tɔȳ dɔ nja sīrí, a adə̄ yá̰a̰ malang kə́ kem kújə yān tə́.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

Najə̄ kə́ Majə yā Jeju ń Luk ndang ní 7:13

Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.

PĀ GƏ̄ 41:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.

Teē Ngán Israel gə̄ 20:16

Ā ī-sor̄ dɔ madí tə́ alé.

EJEKIEL 33:15

Yá̰á̰ ń asə rāā ní n toó: Ni tél kə yá̰a̰ tə̄nā yá̰á̰ adə̄ kɔ́ɔ̄ gogə́, aláa yá̰á̰ ń ni ɓogə ní, ni téləń adə̄ kɔ́ɔ̄ gogə́. Aláa ni-rāā yá̰á̰ ń ndū najə̄ gə̄ ədan̄ ní, ndū najə̄ gə̄ ń i ngé rāā kadə̄ deē ndi kə kumneé ní, adə̄ ni rāā yá̰á̰ kə́ majaĺ gə̄ to̰ alé. I beé ní, deē ngeé ń toō a ndi kə kumneé rɔ̄kum, ni a oy alé.

Najə̄ kə́ Majə yā Jeju ń Luk ndang ní 7:19

əladə́ rɔ̄ Kɔ́ɔ̄ɓē tə́ kadə̄ aw̄ dəjenən̄ na ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.

Najə̄ kə́ Majə yā Jeju ń Luk ndang ní 19:7

Dan ń a̰a̰n̄ tītə̄ ń noō ní a, kósə de gə̄ malang yṵ́rə̄n̄ najə̄ ədan̄ na: Á̰a̰ī wa! Ni-aw̄ əhɔ ɓē mbā ɓē de kə́ nge rāā majaĺ!