Najə̄ kə́ Majə yā Jeju ń Luk ndang ní 19:12 - Bibəl ta Sar̄

¹² Ni ədadə́ tītə̄ ń toō beé na: Deē kógə̄ḿ kə́ gír kaan i ngār aw̄ dɔ ɓē kógə̄ḿ kə́ sa̰y tə́ yā taā ndū ko̰o̰ ɓē tá yā tél reē ko̰o̰ ɓē ɓáý.

Bible sar

¹² Ni ədadə́ tītə̄ ń toō beé na: Deē kógə̄ḿ kə́ gír kaan i ngār aw̄ dɔ ɓē kógə̄ḿ kə́ sa̰y tə́ yā taā ndū ko̰o̰ ɓē tá yā tél reē ko̰o̰ ɓē ɓáý.

Najə̄ kə́ Majə yā Jeju ń Luk ndang ní 19:12 Referans Kwoze

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

Najə̄ kə́ Majə yā Jeju ń Luk ndang ní 20:9

Anī Jeju un kūjə́ najə̄ ń toō əda ngán Israel gə̄: Deē kógə̄ḿ əndā kāgə̄ nduú gə̄ kem ndɔr̄ yān tə́, ba əndā ngé ndɔr̄ gə̄ ta tə́ kadə̄ a̰ā̰n̄ gō ō, adə̄nən̄ kanə̄n ō, ba aw̄ mbā kə́ gō ngāl̄ ngá̰ý.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

1 KORḚNTƏ 15:25

Tɔdɔ̄ i gáŕ kadə̄ ni-o̰o̰ ɓē bátə́ kadə̄ Nə́ɓā tetə madə̄ ba̰ā̰n gə̄ malang rɔ̄ɔ̄, ba əladə́ gír njan tə́.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

Najə̄ kə́ Majə yā Jeju ń Luk ndang ní 24:51

Ba dan ń ni a tɔ́r̄ tan dɔdə́ tə́ tītə̄ ń noō ní anī, ɔr̄ rɔ̄n rɔ̄də́ tə́ ba aw̄n̄ seneé dɔ rā̰ tə́.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

MARK 12:1

Gō tə́ anī Jeju ɔr̄ najə̄ sedə́ kə kūjə́ najá əda na: Deē kógə̄ḿ əndā kāgə̄ nduú gə̄ kem ndɔr̄ yān tə́ ba əndā ndogə̄ mbal̄ gīrəń gidə ō, ndēr̄ bəlo kadə̄ mbə́reń kan̄ kāgə̄ nduú ō, rāā kújə ngɔm̄ kə́ ngāl̄ ɓururu kum kə̄ dɔɔ́ ta ndɔr̄ ní tə́ ō, əndā ngé ndɔr̄ gə̄ ta tə́ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

MATIYE 21:38

Banī dan ń ngé ndɔr̄ gə̄ ní a̰a̰n̄ ngōnən anī, ədan̄ naā na deē ń ndɔ̄ń tə́ a tél kɔ́ɔ̄ loo ní ni n toó, ādə̄ jə-tɔ̄l̄niī ba jə-taāī loo yān ní jīn tə́.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.