Najə̄ kə́ Majə yā Jeju ń Luk ndang ní 19:13 - Bibəl ta Sar̄

¹³ Ni ɓāŕ ngé kəla yān gə̄ kutə, ba nə̄ɓōdə́ sə́lē lɔ́r gə̄ ɓú ɓú nja kutə kógə̄ḿ kə dɔdə́ gēé, ba ədadə́ kadə̄ kə rāān̄ kadə̄ teē madə̄ dɔ tə́ bátə́ kadə̄ ugə̄ń ndɔ̄ télən tə́.

Bible sar

¹³ Ni ɓāŕ ngé kəla yān gə̄ kutə, ba nə̄ɓōdə́ sə́lē lɔ́r gə̄ ɓú ɓú nja kutə kógə̄ḿ kə dɔdə́ gēé, ba ədadə́ kadə̄ kə rāān̄ kadə̄ teē madə̄ dɔ tə́ bátə́ kadə̄ ugə̄ń ndɔ̄ télən tə́.

Najə̄ kə́ Majə yā Jeju ń Luk ndang ní 19:13 Referans Kwoze

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

MATIYE 25:16

Nge kəla ń taā sə́lē dūbú kutə mí ní, aw̄ rāań gātə̄ kə̄ ta jī tə́ noō, anī ənge manə̄n dɔ tə́ dūbú kutə mí.

MATIYE 25:20

Nge kəla ń taā sə́lē dūbú kutə mí ní, reē rɔ̄n tə́ ngɔr. Ni ɔjən sə́lē kə́ rang gə̄ dūbú kutə mí ba ədan na: Kɔ́ɔ̄ḿ, ī-ɓɔ̄ɔ̄m̄ sə́lē i dūbú kutə mí ba á̰a̰ā̰, m-ə́nge sə́lē kə́ rang gə̄ dūbú kutə mí dɔ madə̄ tə́ ɓáý to̰.

MATIYE 25:22

Nge ń taā sə́lē dūbú kutə jōó ní reē ngɔr rɔ̄n tə́ ō, ba ədan na: Kɔ́ɔ̄ḿ, ī-ɓɔ̄ɔ̄m̄ sə́lē i dūbú kutə jōó, ba á̰a̰ā̰, m-ə́nge sə́lē kə́ rang dūbú kutə jōó dɔ madə̄ tə́ ɓáý to̰.

MATIYE 25:24

Nge ń taā sə́lē dūbú kutə kógə̄ḿ ní reē yān ō, ba ədan na: Kɔ́ɔ̄ḿ, m̄-ger̄ kadə̄ ḭ̄ i de kə́ hálí ngan̄g ngá̰ý. Ḭ̄ ə́ja kōō loo kə́ ī-dubə̄ kōō tū tə́ aĺ tə́ ō, ā ɔ́ý yá̰a̰ i loo kə́ ī-ɓōkə́ yá̰a̰ tū tə́ aĺ tə́ ō.

Najə̄ kə́ Majə yā Jeju ń Luk ndang ní 19:12

Ni ədadə́ tītə̄ ń toō beé na: Deē kógə̄ḿ kə́ gír kaan i ngār aw̄ dɔ ɓē kógə̄ḿ kə́ sa̰y tə́ yā taā ndū ko̰o̰ ɓē tá yā tél reē ko̰o̰ ɓē ɓáý.

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.