Najə̄ kə́ Majə yā Jeju ń Luk ndang ní 19:46 - Bibəl ta Sar̄

⁴⁶ udə kə̄ rɔ̄ ngé kigə yá̰a̰ gə̄ tə́ a tə̄ɓādə́ kɔ̄ɔ́ ba ədadə́ na: Ndangən̄ ədan na: Kújə yāḿ a tél kújə ndɔ̄ȳ, a sḭḭ̄ ī-tél ī-rāāī adə̄ tél to tītə̄ bəlo mbal̄ ɓɔ̄ɔ̄ rɔ̄ yā ngé gān̄g róbə gə̄ a?

Bible sar

⁴⁶ udə kə̄ rɔ̄ ngé kigə yá̰a̰ gə̄ tə́ a tə̄ɓādə́ kɔ̄ɔ́ ba ədadə́ na: Ndangən̄ ədan na: Kújə yāḿ a tél kújə ndɔ̄ȳ, a sḭḭ̄ ī-tél ī-rāāī adə̄ tél to tītə̄ bəlo mbal̄ ɓɔ̄ɔ̄ rɔ̄ yā ngé gān̄g róbə gə̄ a?

Najə̄ kə́ Majə yā Jeju ń Luk ndang ní 19:46 Referans Kwoze

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

JEREMI 7:11

Sḭḭ̄, ī-rāāī kújə́ ń rīḿ ɓār̄ dɔ tə́ ní i loo ɓɔ̄ɔ̄ rɔ̄ yā ngé tɔ̄l̄ de gə̄ tə́ a? Mā tā a, m-á̰a̰ kadə̄ i beé. Najə̄ ń Kɔ́ɔ̄ɓē əda ní n noó.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

EJEKIEL 43:12

Najə̄ kə́ dɔ kújə́ yā Kɔ́ɔ̄ɓē tə́ ní, ndū tām̄ kə́ bo kə́ dɔ tə́ ń toó: Loo malang ń gīr̄ gidə kújə́ yā Kɔ́ɔ̄ɓē dɔ mbalá dɔɔ́ ní, majə kadə̄ de gə̄ rāān̄ loo kə́ táĺ ngá̰ý tə́.

PĀ GƏ̄ 93:5

Yá̰a̰ gə̄ ń ī-ndang kadə̄ yā rāā ní i yá̰á̰ kə́ rɔ̄kum gə̄. Kɔ́ɔ̄ɓē, yá̰á̰ malang kə́ táĺ əhɔn̄ naā kə kújə yāí kə ndɔ̄ gə̄ ndɔ̄ gə̄.

OJEE 12:7

Majə kadə̄ ī-tél ī-reē gogə́ rɔ̄ḿ mā Nə́ɓā yāí tə́. Ɔ́jə kə̄ ndágá kadə̄ ḭ̄ i de kə́ nge kem majə ō, ī-ɓōĺ gidə yá̰á̰ kə́ súmūú ō, Ə̄ndā kemií dɔḿ mā Nə́ɓā yāí tə́ ngándáńg ō.

MATIYE 21:13

ba ədadə́ na: I kə́ ndang kem makətūbūú na a ɓārə́n̄ kújə yāḿ na i kújə ndɔ̄ȳ. Ba sḭḭ̄ ī-rāāī adə̄ tél i bəlo mbal̄ ɓɔ̄ɔ̄ rɔ̄ yā ngé ngān̄g róbə gə̄!

MARK 11:17

Anī ni-ndóōdə́ yá̰a̰, ədadə́ na: I kə́ ndang kem makətūbə̄ tə́ na: A ɓārə́n̄ kújə yāḿ na i kújə ndɔ̄ȳ kə́ tām̄ yā nápar de gə̄ tə́ malang aĺ a? Ba sḭḭ̄ ī-rāāī adə̄ tél i bəlo mbal̄ ɓɔ̄ɔ̄ rɔ̄ yā ngé gān̄g róbə gə̄!