Najə̄ kə́ Majə yā Jeju ń Luk ndang ní 18:9 - Bibəl ta Sar̄

⁹ Jeju əda kūjə́ najə̄ ń toō tām̄ yā de kə́rēý gə̄ ń gírə̄n̄ kemdə́ tə́ kadə̄ nin̄ i de kə́ súmūú gə̄, ba a idən̄ tadə́ gír madə̄də́ gə̄ tə́ ní.

Bible sar

⁹ Jeju əda kūjə́ najə̄ ń toō tām̄ yā de kə́rēý gə̄ ń gírə̄n̄ kemdə́ tə́ kadə̄ nin̄ i de kə́ súmūú gə̄, ba a idən̄ tadə́ gír madə̄də́ gə̄ tə́ ní.

Najə̄ kə́ Majə yā Jeju ń Luk ndang ní 18:9 Referans Kwoze

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

Gōsə̄ najə̄ gə̄ 30:12

De kə́rēý gə̄ ndin̄ noó, nin̄ rāān̄ rɔ̄də́ i de kə́ unjə̄n̄ njáý njáý gə̄ tə́ adə̄ nin̄ tə́gon̄ yá̰á̰ kə́ yḛr gə̄ kə́ rɔ̄də́ tə́ kɔ̄ɔ́ alé!

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

Makətūbə̄ ń Pol ndang adə̄ Rom gə̄ ní 14:10

Ba ḭ̄, yāí ń ā ī-gāngəń sarya dɔ ngōkó̰ó̰í tə́ ní na i rí? Tá ḭ̄, yāí ń ā ídəń taí gír ngōkó̰ó̰í tə́ ní na i rí? Jḭḭ̄ malang, j-a j-awī yā ra no Nə́ɓā tə́, kadə̄ ni a gān̄g sarya dɔjí tə́.

Najə̄ kə́ Majə yā Jeju ń Luk ndang ní 7:39

Dan ń Parijiyḛ ń ɓāŕ Jeju ta kəsa yá̰á̰ ní a̰a̰ yá̰á̰ ní tītə̄ ń noō anī, əda kə̄ kemən tə́ na: Ré deē ń toō i nge koō ta anī a ger̄ dəyá̰ ń ɔdə rɔ̄n toó ō, a ger̄ ké i dəyá̰ kə́ ba̰ý wa ō, a ger̄ kadə̄ i dəyá̰ kə́ nge rāā majaĺ.

Makətūbə̄ ń Pol ndang adə̄ Rom gə̄ ní 7:9

Tām̄ kété dan ń gō míndə gətóó ní, mā m̄-ndi majə. Ba dan ń ndū najə̄ reē ní anī, yá̰á̰ kə́ majaĺ tél ajə ying gogə́,

Najə̄ kə́ Majə yā Jeju ń Luk ndang ní 19:7

Dan ń a̰a̰n̄ tītə̄ ń noō ní a, kósə de gə̄ malang yṵ́rə̄n̄ najə̄ ədan̄ na: Á̰a̰ī wa! Ni-aw̄ əhɔ ɓē mbā ɓē de kə́ nge rāā majaĺ!

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

JA̰A̰ 9:34

Nin̄-tél ədanən̄ na: Ojiīn̄ i kum majaĺ tə́ anī ī-gḛy ndóōjí yá̰a̰ a? Gō tə́ anī nin̄-tə̄ɓānən̄ ndágá kɔ̄ɔ́.

JA̰A̰ 9:28

Nin̄-tájə̄nən̄ ədanən̄ na: Īkɔ́ i nge ndóō yá̰a̰ yān, jḭḭ i ngé ndóō yá̰a̰ yā Moijə gə̄.

JA̰A̰ 8:48

Jipə gə̄ tél ədanən̄ na: Dan ń j-əda na ḭ̄ i de kə́ Samari ō, ndíĺ kə́ majaĺ i kemií tə́ ō ní, i gōtə́ aĺ a?

Najə̄ kə́ Majə yā Jeju ń Luk ndang ní 15:2

Anī Parijiyḛ gə̄, kə ngé ndóō de gə̄ ndū najə̄ gə̄ a yṵ́rə̄n̄ najə̄ dɔ Jeju tə́ ədan̄ na: Deē ngeé ń toō ní a əhɔ ngé rāā majaĺ gə̄ kə̄ rɔ̄n tə́ ō, a əsa yá̰a̰ sedə́ ō wa!

Najə̄ kə́ Majə yā Jeju ń Luk ndang ní 10:29

Banī nge ndóō de gə̄ ndū najə̄ gə̄ ní sāā kɔjə kadə̄ najə̄ i yān, adə̄ ni-dəje Jeju na ké i náā n i madə̄n ní wa?

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

Makətūbə̄ ń Pol ndang adə̄ Rom gə̄ ní 14:3

Ní, ādə̄ nge ń əsa ní lōō kidə tan gír nge ń əsa aĺ tə́ ní ō, ādə̄ nge ń əsa aĺ ní lōō gān̄g sarya dɔ nge ń əsa tə́ ní ō, tɔdɔ̄ Nə́ɓā əhɔn kə̄ rɔ̄n tə́ kɔ̄ɔ́.

LEBI GƏ̄ 13:32

Ré kə ndɔ̄ kə́ nge ko̰ sīrí ni-əndā ma̰ȳ ba a̰a̰ kadə̄ básḛý ní əsa kum kə̄ kété aĺ ō, bḭḭ̄ kə́ kərē suk suk gətóo kum tə́ ō, rúu kum kə̄ kemeé aĺ ō anī,