Najə̄ kə́ Majə yā Jeju ń Luk ndang ní 19:5 - Bibəl ta Sar̄

⁵ Dan ń Jeju reē ugə̄ loo ngeé ń noō tə́ anī, ənī kumən kə̄ dɔɔ́ ba ɓār̄ yá̰a̰, əda na: Jase, ī-risə nang tə́ láẃ, na ɓōólaā ní i gáŕ kadə̄ mā m̄-ndi i ta kújə́ tə́ looí.

Bible sar

⁵ Dan ń Jeju reē ugə̄ loo ngeé ń noō tə́ anī, ənī kumən kə̄ dɔɔ́ ba ɓār̄ yá̰a̰, əda na: Jase, ī-risə nang tə́ láẃ, na ɓōólaā ní i gáŕ kadə̄ mā m̄-ndi i ta kújə́ tə́ looí.

Najə̄ kə́ Majə yā Jeju ń Luk ndang ní 19:5 Referans Kwoze

JEJU TEĒ KUM JA̰A̰ 3:20

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

HEBƏRO 13:2

Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ de kə́ dɔ rā̰ tə́ gə̄ mbā kanjə̄ kadə̄ ger̄ gō.

JA̰A̰ 1:48

Anī Natanayel dəjen na: Ī-gerə̄m̄ i loo kə́ rá tə́? Anī Jeju tél ədan na: Kété pá tá kadə̄ Pilipə ɓāríī dan ń ī-ndiń gíŕ kótōó ɓáý ní, mā m-á̰a̰ī kɔ̄ɔ́.

EPEJƏ 3:17

Ba kadə̄ Kərist ndi kemsí tə́ kə ta kūl̄ taā kə́ ī-taāī kemən ō, ə́laī ngərasí kem tár tə́ ō, ī-raī ngan̄g dɔ tə́ ō.

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

EJEKIEL 16:6

m̄-mān̄ kadií tə́ anī, m-á̰a̰ kadə̄ ī-to i kum mósə́ tə́, banī m-ə́daī, dan ń ī-to kum mósə́ tə́ ɓáý ní, kə ī-ndi kə kumií.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

Najə̄ kə́ Majə yā Jeju ń Luk ndang ní 19:2

Anī dəngam kógə̄ḿ kə́ rīn na i Jase i noó ō. Ni i ngol ngé taā lambóo gə̄ ō, i de kə́ ənge yá̰á̰ ngá̰ý ō.

Najə̄ kə́ Majə yā Jeju ń Luk ndang ní 19:4

Anī ni-a̰ȳ ngɔ̄də̄ kété aw̄ al̄ dɔ kāgə̄ kógə̄ḿ kə́ to tītə̄ kótə̄ tə́ beé, loo ń Jeju a mān̄ tū tə́ ní tə́, yā kadə̄ kə n-a̰a̰ń Jeju.

Najə̄ kə́ Majə yā Jeju ń Luk ndang ní 19:6

Ni risə láẃ ba aw̄ əhɔn mbā ɓē yān tə́ kə rɔ̄nelēé ngá̰ý.